Norborg/Brattvåg2 avanserte frå 5. til 2. plass på tabellen etter bortesigeren over Fjørtoft. Skodje gjekk på sesongens første tap då Guard reiste frå Skodje med heile 5-0 i bagasjen, medan Herd2 stod for den største overraskinga då dei tapte 4-1 for Ellingsøy. Langevåg tok årets første siger då Stranda vart slått 5-1. Sæbø leia 3-1 til pause, men måtte til slutt sjå seg slått 4-5 av Hovdebygda etter eit overtidsmål.
Resultat 5. serierunde:
Blindheim – Volda2 4-0
Sæbø – Hovdebygda 4-5
Ellingsøy – Herd2 4-1
Langevåg – Stranda 5-1
Skodje – Guard 0-5
Fjørtoft – Norborg/Brattvåg2 0-2

Under strålande tilhøve på den nyopprusta Fjørtoft stadion tok dei oransje med seg alle poenga tilbake til fastlandet. Det var lenge stillingskrig, men så scora Norborg/Brattvåg2 to mål på kort tid ved Kristoffer Søviknes og Magnus Austbø Seth. Fjørtoft la trykk på gjestane gjennom heile 2. omgang, men den oransje forsvarsmuren hadde god kontroll og let aldri heimelaget skape skikkeleg spenning.
Onsdag 16. mai er det klart for den første seriekampen mellom Norborg og Fjørtoft på nær 20 år. Mykje har skjedd på desse åra. Norborg gått frå botn 6. divisjon og spelt mange år i 3. og 4. divisjon. Fjørtoft har stort sett vore utan A-lag, men har dei siste 18 månadane gjort eit fantastisk stykke arbeid og kome seg ut av koma. Den jublande spelaren til høgre på biletet over har mykje av æra for det. På onsdag håper og trur vi det er dei tre andre som fortsatt smiler.
Laurdag 5. mai haldt Norborg turnering for dei minste aldersklassene (6-9 år) i fotballen med talentfulle spelarar frå Blindheim, Brattvåg, HaNo, Harøy, Ravn, Skodje, Stordal og Norborg. Totalt stilte desse 8 klubbane med 68 lag. Det var dermed eit yrande liv i Uggedalen denne maidagen.
Norborg/Brattvåg2 leverte ein sterk defensiv kamp mot Blindheim etter at ein fekk kampen inn i sitt spor med eit tidleg leiarmål. Magnus Austbø Seth (2) og Per-Stian Alvestad scora måla.