Norborg/Brattvåg2 – Larsnes/Gursken 2-1 (0-1)
4. divisjon, Uggedal KGB 25.04.2019

Sjansar: 5-4
Hjørnespark: 4-4

0-1 Sondre Bringsvor (35)
1-1 Magnus Austbø Seth (49)
2-1 Magnus Austbø Seth (90+2)

Heimelaget trakk til slutt det lengste strået i ein tett og lenge sjansefattig kamp i Uggedalen. Gjestane leia til pause då Sondre Bringsvor scora på omgangens einaste sjanse. Norborg starta og avslutta 2. omgang best og snudde kampen etter to mål av Magnus Austbø Seth. Larsnes/Gursken hadde eit par store sjansar mellom Norborg sine mål, men alt i alt så var det greit at Norborg til slutt stod igjen som vinnarar. Ikkje minst sidan ein vart snytt for eit soleklart straffespark sju minutt før slutt.

-Episk slutt på kampen. Vi er skikkeleg misfornøgd med det vi gjer i 1. omgang. Responsen frå spelargruppa i 2.omgang er fantastisk. Vi liknar meir på oss sjølve og gjennomfører ein god omgang. Når vi då avgjer kampen med ein innøvd variant to minutt på overtid så blir ikkje det betre, sa trenar Kristian Søviknes.
Les meir..

Torsdag kl. 1830 er det klart for serieopning når Larsnes/Gursken kjem på besøk til Uggedalen. Gjestane har henta inn spelarar i hytt og gevær den siste tida og held seg sjølve som klare favorittar i denne kampen. Steffen Moltu (Hødd), Bendik Torset (Nest-Sotra) og Christoffer Rekdal (lån frå Eik Tønsberg) har alle signert, i tillegg til nokre Hødd2 spelarar.

Norborg/Brattvåg2 har ikkje signert nokon denne veka, men skal likevel greie å mønstre eit bra lag. Per-Stian Alvestad og Marius Fylling Rogne er ikkje med grunna skader, medan Ruben Holmeset først kjem heim frå sjøen torsdag. Det gledelege er at dette var Ruben sin siste tur på sjøen fram til hausten 2020. Jonas Holmeset reise på sjøen i morgon for sin siste tur og er ikkje med før til hausten.

Vi trur det blir ein jamn kamp på Uggedal KGB, men vonar at heimelaget si angrepsrekke sikra tre poeng.

Siste seriemøter:
2017 Norborg – Larsnes/Gursken 1-5, 2-0
2016 Norborg – Larsnes/Gursken 0-1, 2-0
2015 Norborg – Larsnes/Gursken 3-0, 4-0

Totalt 2006-2017: 7-3-4 36-21

Dommar: Tor Ove Myrseth (FK Sykkylven)
Assistentar: Øyvind Kringstad (Valder) og Dagfinn Berg Tjervåg (Hasundgot)

Andre kampar (fredag):
Valder – Hødd2  U
Bergsøy – Hareid H
Emblem – Volda B
Rollon – Ørsta H
SIF/Hessa – Blindheim (laurdag) H

Denne veka startar endeleg 4. divisjon. Tolv lag stiller til start med håp om å innfri eller å overraske. Dei fleste peikar på Bergsøy som favoritt, med Rollon og Hødd2 som dei fremste utfordrarane. Norborg/Brattvåg2 blir spådd alt frå topp 4 til nedrykk. Spennande skal det i alle fall bli. Her kjem vårt tabelltips.
Les meir →

Torsdag startar 4. divisjon med kampen Norborg/Brattvåg2 mot Larsnes/Gursken. Norborg har gjennomført 11 treningskampar, samt ein internkamp. Dei sju kampane mot sunnmørslag er vunne, medan ein har tapt fire kampar mot lag frå Romsdalen. Vi kan då vere nøgd med at Sunnmøre held fram som eiga avdeling også neste år. Larsnes/Gursken har spelt seks treningskampar og står utan tap. Det ligg dermed an til ein hard dyst i Uggedalen torsdag kl. 1830.

Treningskamptabell 4. divisjon innbyrdes:

Treningskamptabell 4. divisjon:

Norborg/Brattvåg2 – Midsund 3-4 (1-0)
Treningskamp, Uggedal KGB, 16.04.2019

Sjansar: 11-10
Cornere: 7-3

1-0 Magnus Austbø Seth (17)
1-1 ? (51)
1-2 ? (65)
2-2 Magnus Austbø Seth (65)
2-3 ? (77)
2-4 Sjølvmål (82)
3-4 Per Kristian Helle Hildre (87)

Det vart ein sjanserik og underhaldande kamp i Uggedalen når Norborg tok imot 4. divisjonslaget Midsund. Heimelaget starta best og burde ha leia meir enn 1-0 ved pause. Diverre greidde ein ikkje å følge opp etter kvila. Trenar Søviknes fekk kort tid ut i omgangen spørsmål om laget hadde tatt badstu i pausa. For spelarane var sløve i presset, det var stor å avstand mellom lagdelane og Midsund fekk ofte fritt spelerom. Leiinga vart dermed snudd til tap. Det positive vi tek med frå kampen er at ein skaper godt med sjansar sjølv i ein svak omgang.

Laget: Ronald Søvik Olsen – Per Kristian Grytten Søvik (Jonas Holmeset, 46), Kjell Terje Brusdal, Tor Abelseth (Tobias Jensen, 55), Kristoffer Søviknes – Vidar Nilsen Rogne (Erik Vågnes, 61), Siver Davik (Jesper Vos, 61), Gard Rogne (Davik, 74), Magnus Jenssen (Nilsen Rogne, 74) – Fredrik Hurlen (Per Kristian Helle Hildre, 61), Magnus Austbø Seth.

Norborg/Brattvåg2 spelar tysdag sin siste treningskamp før seriestart når Midsund tek turen til Uggedalen. Midsund kom i fjor på 9. plass i 4. divisjon N/R. Laga møttast også i fjor sommar. Då enda kampen 3-3.

Norborg/Brattvåg2 – Stranda 6-4 (3-1)
Treningskamp, Uggedal KGB, 11.04.2019

Sjansar: 13-8

1-0 Vidar Nilsen Rogne (3)
2-0 Magnus Austbø Seth (18)
3-0 Nikolai Jensen (23)
3-1 ? (33)
4-1 Magnus Austbø Seth (47)
5-1 Per Kristian Helle Hildre (53)
5-2 ? (57)
5-3 ? (76)
5-4 ? (79)
6-4 Nikolai Jensen (92)

Ein kamp som varierte frå flott fotball til det groteske. Fortent siger, men det kunne like godt ha enda 5-5 i staden for 6-4 i sluttminutta. Vi kjem tilbake med meir i løpet av helga.

Laget: Benjamin Rørhus (Sander Arntsen, 46) – Tobias Jensen, Kjell Terje Brusdal, Tor Abelseth, Marius Fylling Rogne (fram til 80) – Vidar Nilsen Rogne (Jesper Vos, 20), Eirik Vågnes, Nikolai Jensen, Magnus Jenssen – Magnus Austbø Seth, Per Kristian Helle Hildre.

Andre kampar:

SIF/Hessa – Giske 4-2
Valder – Tomrefjord 1-2

Norborg/Brattvåg2 spelar sin andre kamp for veka då ein tek imot Stranda på Uggedal KGB torsdag kl. 19. Stranda var det einaste laget ein ikkje greidde å slå i fjorårets 5. divisjon. Heimekampen enda 4-4 etter å ha kome under 0-4, medan bortekampen enda 3-3.

Norborg/Brattvåg2 – FK Sykkylven 6-2 (1-1)
Treningskamp, Brattvåg stadion, 08.04.2019

Sjansar: 10-2

0-1 Bengt Hole Alnes (13)
1-1 Tor Abelseth (14)
2-1 Magnus Jenssen (59)
2-2 ? (60)
3-2 Per Kristian Helle Hildre (64)
4-2 Vidar Nilsen Rogne (68)
5-2 Magnus Austbø Seth (77)
6-2 Nikolai Jensen (80)

Etter ein svak 1. omgang vakna Norborg/Brattvåg2 til liv etter pause og varta opp med mange flotte angrep. Effektiviteten, som har vore fråverande dei siste kampane, kom også på plass med fem mål på sju sjansar i denne omgangen.

Måla:
0-1: Brot på midten og gjennomspel til Bengt Hole Alnes som sette ballen i nota med eit presist skot frå 16 meter.
1-1: Tor Abelseth kom seg fri i feltet og stanga inn Ole Johan Urke sitt frispark.
2-1: Magnus Jensen stod for kampens flottaste mål då han sette Jesper Vos sitt legg i mål på volley.
2-2: Lavt legg frå høgre som enda i mål etter litt klabb og babb.
3-2: Per Kristian Helle Hildre kald framfor mål etter ein stikkar frå Magnus A. Seth. Venta på keeper og sette ballen inne ved stolpen.
4-2: Vidar Nilsen Rogne kontra på venstresida. Hadde med seg to mann framfor mål, men gjekk sjølv inn i 16 meteren og plasserte ballen i nota.
5-2: Magnus Austbø Seth nikka ballen i nota etter at keeper gav retur på eit skot frå Tor Abelseth.
6-2: Nikolai Jensen tok løpet inn i 16 meteren, fekk ballen og plasserte den inne ved stolpen.

Laget: Benjamin Rørhus (Sander Arntsen, 71) – Tobias Jensen (Jonas Holmeset, 61), Kjell Terje Brusdal, Tor Abelseth, Marius Fylling Rogne – Ole Johan Urke (Vidar Nilsen Rogne, 61), Eirik Vågnes (Per Kristian Helle Hildre, 46), Nikolai Jensen, Magnus Jenssen – Jesper Vos (Kristoffer Søviknes, 61), Magnus Austbø Seth.

Ein del treningskampar har blitt spelt sidan vi oppdaterte treningskamptabellen sist gong. Norborg/Brattvåg2 har mellom anna gått på tre tap og har blitt vippa ned frå toppen av Rollon.

Treningskamptabell 4. divisjon, innbyrdes kampar: