Norborg/Brattvåg2 har flytta på to kampar i oppkjøringa til seriestart. Bortekampen mot Åndalsnes er flytta frå 15. mars til fredag 22. mars, medan kampen mot FK Sykkylven er flytta frå 21. mars til måndag 8. april. Kampen mot FKS blir spelt på Brattvåg si kunstgrasbane. Neste treningskamp er for øvreg heime mot Emblem torsdag 7. mars kl. 19.

Norborg/Brattvåg2 – Aksla 6-0 (0-0)
Treningskamp, Uggedal KGB, 21.02.2019

1-0 Magnus Austbø Seth (50)
2-0 Magnus Austbø Seth (53)
3-0 Magnus Austbø Seth (57)
4-0 Per Kristian Helle Hildre (67)
5-0 Magnus Austbø Seth (75)
6-0 Kristoffer Holmeset Søviknes (90)

Etter ein temmeleg jamn 1. omgang vakna Norborg verkeleg til liv etter pause, ikkje minst Magnus Austbø Seth som scora heile fire mål på ein halvtime. Dei to første putta han frå kloss hald, det tredje var eit hardt og presist skot frå 15 meter, mens det fjerde og Norborg sitt femte kom etter at Per Kristian Helle Hildre storma fram på venstresida etter ein stikkar frå Ole Johan Urke. Innlegget gjekk presist til Seth som tok eit par touch før han sette ballen i nota. Hildre hadde sjølv satt inn 4-0 åleine med keeper, medan Kristoffer Søviknes fastsette sluttresultatet til 6-0. Ein flott omgang av dei oransje.

Laget: Robin Bergtun (Benjamin Rørhus, 85) – Nikolai Jensen (Jonas Holmeset, 85), Anders Toven (Tobias Jensen, 73), Tor Abelseth, Siver Davik (Marius Fylling Rogne, 60) – Ole Johan Urke, Eirik Vågnes (Per Kristian Grytten Søvik, 60), Jesper Vos (Kristoffer Søviknes, 60), Magnus Jenssen (Vidar Nilsen Rogne, 60) – Magnus Austbø Seth (Lars Mikalsen, 85), Per-Stian Alvestad (Per Kristian Helle Hildre, 60).

Andre treningskampar:
SIF/Hessa – Blindheim 2-5
Volda – Hareid 0-0
Skodje – Langevåg 1-4

Norborg/Brattvåg2 spelar sin fjerde treningskamp for året når ein tek imot Aksla på Uggedal KGB torsdag kl. 19. På dei tre første kampane har det blitt tre strake sigrar og 14-3 i målskilnad. Aksla gav i fjorårets treningskamp Norborg god motstand sjølv om våre gutar vann 4-1. Det er venta eit nytt tøft oppgjer mot eit godt trent lag. Aksla vann i fjor 15 av 16 seriekampar og rykte opp til 5. divisjon. Dei har hittil i år spelt 3-3 mot Rollon og tapt 2-4 for Langevåg. Norborg har hittil i år stilt med eit ungt mannskap, men det er venta at Kristoffer Søviknes vil vende tilbake på bana etter å hatt pappaperm i vinter.

Søndag:
Herd – Brattvåg 0-7
Brattvåg/Ravn vann sin andre treningskamp i Trondheim med 7-1.

Laurdag:
Larsnes/Gursken – Vanylven 2-2
Tiller – Brattvåg/Ravn 2-8 (damer)

Fredag:
Ørsta – Hasundgot 1-1

Torsdag:
Bergsøy – Hovdebygda 4-4
Herd – Emblem 0-2
Ørsta – Volda 6-1
Langevåg – Aksla 4-2

Onsdag:
Valder – Godøy 3-0

Norborg/Brattvåg2 – Blindheim 3-2 (2-1)
Treningskamp, Uggedal KGB, 14.02.2019

1-0 Fredrik Hurlen (15)
2-0 Magnus Austbø Seth (18)
2-1 Adrian Os (31)
3-1 Magnus Austbø Seth (54)
3-2 Joakim Haugen (71)

Som i dei to føregåande treningskampane starta Norborg godt og leia 2-0 før tjue minutt var spelt. Først heada Fredrik Hurlen inn 1-0 før Magnus Austbø Seth dobla leiinga då han fekk stå heilt åleine innafor 16 meteren og triksa litt før han sendte ballen i fin boge over keeper. Om det var Blindheim som heva seg eller Norborg som slokna skal vi ikkje spekulere i, men Blindheim tok gradvis over kampen og reduserte då Adrian Os fekk ein stikkar i bakrom og sette ballen presist forbi keeper Arntsen. Etter kvila auka Seth til 3-1 etter eit flott angrep. Gard Rogne fann Magnus Jenssen ute på høgrekanten, han venta på Marius Fylling Rogne, som fekk ballen og slo den perfekt inn til Seth som sette den sikkert i nota. Joakim Haugen klinka inn 3-2 frå nærmare 30 meter og skapte spenning på slutten. Men trass motvind stod Norborg i mot og var nær 4-2 då Eirik Vågnes klinka ballen i tverra og ned.

Laget: Sander Arntsen – Jonas Holmeset (Per Kristian Helle Hildre, 83), Anders Toven (Tobias Jensen, 79), Tor Abelseth (Jesper Vos, 56), Marius Fylling Rogne – Ole Johan Urke (Vidar Nilsen Rogne, 53), Gard Rogne, Nikolai Jensen, Magnus Jenssen (Eirik Vågnes, 74) – Magnus Austbø Seth, Fredrik Hurlen (Per-Stian Alvestad, 46).

Med si 5-0 scoring i gårsdagens kamp mot Skodje noterte Ole Johan Urke seg for si 100. scoring for Norborg sitt A-lag. Herav 50 seriemål. Det første målet kom i ein treningskamp mot Ellingsøy 18. januar 2007. Urke er kjent for sine susande langskot, men både det første og det hundrande har kome frå kloss hald. Det første putta han etter ein retur frå keeper på eit skot frå Tarjei Gjerset Urkedal, nummer 100 etter at ein lite egoistisk Magnus Austbø Seth sentra når dei to kom åleine med keeper.

Norborg/Brattvåg2 – Skodje 6-0 (3-0)
Treningskamp, Uggedal KGB, 12.02.2019

1-0 Jesper Vos (6)
2-0 Jesper Vos (9)
3-0 Per-Stian Alvestad (20)
4-0 Per Kristian Helle Hildre (67)
5-0 Ole Johan Urke (83)
6-0 Magnus Jenssen (90)

Norborg kom godt i gong mot Skodje og scora tre mål på dei første tjue. Etter dette vart det mykje balltrilling og få sjansar fram til pause. I 2. omgang hadde Norborg full kontroll og scora ytterlegare tre mål. Allereie på torsdag er det ny kamp. Då mot Blindheim kl. 19.

Laget: Sander Arntsen – Per-Kristian Grytten Søvik (Anders Toven, 46), Tobias Jensen, Tor Abelseth (Nikolai Jensen, 58), Marius Fylling Rogne – Lars Mikalsen (Ole Johan Urke, 70), Jesper Vos (Gard Rogne, 70), Eirik Vågnes (Siver Davik, 75), Vidar Nilsen Rogne (Magnus Jenssen, 70) – Per-Stian Alvestad (Magnus Austbø Seth, 70), Per Kristian Helle Hildre.

Norborg/Brattvåg2 møter Skodje tysdag kl. 1830 og Blindheim torsdag kl. 19. Begge kampane går i Uggedalen.