Midsund – Norborg 3-3 (2-1)
Treningskamp, 02.08.2018

2-1 Magnus Austbø Seth
2-2 Kristoffer Søviknes
3-3 Kristoffer Søviknes

Laget: Ronald Søvik Olsen (Benjamin Rørhus, 46) – Lars Mikalsen, Anders Toven, Tor Abelseth, Anders Finnøy – Ole Johan Urke (Jonas Holmeset, 55), Gard Rogne, Kristoffer Søviknes, Vidar Nilsen Rogne –  Magnus Austbø Seth, Kristian Søviknes (Øyvind Sundnes, 67)

Midsund leia 2-0 dryge tjue minutt ut i kampen, men Norborg reduserte før pause etter eit flott angrep med ein-touch kombinasjoner, som vart avslutta av Magnus. Kristoffer utlikna midt i andre omgang då han sette Jonas sitt hjørnespark i mål via tverra. Midsund tok igjen leiinga før Krisstoffer flikka inn eit frispark til 3-3. Midsund var det førande laget i 1. omgang, medan Norborg skapte ein del i 2. omgang og hadde blant anna eit skot i stolpen, samt at Midsund sin sisteskanse gjorde ein del gode redningar. Alt i alt ei flott treningsøkt.

Dommer: Bjarte Steinsbu

Norborg spelar i kveld kl. 1850 treningskamp mot 4. divisjonslaget Midsund. Sidan det berre er 2. august så er det sjølvsagt ein litt ferieprega tropp, men ein reiser til Midsund med 15 spelarar.

Stian Grytten Skogvoll (20) er tilbake frå militærteneste og slutter seg til Norborg når oppkjøringa til haustsesongen startar. Høgreback Skogvoll spelte 17 seriekampar for Norborg i fjor. – Det er gledeleg at vi får styrka stallen med ein naturleg sideback, seier trenar Kristian Søviknes.

Norborg har avtalt to treningskampar i høve oppkjøringa til haustsesongen. Torsdag 2. august vil ein spele bortekamp mot Midsund, medan torsdag 9. august kjem FK Sykkylven til Uggedalen.

I fjor spelte Kjell Terje Brusdal den nette sum av 0 minutt. I år har midtstopparen spelt samtlege 990 minutt og bidratt til at Norborg/BIL2 har halde nullen i 5 av 11 kampar. Nærmast på lista over antall minutt kjem Magnus Austbø Seth (875 minutt) og Gard Rogne (865). Totalt har 28 spelarar aksla den oransje trøya. Av desse er 22 registrert i Norborg, medan 6 er registrert i Brattvåg. I den mest nytta første 11-aren er 8 frå Norborg og 3 frå Brattvåg (Seth, Rogne og Rørhus). Desse tre trenar også fast med Norborg.
Les meir →

Dei to nykomarane frå 6. divisjon, Guard og Fjørtoft, har 5. divisjon sitt eldste mannskap, medan Herd2 og Langevåg er yngst, dersom kampen mot Norborg er symptomatisk for det dei har brukt i resten av kampane i vår. Norborg sin snittalder på troppen ein har brukt på dei 11 kampane hittil er 23,48 år. Noko som er sjette eldst i divisjonen. Norborg stilte med sin eldste tropp i kampen mot Hovdebygda då snittalderen var 25 år, medan ein hadde sitt yngste mannskap i kampen mot Skodje då snittalderen var 22,32 år.

Her er oversikt over snittalderen til dei ulike laga i kampen mot Norborg: