Norborg/Brattvåg2 tek torsdag kl. 19 imot Hovdebygda på Uggedal kgb. Heimelaget er allereie klar for opprykk, men ønsker å halde Blindheim bak seg i kampen om krinsmeisterskapet. Det bør dermed vere full tenning mot 5. plasserte Hovdebygda.

Norborg får tilbake Tarjei Urkedal frå sist kamp, medan Thomas Aarsund og Jesper Vos er ute med skader. Gard Rogne er usikker til kamp på grunn av ein liten skade og har ikkje trent den siste veka. Kristoffer Søviknes har ei høggravid kone og kan gå ut av troppen når som helst.

Hovdebygda er kjent for Ivar Aasen, flyplass og Side Brok. Fotballen har det gått opp og ned med, slik det som regel gjer i mindre bygder. Vi må likevel kunne seie at Hovdebygda er vårt andre favorittlag i år. Dei har nemleg slått Langevåg i begge sine kampar, samt vunne den eine dei har spelt mot Blindheim. Dei la i tillegg alt til rette for Norborg med å spele heimekampen sin på ei stor grasbane i staden for ei lita kunstgrasbane. Med det mannskapet Norborg stilte i den kampen, så passa det utmerket og ein kunne reise heim med 3-0 siger.

Før vårkampen forventa vi at Hovdebygda var eit dunk og drus lag, men det var dei absolutt ikkje. Her var det mykje kjæling med ball. Kva taktikk dei vel denne gong er ikkje godt å seie, men Norborg/BIL2 har eit godt nok lag til å takle begge typar fotball. Daniel Malakzadeh er lagets toppscorar med 13 mål.

Dommar: Kristoffer Nevstad (Aksla)
Assistentar: Thomas Johan Olsvik (Rollon) og Joachim Killingmo (Spjelkavik)

Norborg har hatt eit godt tak på Hovdebygda og har sidan hausten 2003 vunne 6 av 6 med 28-5 i målskilnad. Er Norborg fokusert, så skal denne rekka utvidast.

Tidlegare kampar Norborg-Hovdebygda:

2018: x-x / 3-0
2011: 4-1 / 8-0
2006: 2-0 / 4-1
2003: 3-4 / 7-3
1982: 1-0 / ?-?
1976: 2-2 / 1-4
1974: 0-2 / 1-2

Det nærmer seg slutten på årets 5. divisjon. Spenninga i toppen tok ein endeleg slutt sist veke då Norborg/Brattvåg2 feira opprykket etter siger over Langevåg, og samstundes sørga for at Blindheim er 98% sikker på 4. divisjonsspel i 2019. I botnen er det langt meir opent, og laga her ventar også spent på onsdagens kampar i 3. divisjon mellom Spjelkavik og Rilindja og Herd-Ullern. Sigrar sunnmørslaga her, så blir det etter alle solemerker berre tre lag ned frå 5. divisjon. Vi har sett litt på kampane i 5. divisjon si runde 20.

Les meir →

Norborg/Brattvåg2 kunne sleppe jubelen laus etter 90 minutt med kjemping i øsende regnver på Langevåg KGB. Magnus Austbø Seth sitt mål i det 27. minutt var nok til å ta tre poeng mot eit heimelag som gjorde det vanskeleg for dei oransje. – God prestasjon mot ein god motstandar. Vi gjennomfører igjen solid å gjer den jobben vi skal gjere. Deilig å avgjere opprykket tre runder før slutt, og føler det er særs fortent med tanke på det vi har gjort denne hausten. Spelarane har stått på og prestert prima. Nå gjenstår det tre kampar og dei skal brukast til å sikre KM-tittelen, sa trenar Kristian Søviknes.
Les meir..

Andre resultat:
Ellingsøy – Blindheim 0-3
Blindheim gjorde jobben mot Ellingsøy og har 8 poengs forsprang til Langevåg med 9 poeng å spele om. 
Sæbø – Fjørtoft 4-3
Det vart diverre tap i  denne “must win” kampen for Fjørtoft. Har no meir enn ein fot i 6. divisjon med fem poeng opp til trygg grunn.
Skodje – Volda2 2-0
Stranda – Guard 6-0
Hovdebygda – Herd2 2-2
Tabell

Torsdag kl. 1830 tek Norborg/BIL2 turen til Langevåg for sin første matchball i kampen om opprykk. Med siger er opprykket i boks og laget kan kose seg i dei tre siste kampane. Kos har det likevel vore mykje av i haust med tanke på dei mange storsigrane. Kampen mot Langevåg blir annleis enn dei andre. Medan ein i haust har fått vore dominant i alle faser av spelet, så er Langevåg av eit anna kaliber og vil både forsøke, og vere i stand til å gjere noko produktivt med ballen.
Les meir →

Norborg/BIL2 har lagt grunnlaget for tabelltopp i dei innbyrdes kampane mot laga på øvre halvdel, medan Blindheim og spesielt Langevåg har trøbla mot dei andre topplaga. Blindheim er derimot best mot laga på nedre halvdel.

Fire runder gjenstår i 5. divisjon, og slik ståda er no så er det i botnen spenninga er størst med fire lag som kjempar om to ledige plassar. I toppen er det meir sjø mellom båtane. Norborg/Brattvåg2 har festa eit solid grep med sine 8 strake sigrar, medan Blindheim har plukka nok poeng til å halde Langevåg på avstand. Langevåg skal møte både Norborg/BIL2 og Blindheim på heimebane og kan skape spenning med sigrar her, men det spørs om det er nok til å kome seg opp på opprykksplass. Vi har sett på laga sitt gjenståande kampprogram.
Les meir →

Norborg/Brattvåg2 har feid unna all motstand etter sommarferien og leiar sjølvsagt hausttabellen for 5. divisjon. På torsdag møter ein lag nr. 2 på denne tabellen, Langevåg. Den gamle storklubben frå Sula har fått fart på skuta etter ein skuffande vår der laget låg på 6. plass. Fjørtoft har også vist god form i haust og er det 4. beste laget, men gjorde det særs vanskeleg for seg sjølve med å ikkje vinne ein einaste kamp i vår. Stranda og Skodje var i opprykksstrid før sommaren med 3. og 4. plass, men har gjort det svakt i haust.

Dei oransje fortsette sin sigersmarsj i 5. divisjon då nabo Skodje vart satt på plass med 8-0. Heimelaget gjekk voldsomt ut og leia 3-0 før kvarteret var spelt. Etter dette var det meir variabelt, men med 4-0 like før pause var kampen punktert. Skodje hadde sine sjansar, men det var likevel heilt greitt at Norborg/BIL2 vann med 8 mål. Sidan Langevåg vann 1-0 over Herd2 er ikkje opprykket heilt sikra, men med 9 poeng og 35 mål å gå på framfor dei fire siste så ser det veldig lyst ut. Nettopp Langevåg er motstandar neste torsdag. Det ligg an til ein ellevill kamp i Langevåg når divisjonens to formlag møtast.
Les meir..

Andre resultat:
Guard – Hovdebygda 3-1 (spelt onsdag)
Både Guard og Hovdebygda fortsette å overraske. Dei fleste trudde nok på ein komfortabel bortesiger, men Joakim Bendal ville det annleis å scora tre mål. Han er no oppe i 16 mål totalt.  
Herd2 – Langevåg 0-1
Herd2 stod med tre strake sigrar, men måtte sjå seg slått av opprykksjagande Langevåg og er dermed stadig i botnstrid med begge bein. Peter Beite Dyb vart matchvinnar 13 minutt ut i 2. omgang.
Blindheim – Fjørtoft 6-2
Det gjekk som venta, men Fjørtoft gav Blindheim eit lite sjokk då dei utlikna til 1-1 25 minutt ut i kampen.
Stranda – Sæbø 3-2
Stranda leia 3-0 like før slutt, men Sæbø skapte nerver med to raske før overtida starta.
Volda2 – Ellingsøy 1-2
Ellingsøy stod med berre 1 poeng på dei 4 siste, men overraska med ein viktig bortesiger mot normalt heimesterke Volda2. Amund Rongve sine to mål gir Ellingsøy pusterom i botnstriden.
Tabell

Fem runder før slutt topper Norborg/Brattvåg2 fair play-tabellen med sine 13 gule kort på 17 kampar. Det er eitt mindre enn Blindheim. I den andre enden finn vi Stranda og Guard med 30 og 29 gule kort. Sæbø er laget som sankar flest raude kort med 4. Vi har satt saman ein fair play-tabell der vi gir 1 poeng for gult kort og 3 poeng for raudt kort.

Torsdag er det klart for Norborg/BIL2 sitt tredje strake lokaloppgjer når Skodje tek turen til Uggedalen. Fjørtoft og Ellingsøy har blitt slått med solide siffer og gitt dei oransje eit særs godt utgangspunkt før sesonginnspurten, men oppgåva blir nok langt tøffare når gultrøyene frå nabokommuna kjem på besøk. Norborg har ein særs god statistikk mot Skodje, men i vår måtte ein sjå seg slått for første gong på over 30 år. Torsdagens møte er for øvreg det tjuande seriemøtet mellom klubbane sidan Norborg debuterte i 1968.
Les meir →