Vann årets første treningskamp

Posted on by

Norborg/Brattvåg2 – Harøy 5-3 (3-0)
Uggedal KGB, 05.02.2019

1-0 Magnus Austbø Seth (8)
2-0 Eirik Vågnes (11)
3-0 Magnus Austbø Seth (16)
3-1 Illya (46)
3-2 Sjølvmål (54)
3-3 Illya (59)
4-3 Magnus Austbø Seth (71)
5-3 Jesper Vos (85)

Heimelaget leverte eit godt første kvarter og leia fortent 3-0, men så fall konsentrasjonen kraftig så det vart ikkje fleire mål før pause. Etter pause vart Harøy som fekk ein pangstart og utlikna dei oransje si leiing før kvarteret var spelt. Norborg fekk etter kvart kvitta seg med Jon Blund og avgjorde kampen med to mål mot slutten. – Heilt greitt for å vere første treningskamp, sa Kristian Søviknes.

Sander Arntsten, Tobias Jensen og Eirik Vågnes debuterte på A-lagsnivå. Tobias har for øvreg meldt overgong frå Brattvåg til moderklubb Norborg.

Laget: Sander Arntsen – Marius Rogne (Urke, 46), Anders Toven, Tobias Jensen, Jonas Holmeset (Lars Mikalsen, 46) – Magnus Jenssen (Jesper Vos, 46), Nikolai Jensen, Eirik Vågnes (Gard Rogne, 57), Vidar Nilsen Rogne – Magnus Austbø Seth, Fredrik Hurlen  (Per-Stian Alvestad, 35).

Ny treningskamp avlyst

Posted on by

Norborg skulle ha møtt Harøy til treningskamp i Uggedalen onsdag kveld, men som Fjørtoft sist, så trekker Harøy seg frå kampen grunna mangel på spelarar. Norborg har avtalt treningskamp mot Hødd2 på laurdag. Den kampen går enten på CLS eller i Uggedalen. Vi kjem tilbake med meir info når detaljane er på plass.

Vi tek elles med at Brattvåg/Norborg/Harøy G19 tapte 3-0 for Langevåg sist søndag. Kampen var i utgangspunktet ein kvalifiseringskamp for spel i 1. divisjon, men på grunn av få påmeldte lag så er alle laga allereie kvalifisert. Rapportane seie at det var oppjaga spel av BNH og at Langevåg vann fortent mot det vi kan kalle vårt nye juniorlag sidan dei mange -99 modellane no er eitt år for gamle.

Trimgruppa sine turar i 2019

Posted on by

Norborg si trimgruppe har sett opp følgjande datoar for arrangement i 2019:

Tur til Hesten 26. mai.
Aktivititetsdag 16. juni.
Tur til Gamlemsveten/Veten Opp 1. september.

Vinnar av 20 turar til Gamlemsveten i 2018 vart Elisabeth Sønderland Stavik. Totalt vart det 10 stk. som var med i trekninga om eit gåvekort på 1000,- Vinnar av 30 turar til Terøytoppen vart Ruben Stavik. 22 stk. deltok i trekninga om eit gåvekort på 500,-

Vinnar av betalt medlemskontingent i Gjersetdalen vart Annlaug Otterlei, på Oførefjellet Martine Gamlemshaug, og på Gamlemsveten Jan Hallvard Kjærstad. Premien er eit gåvekort på 300,-

I 2019 blir det nye sjansar for dei som er støttemedlem. Blant anna 30 turar til Gjersetdalen og 30 turar til Terøytoppen.

G19: Rogne og Jonassen nye trenarar

Posted on by

Marius Fylling Rogne og Alexander Jonassen blir trenarar for Brattvåg/Norborg/Harøy sitt juniorlag etter at Torgeir Finnanger Garshol og Azem Maksumic gav seg etter fjoråret. Marius kjenner dei fleste som Norborg-spelar, medan Alexander Jonassen er eit nytt andlet på Sunnmøre. Han skal spele for Brattvåg i 2. divisjon etter å ha meldt overgong frå Træff for kort tid sidan. Vi takkar gamletrenarane for innsatsen og ønsker dei nye lykke til.

Første kamp er allereie på søndag då ein spelar kvalifiseringskamp for 1. divisjon mot Langevåg i Sparebanken Møre Arena kl. 1430. Blindheim og Ørskog er dei to andre laga i kvalifiseringsgruppa.