Thomas Gjerde skreiv sist veke under kontrakta som gjer han til Norborg sin A-lagstrenar for 2026. Gjerde er frå Lepsøy, men er busett på Harøy. Gjerde er ikkje ukjent i Norborg-miljøet då han var trenar for G19 og G16 i 2015. Vi ønsker Thomas velkomen tilbake og lykke til.

Tarjei Gjerset Urkedal vart Norborg sin toppscorar i år med 5 mål. Dette er femte gong Urkedal blir Norborg sin toppscorar, men første gong sidan 2010! Urkedal har 149 seriemål og totalt 246 mål på 625 kampar. Kristoffer Søviknes, Niklas Rekdal og Ruben Holmeset enda på 4 mål kvar. Lars Alvestad Mikalsen enda som “Assistkonge” med 4 målgjevande. Eitt meir enn Kristoffer Søviknes og Niklas Rekdal. Fullstendig liste finn du her. Fredrik Endré Rogne gjorde i haust comeback etter 8 år på sidelinja, og enda opp som Norborg sin mest effektive spelar etter 2 mål på 103 minutt. Ronald Søvik Olsen spelte flest minutt med 1366. Dette var ein halvtime meir enn Anders Toven. Fullstendig oversikt over spelte minutt og effektivitet finn du her.

Norborg opna friskt i onsdagens kamp mot Guard, men måtte til slutt sjå seg slått 1-3. Ole Johan Urke gjorde sitt 110. A-lagsmål for Norborg då han skrudde inn eit frispark frå 40 meter seks minutt ut i kampen. Glenn Elveseter trivdes på Uggedal KGB i fjor som NTNUIÅ-spelar, og fann nettmaskene også no som Guard-spelar, då han på overtid i 1. omgang utnytta passivt spel av heimelaget og sette ballen sikkert i nota. Like etter pause gav han Guard leiinga, medan Kristian Muriaas fastsette sluttresultatet til 1-3 med sitt første touch på ballen. Les meir..

Norborg vann i kveld heile 5-1 over Skodje og påførte dei gule sitt første tap på over tre månadar. Norborg kom godt i gong og leia 2-0 før ti minutt var spelt. Kristoffer Søviknes scora etter corner av Niklas Rekdal, medan Marius Flem Stavik utnytta ein retur frå keeper. Eben Jensen skapte ny spenning i kampen då han banka inn eit frispark halvvegs ut i omgangen. Spenninga varte likevel ikkje lenge. Få minutt seinare banka bursdagsguten Anders Toven inn 3-1 etter å ha blitt spelt fri av Kristoffer Søviknes. Dryge fem minutt før pause vart Jonas Holmeset spelt fri av Tarjei Urkedal og sette sikkert inn 4-1. Knappe kvarteret etter pause var rollene bytta om då Holmeset og Urkedal kom åleine mot keeper. Denne gong spelte Holmeset ballen til Urkedal som sette ballen i nota til 5-1. Norborg hadde store sjansar til å auke leiinga, men måtte nøye seg med 5-1. Les meir..

Norborg vann onsdag kveld 3-2 borte mot Guard etter to mål av Tarjei Gjerset Urkedal og ei frisparkperle av Niklas Rekdal. Les meir..

Norborg slo tilbake etter det sure overtidstapet mot Skodje sist og banka Spjelkavik3 heile 4-0 på Uggedal stadion onsdag kveld. Nicholas Kvammen var “on fire” frå start av og sørga for 1-0 før to minutt var spelt og 2-0 før kvarteret. Jonas Holmeset ville ikkje vere noko dårlegare og putta ein gong før kvila og ein gong etter. Les meir..

Norborg sitt herrelag har kome i avdeling med Guard, Lepsøy/Harøy, Skodje og Spjelkavik3 i hausten sitt B-sluttspel for 6. divisjon. Ein får dermed sjansen til å revansjere 7-2 tapet for Skodje for eit par veke sidan. Lepsøy/Harøy kom på 3. plass i 6. divisjon avd. 3 denne våren etter å ha mista sjansen om opprykk etter 0-5 tap for Guard i siste kamp. Guard kom sist i avdelinga, medan Spjelkavik3 kom på 6. plass. Sidan det berre er 5 lag i denne avdelinga spelar ein dobbel serie med totalt 8 kampar kvar. Les meir hos SFK.

Norborg dominerte og vann 4-0 over Emblem2 på Uggedal KGB tysdag kveld. Niklas Rekdal ga heimelaget leiinga allereie før tre minutt var spelt då han scora sikkert åleine med keeper etter ein fin stikkar av Ådne Hellandsvik. Norborg hadde fleire store sjansar til å auke leiinga før pause, men kom ikkje nærmare enn eit stolpetreff av Ruben Holmeset. Etter kvila var effektiviteten noko betre. Sju minutt ut i omgangen kom midtstopparane i fokus då Ole Johan Urke slo eit frispark inn til Peder Uggedal Søvik som enkelt sette inn 2-0 frå kloss hald. Litt over midtvegs i omgangen viste Ruben Holmeset seg fram med fart, teknikk og målteft. Først sette han inn 3-0 på ein soloprestasjon før han gjorde 4-0 etter ein fin stikkar av Kristoffer Søviknes der han rykte frå forsvaret og sette ballen stolpe inn. Norborg kom seg med sigeren opp på 5. plass på tabellen. Etter berre 1 poeng på dei 4 første kampane, har det blitt 10 poeng på dei siste 5. Det lovar godt fram mot hausten. Les meir..
Tabell 

Norborg leverte heroisk innsats og vann 3-1 over Godøy under nydelege speletilhøve på Uggedal stadion i kveld. Etter rolege opningsminutt fekk vi sjå ein periode med Norborg dominans som resulterte i to mål. Anders Toven gjorde 1-0 etter corner i det 13. sepeleminutt, medan Ruben Holmeset dobla på eit velplassert skot frå 16 meter i det 17. minutt. Godøy kom inn i ein god periode rundt halvtimen og fekk også ein ball i mål etter corner. Ole Martin Fevåg ga Norborg ein god start på 2. omgang då han var vaken frampå og tuppa inn ein retur etter frispark frå Lars Mikalsen. Sjansemessig lenge ein rolegare 2. omgang enn den første, men mot slutten kom Godøy seg til nokre gode mogelegheiter, men Norborg haldt stand. Norborg har no tatt 7 poeng på dei 3 siste kampane og nærmar seg midten av tabellen. Les meir..