To tapte poeng

Norborg/Brattvåg2 sløste med sjansane i kveldens kamp mot SIF/Hessa og måtte i nok ein heimekamp gå av bana utan siger. Denne gong vart det 2-2. Martin Koch klinka inn 1-0 frå 18 meter tretten minutt ut i kampen. Gleda varte ikkje lenge for Gaute Kvalsvik heada inn utlikning fire minutt seinare før same mann klinka inn 1-2 frå 30 meter kvarteret før pause. Like før pause utlikna Tobias Jensen til 2-2. Etter pause hadde Norborg dei fleste klare målsjansane og både Magnus Otterlei, Erlend Blø og Martin Koch burde ha avgjort kampen.
Kampreferat.

Heimekamp mot SIF/Hessa onsdag kl. 1815

Norborg/Brattvåg2 tek onsdag imot SIF/Hessa på Uggedal stadion til årets siste graskamp. Norborg har vist solid borteform med 6-2 over Emblem og 6-4 over Blindheim i sine to siste kampar. No gjeld det å finne denne forma også på heimebane. Møt opp for å sjå om det blir game, set, match til Norborg.

Bergsøy vart for sterke

Norborg/Brattvåg2 måtte sjå seg slått 0-3 av Bergsøy på Uggedal stadion fredag kveld. Gjestane var best før pause og leia 0-2 etter mål av Daniel Arnfinnson (41 min) og Daniel Kvalsvik (45). Heimelaget starta best etter pause, men det var Bergsøy som gjorde 0-3 ved Enrique Crespo Søvik (52 min). Norborg skapte fleire store sjansar, men greidde aldri å få nettsus. Ei heller på straffespark like før slutt.
Kampreferat.

 

Vos redda poenget i thriller

Norborg/Brattvåg2 låg under 1-3 og hadde lite å by på fram til Jesper Vos entra bana i 4. divisjonskampen mot Hovdebygda. Dryge tjue minutt seinare hadde han både skaffa straffespark og scora sjølv, og sikra dermed 3-3 og eit viktig poeng mot botnrivalen. Igor Leonov opna scoringsballet i denne underhaldande kampen då han banka ballen i nota etter ein dødball. Fem minutt seinare stod Norborg sitt forsvar å søv då Bjørnar Holen dunka ballen i bakrom frå eigen 16 meter fram til John Hjorthol, som sprang frå forsvaret og sette ballen sikkert bak keeper. Nokre minutt før pause scora Holen sjølv på eit frispark som nok keeper tek i 9 av 10 tilfeller. Knappe ti minutt etter pause aukar Jonas Tafjord til 1-3, og heimelaget sine spelarar heng med hovudet. Etter kvart som omgangen går så er det lite som tilseie at Norborg skal kome tilbake i kampen. Hovdebygda verkar å ha kontroll, men så startar ting å skje. Thomas Aarsund sette inn 2-3 på straffe og så reddar altså Vos poenget med sitt mål etter dødball. Hovdebygda hadde ein gedigen sjanse på overtid til å få med seg alle poenga, men då redda keeper Ronald Olsen meisterleg med venstrefoten.
Kampreferat

Fortent tap mot Langevåg

Norborg/Brattvåg2 måtte sjå seg slått heile 0-4 av Langevåg torsdag kveld. Gjestane fekk ein perfekt start då Håkon Sværen scora eitt og eit halvt minutt ut i kampen. Like før pause dobla Eirik Hurlen leiinga på straffe i ein sjansemessig jamn omgang. Norborg yppa seg i starten av 2. omgang, men kom ikkje nærmare enn eit stolpeskot av Thomas Whalen. Mot slutten rakna heimelaget og Langevåg scora to mål. Først ved Ask Veddegjerde på eit skot utanfor 16 meteren, så på volley av Hurlen etter frispark. Fortent siger til gjestane, men i største laget etter spel og sjansar.
Kampreferat.

Tapte 9-målsdrama på Moa

Herd – Norborg/Brattvåg2 5-4 (3-2)
1-0 Mathias Sæther (1)
2-0 Scott Fellows (17)
3-0 Erlend Fjeldstad (20)
3-1 Tobias Jensen (23)
3-2 Eirik Koppen Vågnes (29)
4-2 Mathias Sæther (str. 50)
5-2 Sjølvmål (57)
5-3 Tobias Jensen (59)
5-4 Magnus Otterlei (79)

Norborg/Brattvåg2 fekk ein grusom start på kampen og låg under 3-0 før tjue minutt var passert, men kjempa seg tilbake i kampen før pause med to reduseringer. Starten på 2. omgang var omtrent like grusom som den første og Herd var igjen tilbake i 3-målsleiing. To mål som seiast å ikkje ha blitt godkjent om det var VAR i 4. divisjon. Norborg/Brattvåg2 kjempa seg igjen tilbake i kampen med to mål, men måtte altså reise poenglause heim. Kampreferat.