Kjøp av andelsbrev i Norborg Fleirbukshall


Hei alle i Norborgland!

Finansieringsmodellen for hallen begynner å forme seg og som nevnt under informasjonsmøtet 12. November så inviterer vi no privatpersonar til å bidra til finansiering gjennom andelsbrev. Dette blir då i staden for ei større auke i vassavgift for Vestre Haram Vasslag, som tidlegare framlagt, og vi håpar at alle ser denne fantastiske moglegheita og bidreg. Ein andel kostar 1000,- og ein kan sjølvsagt kjøpe fleire andelar. Dersom ein mot formodning ikkje klarar å realisere hallen, så vil anderlsbreva bli tilbakebetalt i si heilheit. Alle som bidreg vil få eit synleg bevis gjennom sitt personlege andelsbrev.

Sjå pdf-fil nedanfor for korleis du kan kjøpe andelsbrev (fyll ut side 2 og send til randi@nomia.no):

Andelsbrev

Mvh.

Komiteen for Norborg Fleirbrukshall.

Skovdahl ny trenar i Brattvåg

Brattvåg si heimeside melder i dag at dei har tilsett René Skovdahl som ny hovudtrenar for 2019 og 2020. Skovdahl er 48 år og utdanna UEFA PRO-license trenar. Han er sønn av Ebbe Skovdahl, som har fire mesterskap med Brøndby, og søskenbarn med verdsstjernene Michael og Brian Laudrup. Han var i fjor trenar for 1. divisjonslaget Roskilde, og har tidlegare blant anna vore assistenttrener for Ole Gunnar Solskjær i Molde og Cardiff.

Informasjonsmøte om Norborg fleirbrukshall

Måndag 12. november kl. 18 vil det på Søvik forsamlingshus haldt informasjonsmøte om Norborg fleirbrukshall.

Agenda:
Informasjon om status i prosjektet
Finansieringsmodell
a) Positivt vedtak av Haram kommune
b) Stor givarglede og støtte frå lokale bedrifte
c) Lokalt bidrag

Planlagt oppstart av prosjektet i 2019.

Vi håper på godt oppmøte frå bygdefolket i Norborgland.

Prosjektgruppa i Norborg Fleirbrukshall

Blindheim klar for 4. divisjon

Vi gratulerer Blindheim med opprykk etter 3-0 siger over Skodje. Langevåg vann 6-0 borte mot Volda2, men det hjalp lite sidan avstanden opp til Blindheim er 8 poeng 2 runder før slutt. Herd2 tok eit langt steg mot fornya kontrakt i 5. divisjon med å vinne heile 4-0 over Stranda.
Tabell

5. divisjon: Guard – Sæbø 7-3 (3-2)

Guard og Sæbø møtast på Color Line Stadion i kveld. Sæbø tok tidleg ein 0-2 leiing etter scoringar av Bjørnar Holen. Guard har rista av seg den svake opninga og snudde kampen til 3-2 før pause. Guard har auka tre gongar dei første 25 minutta av 2. omgang. Bjørnar Holen scora sitt tredje då han reduserte til 6-3, men Guard var ikkje ferdig for kvelden og fastsette sluttresultatet til 7-3. Bjørnar Holen er med kveldens tre mål oppe i 21 seriemål, to meir enn Magnus Austbø Seth. Joakim Bendal har 16 mål, men vi veit i skrivande stund ikkje kor mange mål han scora i kveld mot Sæbø.
Tabell

Herd og Spjelkavik vann!

Herd vann i dag 2-0 over Ullern og Spjelkavik 7-2 over Rilindja. Begge sunnmørslaga fekk dermed ei god luke ned til nedrykksstreken. Spjelkavik har 8 poeng og Herd 6 poeng å gå på med tre kampar igjen å spele. Mykje skal gå gale om det ikkje berre blir Hødd2 av laga frå Sunnmøre som rykker ned. Dermed blir det to lag ned frå 4. divisjon (FK Sykkylven og Godøy) og tre lag ned frå 5. divisjon (Sæbø er klar for 6. divisjon, medan Fjørtoft, Guard, Herd2 og Ellingsøy kjempar for å kome blant dei 9 beste).