IL Norborg inviterer alle i Norborg mellom 6 og 12 år til keepertrening i Uggedalen 06.november klokka 1400. Treninga blir ved Lilja Vestre som er ein ung og talentfull keeper, med teft for keepertrening. Påmelding er gratis og det blir open kiosk, slik foreldre kan få seg ein kaffekopp eller lignande under økta. Økta vil vere frå 14 til cirka 1530 😊
Påmelding med navn til bornet, foreldre og telefonnummer sendast til trenerveileder@norborg.com innan fredag 04.november klokka 1700.
.
Brattvåg/Norborg vann i dag 5-4 over Åheim/Selje i den første av to kampar om krinsmeistertittelen for 4. divisjon. Rita Nogva Austnes gav B/N leiinga allereie i det 2. speleminutt. Guro Lesto Larsen utlikna eit kvarter seinare før eit sjølvmål sørga for ny leiing til heimelaget fem minutt før pause. Sunniva Johansen auka til 3-1 like før pause. Brattvåg/Norborg fekk ein god start på 2. omgang og gjorde både 4 og 5-1 ved Vibecke Krogsæter og Carina Otterlei før to minutt var spelt. I løpet av den siste halvtimen kom gjestane sterkt og mål av Martine Refsnes Nøstdal, Guro Lesto Larsen og Sofie Refvik Hove gjer at det er stor spenning før den avgjerande kampen på Selje KGB laurdag 29. oktober kl. 14.
Norborg leverte i årets sesong langt betre 2. omgangar enn 1. omgangar, og spesielt den siste halvtimen har ein vore spesielt god. Halvparten av årets 52 mål vart scora i løpet av den siste halvtimen.
Når kom måla:
Norborg har snudd 3 (Emblem, SIF/Hessa og Langevåg) av dei 11 kampane ein har kome under 0-1 til siger, medan ein berre har tapt 1 (Hareid) av dei 11 kampane ein har tatt leiinga 1-0.
Årets 4. divisjon Sunnmøre er ferdigspelt og vi kan gratulere Herd med KM-tittelen. Dei har stort sett haldt 1. plassen gjennom heile sesongen og aldri vore lenger nede enn 2. plass. Bergsøy opna litt famlande, men etter 10 strake sigrar, årets lengste sigersrekke, gjekk dei opp på 1. plass fire runder før slutt. Ei svak sesongavslutning med berre fire poeng på dei fire siste kampane, gav Herd ein suveren siger i divisjonen. Norborg har stort sett hatt 8. plassen, men ei sterk sesongavslutning førte våre gutar opp på ein 5. plass. Her er utviklinga av årets 4. divisjon:
Norborg/Brattvåg2 vann heile 6-1 borte mot Larsnes/Gursken/Gjerdsvika i sesongens siste kamp. Heimelaget starta best, men etter at Jesper Vos sette inn 0-1 i det 12. speleminutt såg ikkje oransjetrøyene seg tilbake. Henrik Otterlei Hurlen scora fire på rad før Magnus Otterlei sette inn 0-6 ti minutt før slutt. Heimelaget fekk seg eit trøystemål like før slutt ved Bern Leikanger Gotten. Norborg/BIL2 har levert ein sterk haust med 19 poeng mot 11 poeng i vår. Det enda dermed med ein absolutt godkjent 5. plass i 4. divisjon.
Les meir..
Norborg/Brattvåg2 viste nok ein gong høg effektivitet framfor mål og vann 4-3 over Ørsta torsdag kveld. Tobias Jensen scora årets mål i fjor, då på eit dribleshow, og gjorde det truleg igjen då han klinka til frå 50 meter og sende ballen i fin boge over keeper og stolpe inn oppe ved krysset. 1 minutt og 5 sekund var då spelt. Ørsta var likevel det beste laget før pause og snudde kampen etter mål av Sigurd Sundnes og Sondre Austrheim. Etter pause var Norborg mest på hogget og snudde kampen etter mål av Thomas Aarsund på frispark, Magnus Otterlei åleine med keeper, og eit sjølvmål etter innlegg av debutant Robert Dulgheru. Lasse Rebbestad skapte litt spenning på slutten, men Norborg haldt unna.
Les meir..
Norborg/Brattvåg2 tek imot Ørsta til årets siste heimekamp. Plassen er sikra så då er det berre å møte opp for å sjå eit heimelag med låge skuldre og klar for sambafotball. Vél møtt kl. 1830 i Uggedalen.
Norborg/Brattvåg2 tapte 4-1 i bortekampen mot Hovdebygda, men sidan Langevåg vann sin bortekamp over LGFK/Gjerdsvika vart det likevel ein god kveld for dei oransje. Plassen i 4. divisjon er nemleg sikra sidan ein Langevåg, Emblem og LGFK/Gjerdsvika ikkje kan passere Norborg. Sjølve kampen mot Hovdebygda mållaus før pause, men etter pause scora Hovdebygda jamt og trutt før Kristoffer Søviknes sette inn Norborg sitt trøystemål på straffe like før slutt. Dette var Kristoffer sitt 97. seriemål og 148. mål totalt i si seniorkarriere. Kampreferat.
Norborg/Brattvåg2 tok eit solid steg mot fornya 4. divisjonskontrakt etter 2-0 siger over Hareid på Uggedal KGB i kveld. Medan ein opplagt keeper Ronald Søvik Olsen stengte buret så forærte Hareid sin keeper Norborg og Tarjei Gjerset Urkedal 1-0 då han 12 minutt ut i kampen bomma på ballen og Urkedal kunne sette ballen i tomt mål. Hareid skapte fleire store sjansar, men denne kvelden nekta Olsen å sleppe inn mål. Like før slutt sikra Thomas Aarsund poenga då han klinka inn 2-0 på frispark frå 28 meter. Les meir..
Norborg/Brattvåg2 tek fredag imot tabellnabo Hareid på Uggedal KGB. Vel møtt!
