Frå venstre: Anna, Kornelia, Lisha, Dina, Sofie, Sienna, Lykke og Clara.

Norborg J7 hadde i går kveld ei alternativ treningsøkt med tur til “Pensjonisten”. Jentene starta nede i bygda og hadde ein spennande tur gjennom skogen med lys og lykt opp til benken der det vart ei kort drikke-/matpause, samt nyte den vakre utsikta over Søvika. Dette er alle jentene i 2. klasse ved Søvik skule, men det er ikkje alle som spelar fotball.  – Vi prøver å finne på kjekke aktivitetar gjennom vinteren i lag i håp om at alle vil fortsette komande sesong, og at vi kanskje får med oss dei siste jentene på fotball også. Når skøyteisen kjem på Gamlem har vi planar om ein tur dit, og kanskje ein tur på langrenn i løpet av vinteren, seie lagleiar Christina.

Norborg hadde torsdag ettermiddag fellestrening for dei aldersbestemte spelarane i klubben. Veret var ikkje det beste, men innsatsen var på topp! Torgeir Finnanger Garshol leia økta saman med gode hjelparar. Trykk på lenka under for bilete.

Les meir →

Norborg/Brattvåg/Harøy vann 6-0 over Emblem i årets siste kamp. Magnus Austbø Seth 3, Per Kristian Helle Hildre 2 og Siver Davik scora måla. NBH klatra forbi Herd og opp på den viktige 4. plassen, som gir automatisk plass i neste års 1. divisjon. Herd er poenget bak, men har to kampar til gode.
Tabell

• Herd vann måndag kveld 2-1 over Spjelkavik og passerte Norborg/Brattvåg/Harøy på tabellen. NBH blir dermed nr. 5.

Norborg/Brattvåg/Harøy tok ein knusande 8-1 siger over krinsmeistrane Spjelkavik i kveldens juniorkamp. Magnus Austbø Seth og Per Kristian Hildre sørga for 2-0 leiing til pause. Etter pause scora Nikolai Jensen 2, Seth 2 og Hildre, samt eit sjølvmål av ein uheldig Spjelkavik-spelar etter innlegg av Vidar Nilsen Rogne.
Tabell

Kjekk miniturnering under strålande sol i Brattvåg laurdag. Kjempeinnsats av alle dei flinke Norborg-spelarane!

Les meir →

Norborg/Brattvåg/Harøy vann søndag kveld 4-1 over Blindheim og avanserte til 4. plass på tabellen. NBH leverte ein forrykande 1. omgang og leia 4-0 etter mål av Magnus Austbø Seth, Per Kristian Grytten Søvik, Adrian Bjørlykke og eit sjølvmål. Blindheim si redusering kom heilt på tampen av kampen ved Marcel Stokkeholm.

Norborg sitt 7-er lag spelte sin første kamp for hausten og måtte sjå seg slått med 1-6 av HaNo.

Norborg/Brattvåg/Harøy trøbla litt i vårsesongen, men i kveld slo laget verkeleg til og slo serieleiar Hødd med 0-2 i Ulsteinvik. Anders Finnøy og Per Kristian Grytten Søvik scora måla for dei oransje. Dermed har det blitt fire poeng på dei to første haustkampane. Norborg J13 var også i Ulsteinvik og slo til med årets første siger då dei vann 3-4.
Tabell G19
Tabell J13

Norborg held denne veka fotballskule for 54 barn i Uggedalen. Instruktør er Jonas Storlykken frå Ålesund, med hjelparar frå juniorlaget. Det starta med litt dårleg ver, men det stoppa ikkje fotballgleda til barna. Dei stortrivst og koser seg med dyktige leiarar, god mat og frukt, og mykje fotball. Her er eit knippe bilete frå veka. (Oppdatert med bilete frå fredag)
Les meir →

Spjelkavik – Norborg/Brattvåg/Harøy 6-2 (1-0)
G19 1. divisjon, Spjelkavik KGB, 11.06.2018

1-0 Jens Dybdal (3)
2-0 Kristian Tennfjord Engås (47)
2-1 Magnus Austbø Seth (49)
2-2 Markus Sønderland Hurlen (58)
3-2 Kristian Grande (65)
4-2 Erik Florvaag (73)
5-2 Kristian Grande (77)
6-2 Hajrs Salih (86)

Då Markus Hurlen utlikna til 2-2 ein halvtime før slutt, var det få som trudde det skulle bli stortap for dei anleiinga gule frå Haram. Men Spjelkavik sette inn ein skikkeleg sluttspurt og scora fire i løpet av dei siste tjuefem. Les meir →