Det var dramatikk på fleire plan då Norborg og Emblem spelte 0-0 i Uggedalen torsdag kveld. Dramatikken starta like før kampstart då Emblem viste ein e-post frå Sunnmøre fotballkrets at kort frå Bergsøy2 kampane i vår skal bli ståande. Norborg trudde at desse korta skulle strykast og at spelande trenar Niklas Rekdal dermed fekk sitt 5. gule kort i sist kamp mot Sykkylven, ikkje sitt 6. (ein soner for 4 gule kort deretter for kvar andre). Emblem gjorde det klart at dersom Rekdal starta kampen så kom dei til å legge inn protest. Norborg kunne dermed ikkje anna gjere enn å stryke Rekdal frå dommarkortet og han måtte ta plass på tribuna. Dagen etter viste det seg at kretsen hadde feilinformert Emblem og at Rekdal var speleberettiga til kampen. Vi veit ikkje korleis utfallet av kampen hadde blitt med Rekdal på bana, men oddsen for siger med ein av sine beste menn hadde sjølvsagt vore større i det som må reknast å vere ein av haustens viktigaste kampar. Sjølve kampen var jamspelt så lenge laga hadde likt antall spelarar på bana. Like før pause vart Norborg redusert til 10 mann grunna raudt kort. Betre vart det ikkje då vi eit kvarter ut i 2. omgang haurte ein smell og Torbjørn Grytten fall saman med røken akilles. Emblem hadde presset i 2. omgang, men Norborg jobba knallhardt og vann alle duellane i farleg sone. Faktisk var Norborg nær alle poenga då både Oliver Gamlem og Tobias Jensen hadde kvar sin sjanse i sluttminutta i ein kamp som totalt hadde 20 tilleggssminutt. Sette dommar Jan Lund ny personleg tilleggsminuttrekord?
Les meir..

Norborg spelar ein særs viktig heimekamp mot Emblem i Uggedalen torsdag kl. 1830. Norborg er i skrivande stund fire poeng over nedrykksstreken, medan Emblem er to. Siger vil gi eit godt utgangspunkt framføre sesonginnspurten. Vi håper du tek turen for å støtte laget.

Norborg måtte sjå seg slått 1-4 av Sykkylven på Uggedal stadion i kveld. Sykkylven starta forrykande og scora tre mål før tjue minutt var spelt ved Mateo Hovet-Cruz (2) og Marcus Mandal-Bueide. Norborg reduserte tidleg i 2. omgang ved Nicolas Kvammen, men kom aldri nærmare i målprotokollen. I staden auka Ask Støylen til 1-4 på overtid. Les meir..

Norborg vann ikveld bortekampen mot Giske med 1-0. Etter ein mållaus 1. omgang vart Nicholas Kvammen den store helten for dei oransje. Norborg har vunne sine tre siste kampar utan å sleppe inn mål. Les meir..

Norborg vann 3-0 i bortekampen mot Brattvåg2 etter to mål av Nikolai Jensen og eitt av Niklas Rekdal. Norborg misbrukte eit straffespark tjue minutt ut i kampen, men gjekk likevel til pause med leiing då Jensen sette ballen i nota etter ein dryg halvtime. Etter pause dobla Jensen leiinga då han vann ein duell ved bakre stolpe og pirka ballen i mål. Litt seinare viste Niklas Rekdal fram skotfoten då han banka inn eit frispark frå 25 meter og fastsette resultatet til 0-3. Dermed tre herlege poeng med heim til Uggedalen.
Les meir..

Norborg sin kamp mot Bergsøy2 på torsdag er avlyst sidan laget frå Fosnavåg trekk seg frå 5. divisjon. Sidan Norborg tapte serieopninga mot Bergsøy2 så mister vårt lag ingen poeng og avanserer frå 11. til 9. plass på tabellen. Norborg sin første kamp denne hausten blir borte mot Brattvåg2 torsdag 15. august kl. 1830.

Etter over 2 månader utan siger kunne Norborg igjen få juble for 3 poeng då ein vann 1-0 over Volda2 under strålande speletilhøve i Uggedalen. Sjølve kampen var heller ein 5-0 kamp enn 1-0, men Norborg slit framfor mål, og bomma og bomma. Heller ikkje eit straffespark traff mål. Etter 0-0 ved pause sørga Eirik Koppen Vågnes for mål før to minutt var spelt av 2. omgang. Norborg skapte ikkje so mange sjansar etter kvila som før, men hadde eit par feite tilbod om mål som ein ikkje tok vare på. På overtid fekk Volda2 sin eine sjanse, men frisparket frå 18 meter vart satt utanfor mål. Dermed kunne heimespelarane og tilskodarane puste letta ut. Med desse poenga har ein heng på laga framom på tabellen. Les meir..

Norborg spelar ikveld siste kamp før sommarferien når ein tek imot Volda2 på Uggedal stadion kl. 1900. Vél møtt!

Norborg fekk ein grusom start i kveldens borteoppgjer mot tetlaget Spjelkavik2 med to mål imot før det var spelt 8 minutt. Eirik Vågnes reduserte på straffe i det 27. minutt. Starten av 2. omgang var heller ikkje god og ein kom raskt under 3-1. Noko som også vart sluttresultatet sjølv om Norborg hadde sine sjansar, blant anna eit skot i tverra av Andreas Larsen Beite. – Vi gir bort enkle mål i starten av kvar omgang, men var elles fullt på høgde med dei og burde ha fått med oss poeng heim, sa Tarjei Urkedal.

Norborg måtte sjå seg slått 2-4 av Ravn i kveldens lokaloppgjer på ei sleip Uggedalsmatte. Ravn fekk ein pangstart på kampen då Teodor Klokset Lilleng sitt innlegg vart omgjort til eit praktfullt skot i fin boge over keeper og ned under tverrliggaren. Eit noko tilfeldig mål, og tilfeldigheite, flaks og uflaks skulle det bli ein del av denne regnfulle kvelden. Like etter at Norborg hadde ei heading i tverrliggaren, auka Nikolas Fjørtoft til 0-2 i det 27. minutt. Målet kom etter litt klabb og babb på ein corner der ballen til slutt havna hos Fjørtoft som enkelt breisida ballen i mål frå kloss hald. Kristoffer Søviknes banka inn redusering like etter då han er vaken frampå ein retur etter eit skot av Eirik Vågnes. Norborg var også nør utlikning, men 1-2 stod seg til pause i ein jamn omgang. Norborg starta best etter pause og hadde ein dobbeltsjanse etter corner, men ti minutt ut i omgangen vart ein redusert til ti mann. Då vart oppgåva for tøff og Nikolas Fjørtoft og Ole Johan Urke auka Ravn si leiing til 1-4. Ådne Hellandsvik pynta på resultatet i sluttsekunda med eit flott skot. Jamnt første 55. minutta og Ravn med kontroll då dei var ein mann meir. Les meir..