Norborg leverte heroisk innsats og vann 3-1 over Godøy under nydelege speletilhøve på Uggedal stadion i kveld. Etter rolege opningsminutt fekk vi sjå ein periode med Norborg dominans som resulterte i to mål. Anders Toven gjorde 1-0 etter corner i det 13. sepeleminutt, medan Ruben Holmeset dobla på eit velplassert skot frå 16 meter i det 17. minutt. Godøy kom inn i ein god periode rundt halvtimen og fekk også ein ball i mål etter corner. Ole Martin Fevåg ga Norborg ein god start på 2. omgang då han var vaken frampå og tuppa inn ein retur etter frispark frå Lars Mikalsen. Sjansemessig lenge ein rolegare 2. omgang enn den første, men mot slutten kom Godøy seg til nokre gode mogelegheiter, men Norborg haldt stand. Norborg har no tatt 7 poeng på dei 3 siste kampane og nærmar seg midten av tabellen. Les meir..

Norborg tok årets første siger etter ein solid 2. omgang då Aksla2 vart sendt heim med 3-0 i sekken. Etter ein mållaus førsteomgang tok tidenes målscorer i Norborg, Tarjei Gjerset Urkedal, ansvar og gjorde 1-0 førti sekund ut i 2. omgang. Kai Kitsadakon dobla leiinga dryge ti minutt seinare før Torgeir Vik fastsette resultatet til 3-0 på ei heading frå 15 meter. Les meir..

Norborg tek imot Aksla2 onsdag kl. 1830 på Uggedal stadion gras. Gratis inngang.

Norborg måtte sjå seg slått 5-1 av Herd2 på AMFI Moa stadion. Det starta bra for dei oransje med mål av Marius Flem Stavik i det 12. minutt. Dette var Stavik sitt første A-lagsmål. Elias Holmelid og Olav Alexander Sætren snudde kampen for heimelaget inn mot pause. Sætren gjorde 3-1 ti minutt ut i 2. omgang før Imre Dragset og Aron Leandersson gjorde dagen endå tyngre for våre gutar dei siste tjue. Les meir..

Norborg eigde ballen og skapte mest i heimekampen mot Stranda2, men trass 1-0 leiing til pause etter mål av Niklas Rekdal var det til slutt gjestane som stod igjen med alle poenga etter to kontringsmål av Almantas Gulijevas og Oskar Røyr. Norborg fekk sjansen frå straffemerket like før slutt, men også her vart det bom. – Eg syns vi gjer ein bra kamp, men det blir stang ut, sa trenar Torbjørn Grytten etter kampen. Les meir..

Norborg tek onsdag imot Stranda2 på Uggedal KGB. Stranda2 har starta sesongen bra med 4 poeng på 2 kampar, medan Norborg står med 1. Spelet har vore betre enn poengfangsten, men ein har ikkje hatt marginane på si side framfor mål. Sidan sist kamp er Peder Uggedal Søvik og Kai Kitsadakon tilbake. Vél møtt!

Norborg tapte bortekampen mot Vigra med 4-1 (2-1). Ola Just Martinsen ga heimelaget føringa i det 14. minutt, medan eit sjølvmål sørga for Norborg sitt mål nokre minutt før pause. Uavgjort skulle likevel ikkje halde inn mot kvila. I omgangens sluttsekund fekk Vigra straffe som Preben Meberg omsette i mål. I 2. omgang sørga mål av Kenneth Kjevik og Florin-Ciprian Luli for ein komfortabel siger til Vigra.
Les meir..

Norborg tek onsdag turen Rota KGB for å møte ein av opprykksfavorittane i årets 6. divisjon etter ein litt skuffande fjorårssesong der laget var langt unna å nå A-sluttspelet. Vigra fekk derimot ein god start på denne sesongen med 5-2 siger borte mot Emblem2. Laget haldt også godt følgje med 4. divisjonslaget Hareid i Sunnmørsposten Cup tidlegare i vinter, men måtte til slutt sjå seg slått 2-3 etter eit overtidsmål av Hareid. Lagets store stjerne er rutinerte Kenneth Kjevik, som stort sett ligg på eit mål i snitt pr. kamp.

Norborg leverte ein god 1. omgang i serieopninga mot Sula og fortente meir enn 1-1 til pause. Basert på kamputviklinga kan vi vel likevel seie at det var greit at kampen til slutt også enda med poengdeling. Rykta seie at Norborg blir forsterka med Ruben Holmeset til denne kampen. Om han har kome seg i land så betyr det eit godt offensivt alternativ.

Norborg og Vigra har møttes 10 gongar etter millenniumskiftet. Norborg står med 4 sigrar mot Vigra sine 3. Siste møter mellom laga var i 2015 då Norborg vann 8-1 heime, medan det vart 0-0 på Rota.

Dommar: Lars Ove Sletta (Langevåg)

Stranda2 og Emblem2 tjuvstarta 2. serierunde med å spele 3-3 måndag kveld. Dei andre kampane er Aksla2-Godøy (ons), Herd2-Skodje (tor) og Sula-Ørskog/Stordal2 (søn).