Ole Johan Urke og Kai Kitsadakon har signert for Norborg. Urke er tilbake i Norborg etter å ha spelt for Ravn frå 2021 til 2024. Urke har tidlegare spelt 382 kampar og scora 106 mål for Norborg sitt A-lag. Han er ein merittert spelar med krinsmeisterskap for Norborg i 4. divisjon i 2008 og 2013, 5. divisjon i 2018 og i 6. divisjon for Norborg 2. lag i 2007. Kitsadakon er 18 år og kjem frå Grytastranda, men har spelt ungdomsfotball i Brattvåg. Han debuterte på A-laget til Norborg/Brattvåg2 i bortekampen mot Bergsøy hausten 2023. Kai er ein teknisk og rask ving som viste seg fram med målgjevande i treningskampen mot Lepsøy/Harøy sist fredag. Vi ønsker begge velkomen til Norborg.
Author Archives: Frode Engeset
Tapte første treningskamp
Norborg fekk ein god start i årets første treningskamp og leia 2-0 over Lepsøy/Harøy når ein dryg halvtime var spelt. Nicholas Kvammen sendte vertane i føringa etter ein flott soloprestasjon halvvegs ut i omgangen, medan Ole Martin Fevåg dobla leinga ti minutt seinare då han sette eit innlegg frå Kai Kitsadakon. Norborg var gode i denne halvtimen og kunne med litt marginar ha leia med større siffer. I minutta inn mot pause tok kreftene slutt og Lepsøy/Harøy kom sterkt tilbake med to raske mål. Norborg starta også 2. omgang best, men 8 minutt ut i omgangen kontra gjestane inn 2-3. Etter dette rakna Norborg og Lepsøy/Harøy vann komfortabelt 2-6.
Laget: Ronald Søvik Olsen (Jann Tore Søvik, 60) – Ruben Stavik (Jørn Håvar Varpe Uggedal, 60), Peder Uggedal Søvik, Ole Johan Urke (Stavik, 69), Markus Søvik Gunnarsson – Ole Martin Fevåg (Torgeir Vik, 60), Niklas Rekdal, Nicholas Kvammen, Kai Kitsadakon (Olsen, 65) – Marius Dulgheru, Markus Torgersen.
Treningskamp mot Lepsøy/Harøy fredag kl. 1830
Norborg spelar sin første treningskamp for året når ein tek imot det nye samarbeidslaget Lepsøy/Harøy i Uggedalen fredag kl. 1830. Allereie på måndag ventar ny kamp då ein skal møte Rollon borte i Sunnmørsposten sin cup.
6. divisjonsavdelingane klare
Norborg sitt herrelag er tilbake i 6. divisjon for første gong sidan år 2000 og har blitt satt opp i avdeling 1 saman med Aksla2, Emblem2, Godøy/Giske2, Herd2, Skodje, Stranda2, Sula og Vigra. Det blir dermed ikkje lokaloppgjer mot Harøy/Lepsøy og Ravn2 på vårsesongen. Dei spelar nemleg i avdeling 3. Sjå SFK sin nettstad for heile oppsettet.
Futsal: Romjulscup søndag 29. desember i Norborg Fleirbrukshall
I 2022 blei det for første gang arrangert Norborg-cup, og det syns vi var så gøy, at vi køyre på i år igjen! Her er det lavterskel og vi ønska alle
velkomen! Kompisgjengar, jenter og gutar, tidlegare aktive og noverande aktive, spel med den gleda du har! Vi har ei maksgrense på 16 lag, og om
det blir eitt eller fleire damelag avgjer om vi dele opp i herre- og dameklasse. Det vil bli kiosksalg, speaker og livetjeneste!
Reglar:
Max 10 spelarar per lag.
Pris per deltakande lag: 1000,-
Nedre aldersgrense på 16 år (født 2008).
Påmeldingsfrist 20. desember og er bindande etter det.
Påmelding på e-post til norborg24cup@gmail.com
Betalingsinfo kjem på e-post etter påmelding.
Lagleiar sørger for at betalingen skjer samla.
Navn på alle spelarane meldast ved påmelding, samt telefonnummer til lagleiar.
Farge på trøye meldast frå ved påmelding.
Det vil bli spelt med futsalballar. Vi håper du vil vere med. Vél møtt!
Ronald spelte mest!
Ronald Søvik Olsen var Norborg sin mest benytta spelar i årets sesong med 1796 minutt, inkludert kampen mot Bergsøy2. Nummer to på lista er det unge stjerneskotet Nicholas Kvammen. Midtbanetalentet som fyller 16 år seinare denne månaden stoppa på 1645 minutt. Han fekk dermed drøye 100 minutt meir enn sjefen sjølv, Niklas Rekdal. Totalt spelte 40 gutar og menn i alderen 15 til 42 år kampar for Norborg i årets 5. divisjon. Heile lista finn du her.
Vår – hausttabell
5. divisjon sin vår og hausttabell. Norborg 9. best både i vår og haust, men enda likevel som nr. 11.
G14 vart krinsmeistrar!
Norborg/Ravn/Brattvåg sitt G14 lag vann i dag 5-0 borte mot FCK og vart dermed krinsmeistrar. Tobias Hatlehol scora dei 4 første måla, medan Jonas Langlo scora det siste. Alle måla kom før pause. Vi gratulerer! Kampfakta.
Tapte for Volda2 og rykker ned
Norborg måtte ha poeng borte mot Volda2 i siste runde av 5. divisjon, men måtte reise heim med 5-2 tap. Våre gutar kom under med to mål før sju minutt var spelt, men ei redusering av Tarjei Urkedal gav håp. Volda2 gjekk opp i 3-1 tjue minutt ut i 2. omgang, men Niklas Rekdal kvitterte raskt til 3-2. På slutten måtte Norborg gamble og Volda2 scora to mål på slutten. Norborg enda dermed sist i 5. divisjon og er tilbake i 6. divisjon for første gong sidan 2000. Vi kan gratulere Ravn med opprykk til 4. divisjon etter 0-0 mot Emblem. Ravn er dermed tilbake på nivå 5 for første gong sidan 1982.
Les meir..
Tapte for KM-vinnaren
Norborg hang lenge med, men måtte til slutt sjå seg slått 0-3 av Spjelkavik2 i torsdagens 5. divisjonskamp. Gjestane tok leiinga på ei kontring like før pause ved Jonas Ottersen og dobla leiinga like etter pause ved Peter Røvreit Frostad. Spjelkavik2 styrte etter dette det meste og punkterte kampen tjue minutt før slutt då Ottersen scora sitt andre. Norborg har framleis alt i eigne hender i botnstriden når ein tek turen til Volda i siste serierunde på torsdag. Les meir..
