Etter is i rubben i ein treningskamp mot HaNo for ei drøy veke sidan, så var det god glid i Sunnmørsposten Cup-kampen mot Godøy i Uggedalen søndag kveld. Sidan Godøy spelar ein divisjon under Norborg så starta dei kampen med eit straffespark som vart sett i mål av Simen Støbakk Valkvæ. Deretter var det berre Norborg som ikkje gav seg før det stod 7-1. Anders Toven utlikna dryge ti minutt ut i kampen før Robert Dulgheru presenterte seg. Først sette han inn 2-1 på straffespark etter at Kristoffer Søviknes vart felt. Så scora han på eit skot frå 18 meter. I sluttminutta av 1. omgang var først ein Godøy-spelar uheldig å sette ballen i eige mål på corner for Dulgheru sette inn sitt tredje for dagen. Dermed 5-1 til pause. 2. omgang vart langt rolegare, men far Marius Dulgheru gjorde 6-1 før Kristoffer Søviknes fastsette sluttresultatet til 7-1 på ei klassescoring der han tok ned ballen på brystet og klinka den i lengste. Dette var for øvreg Norborg sin største siger over Godøy nokon sinne i dei 52 offisielle kampane ein har hatt mot dei sidan det første møtet i 1971. Norborg møter Sula i neste runde, også det eit lag som spelar i 6. divisjon.
Norborg Magasinet 2023
Norborg magasinet av 2023 tilgjengelig elektronisk
To nye inn
Sebastian Vågø vart på sin 26-årsdag i går klar for Norborg etter overgang frå Skodje. Vågø har spelt 4., 5., 6. og 7-ar fotball for Skodje sidan A-debuten hausten 2013. Det er også klart at Markus Søvik Gunnarsson (28) gjer comeback etter å ha flytta tilbake til Haram.
Møter Godøy i Sunnmørsposten Cup
Sunnmørsposten hadde i dag trekning i sin nyutvikla cup og då vart det klart at Norborg møter Godøy. Godøy er det laget ein har møtt flest gongar i seriespel sidan 1968, men sist møte mellom laga var i 2017. No er det altså klart for cupmøte mellom dei gamle rivalane. Kampen må spelast seinast 25. februar. Heile trekninga finn du her.
Mykje har skjedd i Norborg sidan sesongslutt i oktober. Laget har valgt å avslutte samarbeidet med Brattvåg2, ein har tilsett Niklas Rekdal som spelande trenar, samt fått tidlegare toppspelar Torbjørn Grytten tilbake til moderklubben. I går vart også Ole Enger Willumsen klar for dei oransje. Han er født i 1994, kjem frå Skodje og spelte i fjor 5. divisjonsfotball for Moldestudentene. Andreas Larsen Beite signerte sist veke. Han er også frå Skodje og er født i 1995. Han måtte i fjor nøye seg med 7ar fotball i heimbygda. Vi ønsker alle velkomen til Norborg.
Stem på Ronald som årets lagspelar
Fram til fredag kan du stemme på Norborg sin keeper Ronald Søvik Olsen som årets lagspelar på Sunnmøre. Du kan gi di stemme her.
Tapte serieavslutninga
Norborg/Brattvåg2 tapte årets siste kamp med 6-1 for Volda2. Heimelaget var best før pause, medan Norborg styrte det meste etter og burde ha fått med seg eit betre resultat. Tor Abelseth scora for dei oransje. Les meir..
Årets siste heimekamp
Fredag kl. 1830 spelar Norborg/Brattvåg2 årets siste heimekamp då Hovdebygda gjestar Uggedal KGB. Norborg står framleis utan heimesiger i årets sesong, men vonleg mobiliserer laget skikkeleg for å knuse denne smultringen. Hovdebygda var gjerne tre enkle poeng i vår storheitstid på 2000- og 2010-talet, men etter 8-1 sigeren 11. oktober 2018 har det blitt fire kampar utan siger mot Kenneth Nydahl sine disiplar. Det må vi gjere noko med. Vél møtt!
Open dag på stadion!
Laurdag 14.oktober blir der open dag på Uggedal Stadion!
Det er eit heilt gratis arrangement som er opent for alle. Om ein vil spele fotball med familien, venar eller
berre for seg sjølv kan ein kome. Det blir utlån av ballar frå klokka 12 til klokka 14. Her er inga begrensing i alder.
Det er heller ingen påmelding, så kom som du er.
Vi håpar du tar med deg nokon du kjenner, og blir med på ein leiken dag med fotball. Det kan hende det blir kiosk!
Er det nokon som ynskjar å begynne med organisert fotball no, eller etter den opne dagen, må ein berre ta kontakt med
leiar Lena Toven (402 37 404), eller trenarrettleiar Marius Koch Rogne (481 00 098).
Oppløftande 2. omgang mot Aksla
Norborg står framleis utan heimesiger i årets sesong etter at Aksla vart for sterke og reiste heim med 1-5 siger. Aksla dominerte stor i starten av kampen og leia 0-3 når eit drygt kvarter var spelt. Norborg heva seg noko etter pause og scora eit vakkert mål ved Robert Dulgheru.
Les meir..
Heimekamp mot Aksla fredag kl. 1830
Norborg fortsette fredag jakta på sine første poeng sidan 29. juni når Aksla kjem på besøk. Aksla har vunne alle sine tre tidlegare tellande seriekampar (to i 1981 og ein i vår) mot Norborg ettersom dei i 2004 tapte so stort (9-0) at dei valgte å trekke laget for å fjerna denne stygge ripa i klubbhistoria si. Tarjei Urkedal er einaste spelar igjen frå den kampen som er aktuell til å starte fredagens kamp. Om han blir kvitt ein strekk han fekk sist fredag. Om du ønske å mimre tilbake til det glade 2000-talet så finn du kampreferatet mot Aksla her, men ta deg heller ein tur til Uggedalen for å støtte dagens mannskap.
Vél møtt!
