Tidlegare i vinter inviterte Norborg alle 6-åringar ved Grytastranda Montessoriskule og Søvik skule til trening, og i går var dagen komen då dei hadde si første trening. Tretten ivrige gutar og jenter vart ønska velkomen av yngres leiar Tarjei Gjerset Urkedal, og hadde ei kjekk fotballøkt saman med han.
Norborg sin fotballskule blir i år haldt i veke 27 (1. til 5. juli) på Uggedal KGB.
ALDER 7-14 ÅR
Leiar for fotballskulen blir Matias Mork Vateødegård, samt instruktørar frå Juniorlaget.
Matias (21) kjem frå Vatne og studerer til dagleg i Volda. Han har spelt på Norborg sitt A-lag og er ein særs teknisk spelar med god speleforståing. Så her er det berre å melde på den håpefulle for fotballundervisning og fotball leik av øvste klasse.
PÅMELDINGSFRIST 5. JUNI 2019.
Plassen er sikra når betaling er registrert. Betalingsfrist: 12. juni 2019.
Klubbhuset vil vere opent frå kl. 08.00 – 15.00 med leiarar til stades.
Pris kr 1.000,- inkludert lunsj og fruktmåltid.
Pris for søsken (barn nr. 2, 3 -) er kr 750,-. pr. barn.
Betaling til kontonr.: 3910.43.08744
Påmelding til norborg.fotball@norborg.com
Brattvåg/Norborg/Harøy gjekk på ein smell mot Ørskog og tapte heile 5-0 (1-0) i den siste av “kvalifiseringskampane” for spel i 1. divisjon. B/N/H vart dermed nr. 3 av dei 4 laga i gruppa. Langevåg vann gruppa med Ørskog på 2. plass og Blindheim på sisteplass. På grunn av få påmeldte lag er alle kvalifisert for 1. divisjon.
Laget: Robin Bergtun, Fredrik Rogne, Alexander Otterlei, Martin Witsø, Daniel Forsland, Adrian Bjørlykke, Tobias Jensen, Eirik Vågnes, Marius Otterlei, Per Kristian Helle Hildre, Igor Pekarskiy.
Innbyttarar: Anders Finnøy, Erling Otterlei, Eirik Valaker, Richard Andersson, Thomas Haugen.
Brattvåg/Norborg/Harøy vann 4-2 over Blindheim i dagens “kvalifiseringskamp” for 1. divisjon. Etter ein svak start og 0-2 i sekken vakna våre gutar og snudde til siger etter tre mål av Per-Kristian Helle Hildre og eitt av Alexander Otterlei.
Marius Fylling Rogne og Alexander Jonassen blir trenarar for Brattvåg/Norborg/Harøy sitt juniorlag etter at Torgeir Finnanger Garshol og Azem Maksumic gav seg etter fjoråret. Marius kjenner dei fleste som Norborg-spelar, medan Alexander Jonassen er eit nytt andlet på Sunnmøre. Han skal spele for Brattvåg i 2. divisjon etter å ha meldt overgong frå Træff for kort tid sidan. Vi takkar gamletrenarane for innsatsen og ønsker dei nye lykke til.
Første kamp er allereie på søndag då ein spelar kvalifiseringskamp for 1. divisjon mot Langevåg i Sparebanken Møre Arena kl. 1430. Blindheim og Ørskog er dei to andre laga i kvalifiseringsgruppa.
Frå venstre: Anna, Kornelia, Lisha, Dina, Sofie, Sienna, Lykke og Clara.
Norborg J7 hadde i går kveld ei alternativ treningsøkt med tur til “Pensjonisten”. Jentene starta nede i bygda og hadde ein spennande tur gjennom skogen med lys og lykt opp til benken der det vart ei kort drikke-/matpause, samt nyte den vakre utsikta over Søvika. Dette er alle jentene i 2. klasse ved Søvik skule, men det er ikkje alle som spelar fotball. – Vi prøver å finne på kjekke aktivitetar gjennom vinteren i lag i håp om at alle vil fortsette komande sesong, og at vi kanskje får med oss dei siste jentene på fotball også. Når skøyteisen kjem på Gamlem har vi planar om ein tur dit, og kanskje ein tur på langrenn i løpet av vinteren, seie lagleiar Christina.
Norborg hadde torsdag ettermiddag fellestrening for dei aldersbestemte spelarane i klubben. Veret var ikkje det beste, men innsatsen var på topp! Torgeir Finnanger Garshol leia økta saman med gode hjelparar. Trykk på lenka under for bilete.
Norborg/Brattvåg/Harøy vann 6-0 over Emblem i årets siste kamp. Magnus Austbø Seth 3, Per Kristian Helle Hildre 2 og Siver Davik scora måla. NBH klatra forbi Herd og opp på den viktige 4. plassen, som gir automatisk plass i neste års 1. divisjon. Herd er poenget bak, men har to kampar til gode.
Tabell
Norborg/Brattvåg/Harøy tok ein knusande 8-1 siger over krinsmeistrane Spjelkavik i kveldens juniorkamp. Magnus Austbø Seth og Per Kristian Hildre sørga for 2-0 leiing til pause. Etter pause scora Nikolai Jensen 2, Seth 2 og Hildre, samt eit sjølvmål av ein uheldig Spjelkavik-spelar etter innlegg av Vidar Nilsen Rogne.
Tabell
Norborg/Brattvåg/Harøy tok sin tredje strake siger då Herd vart slått 2-0 på bortebane i kveld. Begge måla kom før pause ved Magnus Austbø Seth. NBH fester no grepet om 4. plassen i 1. divisjon.
Tabell
I 5. divisjon så held Skodje sitt Guard-kompleks fram då bygutane vann 4-3 og tok sin andre siger over skøyingane i år. Guard leia 2-1 til pause, men Skodje snudde til 2-3 før kampen vart snudd på nytt å ga Skodje årets første bortetap. Skodje blir dermed ståande med sine 29 poeng og har fem poeng opp til Blindheim og seks opp til Norborg/Brattvåg2 med ein kamp meir spelt. Guard klatra forbi Fjørtoft og Herd2 og er på trygg grunn. Resten av runda spelast torsdag.
Tabell
