Skodje – Norborg 2-4 (1-1)
Skodje kgb, 18.05.12
Sjansar: 6-9
Hjørnespark: 4-4
1-0 Eivind Erstad (12)
1-1 Elling Mikal Kalvø (32)
1-2 Adrian Håbet (53)
1-3 Hans Edvard Nordang (70)
1-4 Adrian Håbet (73)
2-4 Stefan Aasen (96)
Dommar: Fredrik Honningsvåg (Giske)
Assistentar: Ernst Myhre (Spjelkavik) og Geir Tjervåg (Haddal)
Norborg vann til slutt komfortabelt over Skodje, men bortsett frå tre poeng var det lite å vere nøgd med denne gong. Innsats, kvalitet og konsentrasjon var langt under pari. Heldigvis var heimelaget endå svakare og Norborg kunne reise heim med ein fortent siger.
Norborg reiste til Skodje med stor tru på siger, men ti minutt ut i kampen så var det tydeleg å sjå at spelarane ikkje var heilt i kampmodus. Liten duellvilje, elendeg rørsle og sløve pasningar. Skodje fekk heller ikkje så mykje til, men vips så stod Eivind Erstad åleine på straffemerket og fekk putta ballen i mål. 1-0, Norborg hadde gjort det vanskeleg for seg sjølve.
Omtrent halvvegs ut i omgangen ana vi litt betre tendensar av oransjetrøyene. Alexander Eide får fyrt av frå 16 meter, Adrian Håbet får eit mål tvilsamt annullert for offside, medan Ole Johan Urke testa skotfoten så Skodje-keeper Espen Skarbø måtte gi retur på og det heile enda i corner. Bursdagsbarnet Urke la ballen på hovudet til Elling Mikal Kalvø som ekspederte ballen i mål. 1-1, fortent utlikning.
Tarjei Urkedal fekk ein stor sjanse til å sende Norborg til pause med leiing, men blåste ballen over mål. 1-1 til pause der Norborg hadde skapt dei fleste sjansane.
Norborg starta 2. omgang best og pressa heimelaget bakpå. Ole Johan Urke fekk ein god sjanse etter få minutt, men skotet gjekk rett på keeper. Det gjorde også Adrian Håbet si avslutning fem minutt seinare, men denne gong smatt ballen gjennom armar og bein og trilla i mål. 1-2 til Norborg. Tjue minutt før slutt er det ny feil i Skodje sine bakre rekker då eit lavt innlegg frå Torgeir Garshol gjeng gjennom heile feltet til Hans Edvard Nordang som enkelt spaserer ballen i mål. Få minutt seinare punkterer Adrian Håbet med si andre scoring då han blir spelt fri av Tarjei Urkedal og sette ballen stolpe inn.
Det siste kvarteret vart ikkje spennande men likevel god underhaldning. Spelet bølgja fram og tilbake, men det var Skodje som kom til dei største sjansane. 6 minutt på overtid sette så Stefan Aasen inn 2-4 redusering med kampen sitt siste spark på ballen.
Norborg vinn denne kampen fortent, men her var mykje rusk i maskineriet. Spesielt den første halvtimen var grusom med tanke på innsats og pasningskvalitet. Laget var ikkje til å kjenne igjen frå sist kamp. Etter kvart tok ein over spelet og viste at ein hadde meir kvalitet i lagdelane enn motstandaren.
Trenar Roger Grytten oppsummerer kampen slik. – Nervøs 1. omgang utan det store spelet. Etter pause opptrer vi som eit heilt anna lag og får kampen inn i vårt spor med ei tidleg scoring. Vi vinn til slutt fortent, men vi må heve oss til neste kamp.
Neste kamp for Norborg er heime mot FK Sykkylven torsdag 24. mai kl. 1830. Då må ein vere meir på hugget enn i dag.
Laget: Geir Roar Gamlem – Ole Marius Otterlei, Elling Mikal Kalvø, Kjell Terje Brusdal, Asgeir Kalvø (Torgeir Garshol, 40) – Ole Johan Urke, André Larsen (Kristian Søviknes, 75), Adrian Håbet – Alexander Eide (Hans Edvard Nordang, 54), Tarjei Urkedal (Trym Nyland, 84).
Kamphendelser:
2 min: Nesten for Norborg då Adrian kjem seg rundt på høgrekanten og siktar på Alecs framfor mål, men pasninga gjekk forbi lepsøyingen.
12 min: 1-0. Eivind Erstad scorer på kampens første sjanse då han sette inn eit innlegg frå høgre.
20 min: Alecs med godt skot frå 16m. Keeper redda til corner.
25 min: Adrian scorer, men annullert for offside.
32 min: Ole Johan fyrer av, men keeper og forsvar får til slutt gitt til corner.
32 min: 1-1. Elling Mikal header inn Urke sin corner.
37 min: Alecs legg inn, men Tarjei sette ballen over mål på reint Dirk Kuyt vis.
48 min: Urke skyt frå 17m, men rett på keeper.
53 min: 1-2. Adrian blit spelt fri av Tarjei. Avslutninga går mellom beina på keeper og i mål.
62 min: Eivind Erstad med stor sjanse. Sette ballen over, men vart han ulovleg hindra av ein norborgar? Nei, meinar dommar.
70 min: 1-3. Hans Edvard putter frå kloss hald etter innlegg av Torgeir.
73 min: 1-4. Adrian blir nok ein gong spelt fri av Tarjei. Sette ballen stolpen inn åleine med keeper.
78 min: Ole Særsten dribler og dribler og skyt til slutt utanfor.
83 min: Tarjei styrer eit innlegg like utanfor frå 8-10 meter.
86 min: Skodje med dobbel, eller var det trippelsjanse. Geir Roar er som ein levande vegg.
95 min: Erstad header eit innlegg utanfor.
96 min: 2-4. Stefan Aasen putter etter gjennomspel.
Adrian Håbet tok turen frå Leeds og scora to mål i sin første seriekamp for året.
