Brusdal spelar mest

I fjor spelte Kjell Terje Brusdal den nette sum av 0 minutt. I år har midtstopparen spelt samtlege 990 minutt og bidratt til at Norborg/BIL2 har halde nullen i 5 av 11 kampar. Nærmast på lista over antall minutt kjem Magnus Austbø Seth (875 minutt) og Gard Rogne (865). Totalt har 28 spelarar aksla den oransje trøya. Av desse er 22 registrert i Norborg, medan 6 er registrert i Brattvåg. I den mest nytta første 11-aren er 8 frå Norborg og 3 frå Brattvåg (Seth, Rogne og Rørhus). Desse tre trenar også fast med Norborg.
Les meir

Guard eldst – Herd2 yngst

Dei to nykomarane frå 6. divisjon, Guard og Fjørtoft, har 5. divisjon sitt eldste mannskap, medan Herd2 og Langevåg er yngst, dersom kampen mot Norborg er symptomatisk for det dei har brukt i resten av kampane i vår. Norborg sin snittalder på troppen ein har brukt på dei 11 kampane hittil er 23,48 år. Noko som er sjette eldst i divisjonen. Norborg stilte med sin eldste tropp i kampen mot Hovdebygda då snittalderen var 25 år, medan ein hadde sitt yngste mannskap i kampen mot Skodje då snittalderen var 22,32 år.

Her er oversikt over snittalderen til dei ulike laga i kampen mot Norborg:

LagSnittalder
Guard31,38
Fjørtoft28,78
Sæbø28,15
Hovdebygda25,67
Skodje24,06
Norborg23,48
Ellingsøy23,28
Blindheim23,00
Stranda22,97
Volda222,17
Langevåg20,71
Herd219,14

5. divisjon torsdag

Sæbø – Herd2 1-2 (1-1)
Bjørnar Holen gav heimelaget leiinga, men Herd2 utlikna ni minutt før pause og sikra tre poeng tre minutt før slutt. Herd2 fekk dermed luke ned til dei to botnlaga og passerte også Guard på tabellen grunna betre målskilnad.

Stranda – Volda2 2-1 (1-0)
Øyvind Fjørstad ga Stranda leiinga tidleg i kampen etter corner. Volda2 utlikna like etter pause, men Tobias Hjelle sikra heimelaget alle poenga med sitt mål eit kvarter før slutt.

Fjørtoft – Langevåg 1-2 (1-0)
Hans Edvard Nordang ga heimelaget leiinga på straffe, men Vinjar Vedde utlikna like etter pause og ti minutt før slutt sørga Sebastian Nordal for siger til Langevåg. Fjørtoft gjekk dermed gjennom vårsesongen utan siger.

Tabell

Knock-out på Color Line!

Det vart utklassingssiger då Norborg gjesta CLS for sitt første møte med Guard på 35 år. Etter ein litt sløv 1. omgang og berre 0-2, vart det leikestove etter pause då heimelaget gjekk tom for krefter. Norborg styrte alt og stoppa ikkje før det stod 0-9. Patrik Hjelmseth scora tre, eller var det fire. Det eine skotet trefte nemleg Jesper Vos før det gjekk i nota. Vos scora uansett minst eitt. Det same gjorde Tarjei Urkedal, Magnus Austbø Seth, Ådne Hellandsvik og Vidar Nilsen Rogne. Dette var Nilsen Rogne sitt første seriemål.
Kampreferat

I ein annan 5. divisjonskamp onsdag vann Hovdebygda 1-0 over Blindheim. Norborg/BIL2 er dermed berre to poeng bak leiarlaget.

Tabell

Trimgruppa med utbetring av rås

Trimgruppa hadde tysdag kveld dugnad med utbetring av råsa frå vetevegen til foten av Tverrbotshornet. 30 bruer har blitt bygd og i løpet av 2,5 time vart dei lagt på plass på dei fuktige områda. Bra jobba!

Fotballskule i Uggedalen

Norborg held denne veka fotballskule for 54 barn i Uggedalen. Instruktør er Jonas Storlykken frå Ålesund, med hjelparar frå juniorlaget. Det starta med litt dårleg ver, men det stoppa ikkje fotballgleda til barna. Dei stortrivst og koser seg med dyktige leiarar, god mat og frukt, og mykje fotball. Her er eit knippe bilete frå veka. (Oppdatert med bilete frå fredag)
Les meir

Bortekamp mot Guard onsdag kl. 19

Norborg/Brattvåg2 tek onsdag turen til Color Line stadion for å møte Guard.

Norborg har ein stor stall å velge frå i denne kampen. Berre André Larsen (overtrakk), Magnus Jenssen (jobb) og Ruben Holmeset (sjøen) manglar. Det betyr at Elling Mikal Kalvø er tilbake frå sjukdom. Tor Abelseth, som måtte gi seg tidleg i kampen mot Stranda, er også klar til kamp. Patrik Hjelmseth syns ferien i 2. divisjon er for lang og vil vere med på denne kampen.

Norborg og Guard var ofte i same divisjon på 1970-talet, men har ikkje møtt kvarandre sidan 1983. Ein av grunnane til dette er at Guard ikkje hadde A-lag frå 1995 til 2013. I 2014 starta dei opp igjen i 6. divisjon, og etter nokre år i toppen av divisjonen tok dei steget opp til 5. divisjon etter å ha slått Åmdal i kvalifiseringskampar i fjor haust.

Guard har foreløpig gjort det brukbart og ligg på trygg grunn. Det er likevel på bortebane Guard er best. Dei scorar mange mål, faktisk er det berre Blindheim og Norborg som scorer meir. Defensivt går det ikkje like bra sjølv om dei har velkjente Kristian Muriås i mål. Av spelarar vi kan legge til merke er det Kristoffer Holmen, som tidlegare har spelt for Langevåg, Erik Røsvik, som har 2. og 3. divisjonserfaring med Skarbøvik, Elverum og Rollon, og ikkje minst Joakim Bendal, som har 60 mål på 46 kampar for Guard. Ni av dei på sju kampar i år. Vi skal heller ikkje gløyme tidlegare AaFK-spelar og trenar Trond Fredriksen. Alt i alt eit rutinert lag som Norborg må vere skjerpa mot.

Dommar: Jan Lund (Godøy)

5. divisjon runde 11

Då har vi kome fram til siste serierunde før sommaren. Skodje og Ellingsøy har allereie tatt ferie sidan dei spelte sin kamp i går. Det enda med 2-1 siger til Skodje, som dermed ligg på opprykksplass før resten av runda spelast. Runda sin toppkamp er Hovdebygda-Blindheim, medan dei andre laga på øvre halvdel på papiret skal ha eit enkelt kampprogram.
Les meir

Tor Grande nok ein gong til topps!

Tor Grande gjekk nok ein gong til topps i vår tippekonkurranse. Sist gong vann han på loddtrekning, men denne gong fekk han dobbelt så mange riktige som nestemann på dei tre spørsmåla vi stilte. Tor får velge mellom Norborg-genser, Norborg-ryggsekk og å bli banemann igjen, som premie!

Ellevill kamp i Uggedalen

Det vart ein utruleg kamp på Uggedal stadion torsdag kveld når topplaga Norborg/BIL2 og Stranda møttes. Heimelaget kom best i gong og dominerte spelet utan å score. Ti minutt før pause scora Stranda på sin første sjanse, og fortsette å score og score til det stod 0-4 fem minutt ut i 2. omgang. Då vakna endeleg Norborg, og på dei siste 25 minutta henta ein opp Stranda si leiing og behaldt eitt poeng. Kristoffer Søviknes (2), Gard Rogne og Tarjei Urkedal scora for heimelaget. Kristupas Prismantas, Eimantas Simanauskas, Tobias Hjelle og Edvinas Sagalovas scora for gjestane. – Vi starta kampen greit, men eg sakna likevel meir trøkk i den perioden vi styrer. Dei siste tjue inn mot pause er grusomme. Vi ramla totalt saman. Har null duellvilje og gjer grove feil. Vi får også ein i fleisen kort tid etter pausa, men viser god moral og står verkeleg på for å få noko ut av kampen. Fullt fortent når utlikninga var eit faktum, sa trenar Kristian Søviknes etter kampen.
Kampreferat.

Andre resultat:
Volda2 – Hovdebygda 0-1
Ellingsøy – Sæbø 2-1
Herd2 – Guard 0-3
Fjørtoft – Skodje 1-2
Blindheim – Langevåg 1-1
Tabell