Blindheim og Hareid fullførte serierunde 9 laurdag ettermiddag. I ein tett kamp vann bortelaget 0-1. Hareid er for øvreg Norborg/Brattvåg2 sin neste motstandar på Uggedal stadion tysdag kl. 1830. Dei ti beste i vår tabellkonkurranse er slik når alle laga stod med 9 kampar i 4. divisjon:
Volda – Norborg/Brattvåg2 1-4 (0-2)
4. divisjon, Volda stadion, 21.06.2019
0-1 Fredrik Hurlen (30)
0-2 Tor Abelseth (38)
1-2 Stian Moe Finnøy (83)
1-3 Magnus Austbø Seth (85)
1-4 Magnus Austbø Seth (89)
Dei færraste såg vel føre seg at eit Norborg/Brattvåg2 utan A-lagsspelarar frå Brattvåg skulle greie å påføre Volda årets første tap, men unggutane frå Norborg og Brattvåg kjempa tappert, hadde marginane med seg og kunne reise lykkelege heim med 4-1 siger. Oransjetrøyene fauk dermed opp på 3. plass på tabellen.
Les meir..
Andre resultat:
Ørsta – Bergsøy 4-2 (Bergsøy sitt første tap for året)
Rollon – Emblem 5-2
Hødd2-Larsnes/Gursken 2-3
Valder -SIF/Hessa 4-4
Blindheim – Hareid 0-1
Norborg/Brattvåg2 tek fredag turen til Volda for å møte divisjonens beste lag. Volda har fått ein særs god start på sesongen med 7 sigrar og 1 uavgjort på dei 8 kampane.
Norborg/Brattvåg2 må gjere nokre endringar frå kampen mot Ørsta sist. Det gledelege er at ein får tilbake Nikolai Jensen frå karantene, men diverre kan ikkje Ådne Hellandsvik, Magnus Jenssen og Siver Davik spele.
Norborg og Volda har berre sporadisk møtt kvarandre opp gjennom åra, og statistikken er ikkje på Norborg si side. Totalt har det blitt 12 møter med 1 siger til Norborg tilbake i 1976, 7 sigrar til Volda og 4 uavgjorte. Målskilnad: 12-36. Heller ikkje bortekampen mot Volda2 enda spesielt godt. Då vann Volda2 med 2-0. Norborg kan altså reise til Volda utan favorittstempel og alt å vinne.
Dommar: Jan Erik Bratteberg (Ørsta)
Kampstart kl. 1900.
Dei aldersbestemte spelarane (7-13 år) hadde i kveld fellestrening med herrespelarane som instruktørar. Dette var tredje gongen i år det var fellestrening etter at G19 laget og Haram helse har hatt ei kvar tidlegare i år. Etter trening var det felles måltid.
Bilete
Hareid og Hødd2 avslutta den 8. serierunda i kveld med 2-3 siger til laget frå Ulsteinvik. Ørsta og Emblem spelte sin kamp i runde 11 i kveld og det enda med 6-0 til Ørsta. Ronald Søvik Olsen har tatt over leiinga i vår tabellkonkurranse.
Pedro Calisto hadde søndag kveld trening for dei aldersbestemte målvaktene i Norborg. Pedro gjekk gjennom alt fra oppvarming-, teknikk- og uttøyingsøvelsar. – Det var kjempegøy, sa ei samla gruppe.
Bileter
Norborg/Brattvåg2 måtte sjå Ørsta utlikne to gongar i fredagens kamp på Uggedal stadion. Anders Toven sendte Norborg i føringa før pause, medan Magnus Austbø Seth gjorde 2-1. Begge måla vart satt inn med hovudet. Laga hadde kvar sin omgang og 2-2 var greitt i ein slapp kamp i sommervarmen.
Les meir..
Norborg sin kamp mot Ørsta vil bli vist direkte på smp.no fredag frå kl. 1825.
Norborg/Brattvåg2 tek imot Ørsta på Uggedal stadion fredag kl. 1830. Begge lag har vist ei nedadgåande formkurve i det siste og må vinne denne kampen. Norborg for å halde følge i toppen, Ørsta for å henge på laga over nedrykksstreken.
Heimelaget treng å finne tilbake til taktene ein viste i bortekampen mot Emblem då ein viste feiande flott fotball. I dei to siste kampane har det berre blitt eitt poeng mot dei fysisk sterke bylaga Rollon og SIF/Hessa. Ørsta på si side har ei frykteleg form med fire strake tap. Laget er dermed i nedrykksstriden med begge bein. Det var det få som såg føre seg før sesongstart.
Norborg har stort sett hatt eit godt tak på Ørsta. Det håper vi held fram fredag kveld.
Tropp er i skrivande stund ikkje klar, men Nikolai Jensen samlar på gule kort og står over.
Dommar: Daniel Refsnes (Herd)
Assistentar: Mariell Hatlelid Naustdal (Skodje) og Steinar Hjelle (Sunnylven)
Brattvåg/Norborg/Harøy spelte i kveld 2-2 mot Spjelkavik. Per Kristian Helle Hildre og Tobias Jensen scora BNH sine mål.
Norborgs G12/13 trener Camilla Johansen er åleine på topp i vår tabellkonkurranse når sju runder er spelt i 4. divisjon.
