Norborg/Brattvåg2 måtte sjå seg slått 1-4 av Blindheim på Uggedal KGB torsdag kveld. Gjestane gjekk aggresivt til verks og nedkjempa vertane frå første sekund. Etter først å ha sett eit skot gå i stolpen og så bli snytt for straffe lykkast Johannes Tjøstheim å få ballen i mål for dei kvite og svarte når eit drygt kvarter var spelt. Alexander Lillebø raga høgast på ein corner like før halvtimen og dobla leiinga før Peter Frostad utnytta nølande spel og la på til 0-3 like før pause. Oransjetrøyene løfta seg etter pause og reduserte ved Ådne Hellandsvik, men håpet vart kortvarig for to minutt seinare sette Stian Skaar inn 1-4. Norborg hadde nokre gode sjansar den siste halvtimen, men kom ikkje nærmare enn Hellandsvik sitt skot i tverra fem minutt før slutt. Dermed var årets første tap eit faktum.
Kampreferat.
Heimekamp mot Blindheim torsdag kl. 1830
Norborg/Brattvåg2 tek torsdag kl. 1830 imot Blindheim på Uggedal KGB. Vél møtt!
Vann over Skodje
Brattvåg/Norborg sitt damelag vann 6-3 over Skodje på Uggedal KGB måndag ettermiddag. Fride Lianes ga heimelaget leiinga, men Skodje snudde til 1-2 med to raske like før pause. I 2. omgang fungerte alt mykje betre for Brattvåg/Norborg og mål av Vibecke Krogsæter, Zascha Clausen og Emma Sofie Kvammen sørga for 4-2 leiing før Skodje reduserte på straffe. Anne Margrethe Staurset og Sunniva Johansen sørga for ein komfortabel 6-3 siger.
Brattvåg/Norborg J17 spelte også kamp måndag. Her vart det 4-3 siger borte mot Aksla/Guard. Lisa Alvestad Mikalsen scora 3 mål og Emilia Zlotnicka 1.
Brattvåg/Ravn/Norborg G16 vann tysdag kveld 5-2 borte mot Ørskog/Stordal.
Damekamp i Uggedalen måndag kl. 17
For første gong sidan 2011 blir det spelt fotballkamp for damer i Uggedalen. Brattvåg og Norborg slo seg i vinter saman og meldte på eit lag i 4. divisjon. Laget vann serieopninga med 7-0 borte mot Vigra og er favorittar når ein møter Skodje på Uggedal KGB måndag kl. 17.
Kochelerte seg til topps!
Norborg/Brattvåg2 og Martin Fylling Koch fann til slutt sigersoppskrifta og vann heile 5-1 over Emblem i kveldens 4. divisjonsoppgjer i Uggedalen. Etter ein særs keisam og mållaus 1. omgang vakna kampen verkeleg til liv etter pause. Emblem starta omgangen med å få straffe før 30 sekund var spelt. Daniel Stensøe sette den sikkert i nota til 0-1. Heimelaget tok så gradvis over banespelet og med to raske mål snudde Martin Fylling Koch kampen. Raskt gjekk det også for Emblem å sikre seg to raude tjue minutt før slutt. Med 9 mot 11 vart det sjølvsagt tøft for gjestane, men i minutta etter utvisningane yppa dei seg og vart snytt for straffe eit kvarter før slutt. Norborg fekk til slutt orden i rekkene og etter at ein Emblem spelar styrte eit innlegg frå Martin Koch i eige mål, var det ingen tvil kvar alle poenga skulle gå. Eirik Vågnes gjorde 4-1 etter innlegg frå Koch, før Koch sjølv sette inn sitt tredje etter eit 50 meters løp. Dermed 5-1 og tabelltopp fram til resten av runda blir spelt fredag.
Kampreferat
Heimekamp mot Emblem torsdag kl. 1830
Norborg/Brattvåg2 tek torsdag imot Emblem på Uggedal kunstgras. Begge lag leverte ei god serieopning. Norborg med poeng i Fosnavågen, medan Emblem knuste Larsnes/Gursken/Gjerdsvika med 5-1, og topper dermed 4. divisjon. Kampen kan sjåast på smp.no, men vi håper du tek turen og lagar stemning på tribuna.
Poengdeling i serieopninga
Bergsøy – Norborg/Brattvåg2 1-1 (0-1)
4. divisjon, Havila stadion, 22.04.2022
0-1 Eirik Koppen Vågnes (21)
1-1 Sjølvmål (53)
På sitt sjuande forsøk tok Norborg endeleg sitt første bortepoeng mot Bergsøy då ein haldt bylaget til 1-1. Heimelaget hadde banespelet stort sett i 90 minutt, men greidde aldri å finne vegen til nettmaskene. Det var nemleg Norborg som scora begge måla. Eirik Koppen Vågnes ga oransjetrøyene leiinga midtvegs i 1. omgang, medan Tobias Jensen var uheldig å sette ballen i eige mål kort tid etter pause.
Laget: Ronald Søvik Olsen (Sander Arntsen, 65) – Stian Fjørtoft Klokk (Ådne Hellandsvik, 60), Tor Abelseth, Anders Toven, Jesper Vos – Igor Leonovs, Tobias Jensen, Eirik Koppen Vågnes (Klokk, 89) – Thomas Eriksen Aarsund, Magnus Otterlei, Martin Fylling Koch.
Takk til banemannskapet vårt!
Tusen takk til Stian, Frank Olav og Knut som har stått på i vinter for å holde banene åpne.
En ekstra honnør til evigunge Tor som var vikar i den siste snøværsperioden. I tillegg til masse brøyting så måtte han også fikse traktoren. Takk til Nogva for hjelpen med reparasjonen.
Ledig stilling: Trenerveileder
BRATTVÅG, RAVN OG NORBORG SØKER TRENERVEILEDER
Som en del av samarbeidet mellom Brattvåg, Ravn og Norborg og som ledd i den sportslige utviklingen ansetter klubbene nå i fellesskap en trenerveileder. For den rette kandidaten vil dette være en 100 prosent prosjektstilling over tre år med muligheter til forlengelse/fast stilling.
Trenerveilederen skal blant annet bistå trenerne i det daglige arbeidet på treningsfeltet og sikre kompetanseheving blant trenerne. Dette både gjennom interne trenerforum og gjennom kursing i regi av krets og forbund.
Arbeidsoppgaver:
– Følge opp trenere
– Sørge for at klubbene har en rød tråd i spillerutviklingen gjennom blant annet konkrete øktplaner
– Sørge for økt og bedre aktivitet
– Bidra til planlegging og gjennomføring av fotballskoler og lignende aktiviteter
– Være et bindeledd for sporten i klubbene
– Ansvarlig trener for et av samarbeidslagene i ungdomsfotballen
– Hospiteringsansvarlig
Brattvåg/Norborg J13 OBOS-cupmeistrar!
Brattvåg/Norborg J13 vann OBOS-cup etter å ha slått Blindheim på straffekonkurranse. Sjølve kampen enda mållaus, men jentene frå Haramshalvøya hadde best kontroll på nervane i straffekonkurransen og henta heim pokalen. Vi gratulerer! Meir på Brattvåg si heimeside. Herrelaget skulle også spele finale på laurdag, men motstandar NTNUIÅ greidde ikkje å stille lag.
