Norborg sin kamp mot Giske som skulle ha vore spelt torsdag 25. april er flytta til måndag 13. mai kl. 1830. Det var Giske som ville flytte kampen fordi dei hadde mange spelarar opptatt med skule.
Norborg tok alt i skilsmisseoppgjeret
Norborg gjorde reint bord og vann 3-1 over tidlegare samarbeidspartnar Brattvåg2 i kveldens 5. divisjonskamp framfor 300 tilskodarar i Uggedalen. Begge lag hadde treff i aluminiumet tidleg i kampen, men så sa Tarjei Urkedal takk for følget og sette inn to mål det siste kvarteret av 1. omgang. Etter kvila hadde Brattvåg2 mykje ball, men skapte lite mot eit godt organisert og hardtkjempande heimelag. I staden var det Kristoffer Søviknes som auka leiinga til 3-0 for dei oransje tjue minutt før slutt. Brattvåg2 sitt trøystemål vart sett inn av Anes Maksumic. Les meir..
Vågnes og Grytten til Norborg
Eirik Koppen Vågnes og Steffen Grytten har meldt overgong frå henhaldsvis Brattvåg og Fjørtoft. Begge er velkjende andlet i Uggedalen. Vågnes har 69 kampar for det tidlegare samarbeidslaget Norborg/Brattvåg2, medan Grytten har 296 kampar for Norborg frå 2001 til 2016.
Lokaloppgjer mot Brattvåg2 torsdag kl. 1830
Årets første Harams-derby i 5. divisjon blir spelt i Uggedalen mellom Norborg og Brattvåg2 torsdag kl. 1830. Laga som i fjor samarbeidde har fått ein ulik start på sesongen. Norborg gjekk på eit 4-1 tap for Bergsøy2, medan Brattvåg2 vann 3-1 over Volda2. Norborg treng difor ein 3-poengar i morgon. Så ta turen til Uggedalen og hjelp laget til siger!
Tøff serieopning for Norborg
Norborg tok leiinga like før pause på ein corner skrudd direkte i mål av Lars Alvestad Mikalsen, men fekk det tøft siste halvtimen då ein måtte plukke ballen ut av nota heile fire gongar. Dermed enda serieopninga med eit 4-1 tap for Bergsøy2. Les meir..
Serieopning for damelaget torsdag kl. 1830 i Uggedalen
Brattvåg/Norborg/Ravn sitt damelag i 4. divisjon serieopner mot Blindheim2 torsdag 11. april kl. 1830 på Uggedal KGB.
Vél møtt!
Sunnmørsposten Cup: Norborg – Blindheim søndag kl. 14.
Norborg sin kamp mot Blindheim i 3. runde i Sunnmørsposten Cup er framskutt frå kl. 1830 til 1400 idag.
Norborg tapte 0-5 og er ute av cupen.
Vidare i Sunnmørsposten Cup
Norborg vann 4-1 borte mot Sula i 2. runde av Sunnmørsposten Cup. Robert Dulgheru gav dei oransje leiinga allereie 1 minutt ut i kamp, medan Adrian Andrukiewicz dobla leiinga 5 minutt seinare. Eit sjølvmål i det 15. minutt sørga for 3-0. Noko som stod seg til pause. Ole Martin Sellaup auka til 4-0 før minuttet var spelt av 2. omgang. Nokre minutt før slutt reduserte Ramazan Akbulut for heimelaget. Norborg tek i mot Blindheim i 3. runde. Kampen er oppsett søndag 17. mars kl. 1830,
God glid mot Godøy
Etter is i rubben i ein treningskamp mot HaNo for ei drøy veke sidan, så var det god glid i Sunnmørsposten Cup-kampen mot Godøy i Uggedalen søndag kveld. Sidan Godøy spelar ein divisjon under Norborg så starta dei kampen med eit straffespark som vart sett i mål av Simen Støbakk Valkvæ. Deretter var det berre Norborg som ikkje gav seg før det stod 7-1. Anders Toven utlikna dryge ti minutt ut i kampen før Robert Dulgheru presenterte seg. Først sette han inn 2-1 på straffespark etter at Kristoffer Søviknes vart felt. Så scora han på eit skot frå 18 meter. I sluttminutta av 1. omgang var først ein Godøy-spelar uheldig å sette ballen i eige mål på corner for Dulgheru sette inn sitt tredje for dagen. Dermed 5-1 til pause. 2. omgang vart langt rolegare, men far Marius Dulgheru gjorde 6-1 før Kristoffer Søviknes fastsette sluttresultatet til 7-1 på ei klassescoring der han tok ned ballen på brystet og klinka den i lengste. Dette var for øvreg Norborg sin største siger over Godøy nokon sinne i dei 52 offisielle kampane ein har hatt mot dei sidan det første møtet i 1971. Norborg møter Sula i neste runde, også det eit lag som spelar i 6. divisjon.
Norborg Magasinet 2023
Norborg magasinet av 2023 tilgjengelig elektronisk
