Terminlista for 6. divisjon vart denne veka offentleggjort. Norborg startar med bortekmap mot Hasundgot2 onsdag 12. august, medan første heimekamp blir veka etter mot Hareid2. Ein avsluttar sesongen heime mot Herdd2 28. oktober. Det er også klart at Vartdal har kome inn i divisjonen i staden for Volda3.
Terminlista.
Author Archives: Frode Engeset
Dette blir motstandarane i haust
Etter at dei siste kampane i 6. divisjon vart spelt i går kveld er det klart at desse blir Norborg sine motstandarar i haustsesongen: Vanylven, Hareid2, Hasundgot2, Volda3, Sula, Ellingsøy, Vigra, Blindheim2, Herd2 og Rollon2.
Vanylven, Hareid2 og Hasundgot2 tok likt antall poeng i 6. divisjon avdeling 1 der Vanylven kom først grunna særs god målskilnad. Volda3 kneip den siste ståplassen framfor Vartdal på betre målskilnad.
I avdeling 2 var Sula suverene vinnarar med 28 poeng på 10 kampar. Ellingsøy, Vigra og Blindheim2 var omtrent jamgode på plassane bak og kom seg nokre poeng framfor eit Godøy-lag som viste for svak borteform til at dei får bli med vidare i 6. divisjon.
Slo Rollon2 og tok 2. plassen
Norborg vann i kveld 4-1 over Rollon2, og sneik seg dermed forbi Larsgården sine nest beste på tabellen og tok 2. plassen i 6. divisjon avdeling 3. Niklas Rekdal gav Norborg leiinga til pause, medan Per Kristian Søvik (2) og Mohamad Erfan Bahrami scora etter pause. Vebjørn Olsbø scora for Rollon2.
Les meir..
Tabell
Sikra plassen i 6. divisjon
Norborg vann 2-0 borte mot Aksla2, og held dermed fram i 6. divisjon til hausten. Etter ein mållaus 1. omgang sørga mål av Per Kristian Grytten Søvik og Jesper Vos at alle poenga vart med heim til Uggedalen. Les meir..
Tabell
Siger i lokaloppgjeret
Norborg drog i land tre viktige poeng i lokaloppgjeret mot Ravn2 på Uggedal stadion i kveld. I ein lite velspelt, men spennande kamp, leia Norborg 1-0 ved pause etter scoring av Niklas Rekdal. Robert Dulgheru dobla leiinga etter knappe tjue minutt av 2. omgang, men Jonathan Lilleng reduserte minuttet seinare. I sluttminutta pressa Ravn2 på for utlikning og sende “alle mann” i angrep. Det utnytta Norborg langt inne i overtida då Robert Dulgheru prikka ballen i mål frå langt hald. Dermed 3-1 i denne “must win” kampen.
Les meir..
Tabell
Endeleg suksess på bortebane
Norborg har gått på eit par bortesmellar så langt i sesongen, men onsdag kveld reiste ein endeleg heim med tre poeng etter 3-0 siger over Harøy/Lepsøy/HaNo2. Robert Dulgheru ordna 1-0 på straffe før ti minutt var spelt, medan Niklas Rekdal dobla leiinga på frispark nokre minutt seinare. Halvvegs ut i 2. omgang trygga Jesper Vos sigeren med eit velplassert skot frå 15 meter.
Les meir..
Tabell
Sprakk etter pause
Norborg gjekk til pause med 1-2 leiing i bortemøtet med topplaget Herd2 onsdag kveld, men som i sist bortekamp slapp ein inn 6 mål i 2. omgang og måtte sjå seg slått 7-2. Robert Dulgheru scora måla for dei oransje.
Les meir..
Ny storsiger på heimebane

Med to mål i kvar omgang tok Norborg ein komfortabel siger over Skodje på Uggedal KGB i kveld. Etter ein halvtime med stillingskrig banka Jonas Holmeset inn leiarmålet på kampens første sjanse etter innlegg frå William Grytten. Få minutt seinare utnytta Robert Dulgheru rot i gjesteforsvaret og dobla leiinga. Norborg gjekk aggressivt til verks etter pause og fekk 3-0 då Anders Toven heada inn eit innlegg frå Tarjei Urkedal. Heilt på slutten sette Robert Dulgheru inn sitt andre mål og fastsette resultatet til 4-0. -Dette var ein skikkeleg lagsiger, sa trenar Thomas Gjerde etter kampen. Vi gjer arbeidsoppgåvene våre til fulle, er solide defensive og effektive framfor mål.
Les meir..
Tabell
Totalkollaps etter pause
Det var Murphys lov for Norborg då ein møtte Blindheim3 onsdag kveld. Etter ein godkjent 1. omgang der ein gjekk til pause med 1-0 leiing etter mål av Niklas Rekdal, gjekk galt etter pause. Norborg gjorde feil på feil og Blindheim fekk ein enkel 6-1 siger anført av halvt grytastrandar Lukas Slyngstadli, som scora hat-trick før ti minutt var spelt av 2. omgang.
Les meir..
Pangstart for herrelaget!
Norborg fekk ein god seriestart då Guard vart sendt heim frå Uggedalen med 3-0 i sekken. Etter ein svak 1. omgang der Guard var nærmast mål kom dei oransje ned frå gjerdet og dominerte etter pause. Dryge ti minutt ut i omgangen sette Robert Dulgheru sikkert inn årets første seriemål etter forarbeid av Niklas Rekdal. Eit kvarter seinare dobla same mann leiinga då han tok med seg ballen inn frå venstre, finta bort eit par mann og klinka ballen i nota oppe ved vinkelen med “feil” fot frå 20 meter. Fem minutt før slutt var midtstoppar Tobias Jensen i driblehumør då han tok med seg ballen frå eigen halvdel og opp i Guard sin 16 meter. Der fann han Norborg-debutant Eirik Skarbø som sette ballen i nota frå 12-13 meter til 3-0. På biletet ser vi 2-målsscorar Robert Dulgheru, trenar Thomas Gjerde og Eirik Remen Skarbø, som vart speleklar for Norborg i går og debuterte med mål i dag.
Kampreferat
Tabell

