Norborg/Brattvåg2 sleit seg til ein 4-2 siger over Blindheim på Uggedal stadion torsdag kveld. Norborg har verken scora eller fått mål imot på cornere dei første tolv kampane, men mot Blindheim var det nettopp på cornere ein la grunnlaget for siger. Både 1-0 og 3-0 kom etter gode cornertrekk og vart satt i mål av Nikolai Jensen og Tor Abelseth. Imellom der hadde Ole Johan Urke testa skotfoten å gjort 2-0. Norborg var det beste laget før pause, men mangla konsentrasjon inn mot pause og mista ballen på ei mislykka dribling framfor eigen 16-meter. Blindheim takka for tabba og Jens Kristian Dybdal reduserte til 3-1. Etter pause var Blindheim i lange periodar det førande laget. Joakim Haugen skapte ny spenning med sin skotfot eit kvarter før slutt, men Per Kristian Helle Hildre roa nervane til dei oransje med å punktere kampen nokre minutt før slutt. -Deilig å få ein tre poenger igjen. Syns vi gjer ein god første omgang og leiar særs fortent. I andre omgang så får vi ikkje opp det same offensive trykket og Blindheim kjøre opp mykje folk og fysikk. Litt hektisk i nokren minutt, men all ære til spelarane for måten dei greie å løyse det og roe ned gjestepresset på, sa trenar Kristian Søviknes.
Les meir..
Author Archives: Frode Engeset
Heimekamp mot Blindheim torsdag kl. 1830
Norborg/Brattvåg2 tek torsdag imot Blindheim på Uggedal stadion. Første haustkamp enda med eit knepent tap for Larsnes/Gursken. Kveldens kamp er særs viktig med tanke på å unngå botnstrid. Blindheim spelar «cupkamp» kvar veke framover hausten. Norborg må sørge for å unngå dette med å snarast skaffe seg dei 27 poenga som vi trur garanterer plass i neste års 4. divisjon.
Magnus Austbø Seth er den einaste spelaren vi har mista etter vårsesongen. Det er sjølvsagt ikkje berre berre å erstatte han, men som lag skal vi vere gode nok til å plukke poeng utøver hausten. Ådne Hellandsvik, Ruben Holmeset og Jonas Holmeset blir alle med denne hausten ettersom dei har starta på skule i Ålesund. Jesper Vos vart skada på Øyacup og er ute i 4-6 veker. Kjell Terje Brusdal og Siver Davik er tilbake i troppen etter å ha stått over mot GuLars.
Blindheim har fått eit tøft møte med 4. divisjon etter opprykket i fjor. Dei har fortsatt til gode å vinne og står med fattige 3 poeng. Henning Hareide og Jens Kristian Dybdal er toppscorarar med 2 mål kvar for eit lag som berre har scora 9 mål på 12 kampar.
Vi held heimelaget som favorittar, men kampen i vår var jamn og Blindheim tok poeng mot SIF/Hessa sist veke. Så noko enkel oppgåve blir det ikkje. Norborg har elles eit godt tak på Blindheim med fem strake sigrar.
Dommar: Mathias Smehus Kringstad (Valder)
Assistentar: Joachim Killingmo (Spjelkavik) og Zenun Murati (Giske)
Stilling tabellkonkurransen runde 12
Ronald Søvik Olsen er på topp i vår tabellkonkurranse for 4. divisjon når 12 runder er spelt.
Tapte for Larsnes/Gursken
Norborg/Brattvåg2 tapte første haustkamp med 1-0 for Larsnes/Gursken på Larsnes stadion. Eit straffemål av Gustav Dimmen i 77. minutt skilde laga. Les meir..
Påmelding Veten Opp
Det er no opent for å melde seg på motbakkeløpet “Veten opp” som arrangerast søndag 1. september. Påmelding ved betaling av kr. 150,- til konto nr. 3901.31.02744. Merk med deltakarnamn. Påmeldinga er bindande.
Løpet startar på Søvik badestrand kl. 1130 og følger den vanlege vegen opp. Det blir startnummer, tidtaking og premiering i herre- og dameklassa. I fjor vann Lars Rimereit (Eidsdal IL) med tida 35 min og 4 sekund, som dermed reknast som løyperekord.
- premie: 1500,- 2. premie; 1000,- 3. premie: 500,-
For dei som ikkje vil bli med i konkurranse, men vere med på den vanlege Veteturen, så blir det registrering på toppen mellom kl. 12 og 14. Som før vert det kåring av Vetemester i hesteskokasting. Kiosk med sal av pølse med brød, kaker, kaffe/te og brus. Trekning av gevinster blant dei registrerte. Bli med og nyt utsikta!
Herrelaget vann Øyacup
Herrelaget vann finalen under årets Øyacup på straffesparkkonkurranse over Lepsøy.
Les meir
Uavgjort mot FK Sykkylven
Norborg/Brattvåg2 spelte 2-2 mot FK Sykkylven i ein treningskamp på Dalemyra. Ole Johan Urke og Gard Rogne scora for dei oransje.
Øyacup 2019: 2. plass til damene
Norborg sitt damelag spelte seg fram til finalen av Øyacup for første gong i historia. I finalen vart diverre arrangørlaget HaNo for sterke. På biletet frå venstre: Tuva Bjørbekk, Martina Grytten, Anna Mikalsen, Yvonne Engeset Remme, Heidi Remmereit, Anette Rogne, Elisabeth Pilskog, Gabrielle Kar, Silje Søvik og Heidi Haram.
Lepsøy – Norborg 0-4 Mål: Gabrielle Kar 2, Elisabeth Pilskog og Tuva Bjørbekk.
Norborg – HaNo 1-1 Mål: Anette Rogne
Norborg – The retro team 3-1 Mål: Yvonne Engeset Remme, Therese Engeset Remme og Heidi Haram
Finale: HaNo – Norborg 4-2 Mål: Yvonne Engeset Remme og Gabrielle Kar.
Vi gratulerer damene med ein flott 2. plass.
Treningskamp mot FK Sykkylven
Norborg/Brattvåg2 tek torsdag turen til Dalemyra stadion for å møte 5. divisjon sitt leiarlag FK Sykkylven i treningskamp. Laga møttast også i april. Den gong vann Norborg/Brattvåg2 6-2. Eit par mann manglar, men ein ønsker Vidar Nilsen Rogne tilbake etter brotet han drog på seg i mai.
Kampstart kl. 1900.
Fair Play: Volda på topp!
Volda toppar fair play-tabellen når vårsesongen er gjennomført i 4. divisjon. På dei 11 kampane har dei berre fått 9 gule kort. Det er to mindre enn Norborg/Brattvåg2, som innehar 2. plassen sjølv om ein har fått eitt raudt kort. Sist på denne tabellen finn vi Larsnes/Gursken, som har fått heile 25 gule og 1 raudt kort. Flest raude kort har Bergsøy og Hareid fått med tre kvar.
