Stranda måtte vente heilt til den 6. serierunda før dei scora sitt første mål før pause. Tobias Hjelle scora då mot Hovdebygda i det 27. minutt.

Fjørtoft vann sin første omgang då dei vann 2. omgang 2-0 over Blindheim i runde 7.

Fjørtoft måtte vente til den 12. runda før dei gjekk av bana med siger. Slo då Hovdebygda 3-2.

Stranda var det einaste laget som ikkje tapte for Norborg/BIL2. 4-4 i Uggedalen og 3-3 på Stranda.

Når Langevåg vann 12-1 over Fjørtoft i siste runde så fekk Langevåg målskilnaden 69-31, medan Fjørtoft fekk den motsette 31-69.

Skodje tok fleire poeng (35) enn dei scora mål (34).

Berre 4 (Norborg/BIL2, Blindheim, Langevåg og Herd2) av dei 12 laga enda med positiv målskilnad.

Både Norborg/BIL2 og Blindheim haldt nullen i 10 kampar.
Les meir →

AaFK2 vann i kveld 7-1 over FK Sykkylven og rykker dermed opp til 3. divisjon på betre målskilnad enn Bergsøy.

4. divisjon 2019 blir dermed slik:

Hødd2 (Norborg har tidlegare møtt Hødd2 i 10 seriekampar: 1-1-8)
Bergsøy (10 seriekampar: 1-0-9)
Emblem (28 seriekampar, 10-4-9 på 23 kampar vi veit resultatet)
Volda (12 seriekampar: 1-4-7)
Rollon (22 seriekampar: 5-3-14)
Skarbøvik/Hessa (Ny klubb i år, men 6 seriekampar mot SIF, 4 mot Hessa)
Ørsta (12 seriekampar: 7-1-4)
Valder (18 seriekampar: 7-4-7)
Larsnes/Gursken (14 seriekampar: 7-3-4)
Hareid (14 seriekampar: 9-1-4)
Norborg/Brattvåg2
Blindheim (10 seriekampar: 6-0-4)

Kaptein Kjell Terje Brusdal spelte samtlege 22 kampar og var dermed den som spelte mest av totalt 36 nytta spelarar for Norborg/Brattvåg2 i årets 5. divisjon. Storscorar Magnus Austbø Seth spelte alle bortsett frå bortekampen mot Hovdebygda og er ein god nummer to. Gledeleg er det at Tor Abelseth har hatt ein stort sett skadefri sesong og fekk også speletid i 21 av kampane. Abelseth måtte stå over bortekampen mot Ellingsøy grunna sjukdom, og hadde litt småskader før to av kampane og starta dermed på benken i dei. Dermed har 17-åringen Gard Sæterøy Rogne 100 fleire minutt på bana. Rogne har hatt ein god førstesesong for samarbeidslaget. Det skal bli spennande å følge utviklinga. På 5. plass i speletid finn vi hovudmotor Kristoffer Søviknes. Han har hatt ein ny vår som midtbanespelar og har vore betre trent enn på mange år. Det resulterte i heile 15 mål. Noko som er ny rekord for den opprinnelege spissen. Fullstendig liste finn du på lenka nedanfor.

Les meir →

Vi har sett på snittalderen til laga i kampane mot Norborg. Her er Herd2 det yngste laget med ein snittalder på 19,27, medan Guard er eldst med sine 31,33 år. Norborg har ein snittalder på 23,29 år og plasserer seg i midtsjiktet. Oransjetrøyene stilte sin yngste tropp i siste serierunde mot Guard (21,81) og den eldste i bortekampen mot Fjørtoft (24,64). Dei tre laga som rykte ned har dei eldste laga.

Langevåg klinka til med 12-1 siger over Fjørtoft og snytte dermed Blindheim for årets største siger i 5. divisjon. Norborg/BIL2 stoppa på 100 scora mål, medan Sæbø stoppa på 100 baklengs.

Norborg/Brattvåg2 – Guard 8-0
Langevåg – Fjørtoft 12-1
Volda2 – Stranda 2-1
Ellingsøy – Skodje 2-3
Blindheim – Hovdebygda 5-1
Herd2 – Sæbø 7-3
Tabell

Norborg/Brattvåg2 avslutta årets sesong med å vinne 8-0 og nådde dermed målet om 100 scora mål. Magnus Austbø Seth scora heile 6 av måla og enda dermed på totalt 31. Kristoffer Søviknes og Nikolai Jensen scora eitt kvar. Sjølve kampen opna bra for Norborg og ein leia tidleg 2-0, men kvaliteten fall den siste halvtimen av 1. omgang. I 2. omgang var det spel mot eitt mål og ein skapte sjanse på sjanse. Vi gratulerer gutane med ein fantastisk sesong.
Les meir..

Torsdag kl 1830 er det klart for årets siste kamp då Guard gjestar Uggedalen. Det er ein sesong som har flydd av garde og forventingane blitt innfridd. Det har vore rett kjekt å fulgt laget denne sesongen, så vi håper mange trossar haustveret og tek turen til Uggedalen denne kvelden for å få seg litt kake og sjå offensiv fotball. Kake får du på klubbhuset frå kl. 1800. Vi nemner også at det er siste kamp for Jenter 12 kl. 1830.
Les meir →

Då er vi komen fram til siste runde av årets sesong. Kvelden då nervane skal vere i høgspenn! Draumar skal oppfyllast eller knusast! Men, sånn er det ikkje i 5. divisjon. I Norborg-land, Brattvåg og Blindheim er opprykksjubelen for lengst over. Medan Guard, Fjørtoft og Sæbø har forbanna seg over nedrykket og er ferdig prata om kor dei burde ha tatt dei nødvendige poenga. Likevel, sesongen skal fullførast med ære og ein ting er sikkert; alle lag kan senke skuldrane og varte opp med sexy fotball. Det er dermed all grunn til å møte opp på dei seks stadionane denne torsdagskvelden kl. 1830. Vi har sett litt på kampane.

Les meir →

Kven har vore best på hausten? Kven er best til pause? Kven er best etter pause? Korleis har divisjonens 6 beste gjort det innbyrdes, og korleis har dei gjort det mot laga på nedre halvdel? Dei interesserte finn svara her.
Les meir →

Norborg/Brattvåg2 spelte 3-3 mot Stranda i sin siste bortekamp for året og vart krinsmeistrar ettersom Blindheim tapte for Langevåg. Sjølve kampen mot Stranda var ikkje like solid som vi har vore vande med i haust. Stranda hadde gjort heimeleksa si og passa godt på spiss Magnus Austbø Seth, samstundes som dei slo til med raske angrep. Eit mål vart det likevel på Seth, som no har scora i 8 strake kampar. Heile tre gongar var Stranda i føringa, men Norborg/BIL2 sine spelarar skal ha honnør for god moral med å kome tilbake kvar gong. Poengdeling var eit greit utfall i ein kamp Norborg hadde ballen mest, men Stranda hadde like mange sjansar. Stranda er dermed det einaste laget Norborg ikkje har slått i år sidan kampen i Uggedalen enda med 4-4. Jesper Vos var Norborg sin beste spelar med to mål og fleire gode involveringar etter at han entra bana ti minutt før pause.
Les meir..