Hovdebygda – Norborg/Brattvåg2 4-1 (0-0)
4. divisjon, 07.10.2022
1-0 Robin Skuseth (51)
2-0 Jonas Tafjord (54)
3-0 Robin Skuseth (66)
4-0 Preben Meberg (69)
4-1 Kristoffer Søviknes (89)
Etter ein første omgang som var prega av sjansar til Hovdebygda og ein ball i krysstverra frå Jesper Vos, blei første omgang oppsummert med 0-0. Ingen av laga spelte sin beste fotball, men Hovdebygda hadde overtaket.
I 2. omgang starta Norborg friskt og kontrollerte spelet utan ball, samt eit trykk med ball. Til trass for det var det Hovdebygda som satte inn støtet. Ein ball kom frå venstre på bakre, der var Hovdebygdspelaren god og sende ballen tilbake i feltet, og pang! 1-0. Denne oppskrifta følgde dei nøye. Tre innlegg og tre nye scoringar. Hovdebygda hadde fleire gode sjansar i denne perioden, men ein god Sander Arntsen hindra fleire. Heilt på slutten fekk Henrik Hurlen eit spark i ansiktet etter eit innlegg frå Lars Mikalsen. Det resulterte i straffespark, og Kristoffer Søviknes satte det sikkert. Første scoring etter comebacket i haust.
Trass det fortjente tapet mot Hovdebygda, blei det glede etter kampslutt. Larsnes/Gursken tapte mot Langevåg, som gjer at ingen av dei tre nederste kan gå forbi Norborg/Brattvåg2, og kun eit lag frå Sunnmøre kan gå ned frå Postnord-ligaen. Dermed er dei oransje klar for 4.divisjon 2023!
*** Stian Klokk
** Ronald S. Olsen
* Thomas Aarsund
Ronald Olsen (Sander Arntsen, 38) – Stian Klokk, Tor Abelseth, Anders Toven, Tobias Jensen – Jesper Vos (Elias Seth, 85), Thomas Aarsund – Tobias Flem Hellem (Kristoffer Søviknes, 66), Eirik Vågnes (Lars Mikalsen, 85), Magnus Otterlei – Tarjei Urkedal (Henrik Hurlen, 55) (E. Vågnes, 89)
