Vi har sett på laga sin innsats opp mot “ekspertane” sine tabelltips når 2/3 av sesongen er gjennomført. Før sesongen var det venta at trioen Langevåg, Norborg/Brattvåg2 og Blindheim skulle kjempe om dei to opprykksplassane, medan Guard, Ellingsøy og Sæbø skulle få slite i botnen.
Les meir
Category Archives: Nyheiter Herrer A
Vann toppkampen mot Blindheim
Preben Lorgen og Blindheim måtte nok ein gong sjå seg slått av Kristian Søviknes sitt Norborg/BIL2, men heldigvis var ikkje smilet langt unna for fjorårets assistenttrenar i Norborg. Dei oransje hadde mest krefter mot slutten av kvar omgang og var i tillegg dødeleg effektiv på dødball. Heile fire av dei fem måla kom etter dødball i ein kamp som enda med 2-5 til Norborg/Brattvåg2 og overtaking av tabelltoppen. Ein posisjon Blindheim har hatt sidan 1. serierunde.
Les meir..
Andre resultat:
Langevåg – Hovdebygda 0-2
Skodje – Stranda 2-0
Fjørtoft – Herd2 0-5
Sæbø – Volda2 4-4
Ellingsøy – Guard 2-2
Tabell
Toppoppgjer mot Blindheim
Torsdag kl. 1830 er det klart for toppoppgjer i 5. divisjon mellom Blindheim og Norborg/Brattvåg2. Norborg vann oppgjeret i vår med 3-0, men det blir nok tøffare denne gong framfor Blindheim si nye tribune.
Sidan kampen i mai så har begge laga ein del endringar i troppen. Blindheim vil mangle sine to fremste målscorarar frå i vår. Toppscorar Eivind Skovly har flytta og meldt overgong til 4. divisjonslaget Våg, medan Bjørnar Johansen er skada. I tillegg har også Tobias Rotnes Aasen mangla i haust. Inn i troppen har Hans Skovly og Stian Skaar kome. Norborg vil mangle keeper Joakim Kjærstad, Elling Mikal Kalvø, André Larsen, Ådne Hellandsvik og Tobias Vatle Faksvåg. Tre av desse starta i vårens kamp. Frå sist vekes kamp mot Volda2 så ønsker vi Kristoffer Søviknes tilbake frå USA, medan Thomas Aarsund har blitt kvitt sin skade og er klar for kamp.
Norborg har normalt eit godt tak på Blindheim og har vunne dei tre siste seriekampane mot dei utan å sleppe inn mål. Vi håper denne trenden held fram.
Dommar: Tor Ove Myrseth (FK Sykkylven)
Assistentar: Daniel Refsnes (Herd) og Kristoffer Nevstad (Aksla)
Les meir
Tippekonkurranse Blindheim-Norborg
Torgeir Garshol, Øyvind Sundnes og Henrik Reite Hansen hadde alt riktig i vår tippekonkurranse. Torgeir vann loddtrekninga og kan vente seg ein premie. Vi gratulerer!
Ny storsiger!
Norborg/Brattvåg2 tok sin fjerde strake siger då Volda2 vart sendt heim med 7-1 i sekken. Gjestane tok leiinga, men så vakna heimelaget og punkterte i realiteten kampen då Per-Stian Alvestad sette inn 5-1 målet i det 34. minutt. Norborg/BIL2 dominerte stort og kunne med litt meir presisjon ha vunne med større siffer.
Les meir..
Andre resultat:
Herd2 – Blindheim 0-1
Stranda – Ellingsøy 6-1
Hovdebygda – Skodje 3-3
Langevåg – Sæbø 3-1
Fjørtoft – Guard (Bortelaget trakk seg frå kampen)
Tabell
Heimekamp mot Volda2 torsdag kl. 1830
Norborg/Brattvåg2 tek torsdag kveld imot Volda2 på Uggedal stadion. Volda2 er eitt av to lag som har vunne over Norborg denne sesongen, så her håper vi gutta er på skikkeleg revansjejakt. Frå sist veke vil Kristoffer Søviknes mangle grunna Elling Mikal Kalvø sitt bryllaup. Heller ikkje Thomas Aarsund er med ettersom han fekk føling med ein lyskestrekk i sist kamp. Desse to blir erstatta av Lars Mikalsen og Vegard Ulvestad Sætre.
Dommar: Daniel Refsnes (Herd)
Assistentar: Martin Solheim (Spjelkavik) og Per-Inia Brekke (Hareid)
Urkedal åleine på topp!
28. mai 2015 vart Tarjei Gjerset Urkedal tidenes målscorar i Norborg då han sette inn sitt 214. mål, men i antall seriemål har han vore bak Kim Idar Krogsethagen (134 seriemål / 213 totalt). Dei fleste trudde nok også at Tarjei si tid som storscorar var forbi sidan det berre vart eitt seriemål i 2016 og ingen i fjor. Men, i løpet av dei siste kampane har tømraren og bondesonen frå Gjerset verkeleg satt inn støtet. På dei siste fire kampane har han scora sitt 132. (mot Stranda), 133. (mot Guard), 134. (mot Herd2), og i det 58. minutt mot Sæbø klinka han inn sitt 135. seriemål på heil volley og tronar åleine på topp som tidenes målscorar for Norborg også i serien.
Les meir
Fylkesserie i 4. divisjon?
Sunnmøre fotballkrets har kome med følgjande pressemelding:
På Forbundstinget tidlegare i år vart det fremma forslag om å redusere antall lag som rykker ned frå 3. divisjon til 4. divisjon frå 4 til 3 lag i kvar avdeling. Dette er noko dei fleste er samde om. Spørsmålet er då korleis ein skal frå redusert antall lag som rykker opp frå 4. divisjon?
Eit utval som vart satt ned har kome fram til to alternativ:
- Antall 4. div. avdelinger blir redusert frå dagens 24 til 18. Det betyr at Sunnmøre slåast saman med Nordmøre og Romsdal til ein fylkesserie. Vinnaren rykker direkte opp.
- Antall 4. div. avdelinger blir som i dag, men avdelingsvinnarane spelar kvalifisering om opprykk. Det opprettast seks kvaliferingspuljer à fire lag der tre av laga rykker opp. Vinnaren på Sunnmøre skal då spele kvalifisering mot vinnaren i Nordmøre og Romsdal og dei to avdelingsvinnarane i Trøndelag om tre ledige plassar.
Desse to forslaga er sendt ut på høring til krinsane og alle klubbane på nivå fire og fem (3. og 4. divisjon menn). Frist for høringen er satt til 7. september. Styret i Sunnmøre Fotballkrets vil behandle spørsmålet på neste styremøte som allerede er førstkommende måndag.
Korleis påverkar dette Norborg? Dersom alternativ 1 blir tilfelle, så blir det eit nytt nedrykksras frå 4. og 5. divisjon i 2019. Truleg blir det då også fremma forslag om å redusere 6. divisjon frå 3 til 1 avdeling og opprette ein 7. divisjon med 2 avdelingar (eller 3 avdelingar alt etter kor mange som melder på lag). Det blir dermed ein hard kamp om ståplassane i alle sunnmørsdivisjonane. Blir alternativ 2 tilfelle, så vil det berre påverke sjølve vinnaren av 4. divisjon, samt laga i 4. og 5. divisjon som ligg utsett til nede på tabellen om Sunnmøre sin 4. divisjonsvinnar skulle tape kvalifiseringsgruppa si.
Ein 4. divisjon Møre og Romsdal i 2020 kan kanskje sjå slik ut: AaFK2, Bergsøy, Emblem, Volda, Rollon, SIF/Hessa, Sunndal, Eide, Surnadal, Tomrefjord, Åndalsnes og Kristiansund FK.
5. divisjon Sunnmøre 2020 kan sjå slik ut: Ørsta, Valder, Larsnes/Gursken, Hareid, Godøy, FK Sykkylven, Blindheim, Norborg/BIL2, Skodje, Langevåg, Stranda og Aksla.
Absolutt interessante divisjonar sportsleg sett, men så spørs det om endå ei spissing er vegen å gå i breiddefotballen om ein ønsker at flest mogeleg skal ha tid til å spele fotball? Debatten går på Lokalfotballen Sunnmøre si facebookside.
Pynta på målskilnaden!
Kristoffer Søviknes, godt assistert av Ole Johan Urke, la grunnlaget for ein storsiger over Sæbø då han roa nervane på laget med to scoringar på hovudet dei første tjue minutta. Oransjetrøyene var best i alt og kunne med litt meir presisjon i avslutningane vunne langt meir enn 6-0. Ungdomen Vidar Nilsen Rogne kom inn siste timen og scora to mål, medan Tor Abelseth og Tarjei Urkedal scora eitt kvar.
Les meir..
Andre kampar:
Blindheim – Guard 7-0
Skodje – Langevåg 1-1
Ellingsøy – Hovdebygda 2-0
Volda2 – Herd2 2-0
Fjørtoft – Stranda 1-0
Tabell
Heimekamp mot Sæbø torsdag kl. 1830
Norborg/BIL2 tek torsdag imot Sæbø på Uggedal stadion til sin første heimekamp på 2 månader. Dei to bortekampane ein har spelt i denne perioden har totalt enda med 11-0 og 6 poeng. No håper vi at laget tek med seg denne gode forma til Uggedalen der det “berre” vart 4-4 mot Stranda sist gong. Det var ein kamp vi i utgangspunktet ikkje var nøgd med berre eitt poeng, men når ein kom under 0-4 i det 50. minutt så vart vi likevel sjeleglade for det eine vi fekk.
Les meir
