Brattvåg/Norborg/Harøy vann i formiddag 6-2 over Ellingsøy og gjekk til topps i si kvalifiseringsgruppe for 1. divisjon. BNH tok kommandoen frå start av, men måtte vente til det 23. minutt før målet kom ved Siver Davik. Få minutt etter klinka Martin Koch inn 2-0 frå distanse. Eit resultat som stod seg til pause. Per Kristian Helle Hildre og Eirik Vågnes laga 3 og 4-0 kort tid etter sidebyte. Henrik Hurlen gjorde 5-1 i det 67. minutt. Eit par raude kort vart vist til BNH utan at det førte til spenning. Ellingsøy fekk inn eit mål nummer 2, men det gjorde også PK Hildre. Vi gratulerer gutane med plass i 1. divisjon. Ørsta/Hovebygda og Blindheim følger med til 1. divisjon frå denne gruppa, medan Langevåg og Ellingsøy må spele i 2. divisjon.
Tabell
