Norborg – Valder 0-0
Uggedal stadion, 23.08.12
Sjansar: 3-4
Cornere: 3-3
Sjansefattig kamp mellom to defensivt gode lag. Valder nærmast leiing før pause, Norborg hakket nærmast etter kvila då ein også vart snytt for eit straffespark.
Mange forfall hos begge lag og spesielt var nok saknet etter toppscorarane Kristoffer Søviknes og Adrian Blindheim.
Kampen opna i roleg tempo og mykje balltrilling. Henrik Hole Oksnes med første sjansen ti minutt ut i kampen, men han brukte nokre berøringar for mykje og fekk ikkje avslutta frå ti meter. Norborg med nokre spede skotforsøk før Elling Mikal Kalvø fekk den første sjansen etter frisparkinnlegg frå Christian Sæther. Headinga frå kloss hald gjekk ein meter utanfor.
Valder tok kraftig over det siste kvarteret då Norborg verka kjørt, men sleit med å skape sjansar. I omgangens sluttsekund er ein likevel særs nær mål og berre ei redning på strek av Asgeir Kalvø hindra mål.
Norborg kom best i gong etter kvila. Minuttet ut i omgangen heada Alexander Eide like utanfor etter ein god corner av Sæther. Alexander vart også snytt for straffespark då han tydeleg vart dratt ned i straffefeltet, men dommaren såg ikkje situasjonen. Omgangen var sjansefattig, men like før slutt fekk Valder sjansen til å stikke av med alle poenga. Heimelaget sin keeper Joakim Kjærstad var med på notane og redda avslutninga frå 14 meter. Dermed enda kampen 0-0. Eit rettvist resultat.
Vi må berømme Norborg sin innsats. Forsvaret hadde god kontroll og Steffen Grytten tok tak på midtbana med enorm duellvilje. Edvard Laverton må også trekkast fram for knallhard jobbing på topp og evna til å halde på ballen.
Neste kamp er borte mot Rollon torsdag kl. 1830.
Laget: Joakim Kjærstad – Asgeir Kalvø (Eivind Davik Fjørtoft, 69), Kjell Terje Brusdal, Elling Mikal Kalvø, Ole Johan Urke – Tarjei Urkedal, Christian Sæther, Steffen Grytten (Stian Myklebust, 77), Adrian Håbet – Alexander Eide, Edvard Laverton.
Kamphendingar:
8 min: Valder med eit godt angrep på høgresida, men Henrik Hole Oksnes brukar for mange touch når han var i god scoringsposisjon og Norborg får rydda unna.
20 min: Elling Mikal Kalvø headar like utanfor etter eit godt frispark av Christian Sæther.
24 min: Adrian Håbet driblar fleire mann, men får ikkje fart på avslutninga frå 16 meter.
45 min: Asgeir Kalvø reddar på strek etter heading på corner.
46 min: Alexander Eide headar ein corner frå Sæther like utanfor.
51 min: Stuss utanfor av Valder.
54 min: Eide dratt ned i straffefeltet. Klar straffe, men ingen reaksjon frå dommar.
69 min: Asgeir Kalvø blir skada og Eivind Fjørtoft blir kasta ut i det til sin første 4. divisjonskamp sidan 23. august 2007. Det blir nøyaktig 5 år sidan sist.
77 min: Steffen Grytten med krampe og blir erstatta med Stian Myklebust.
90 min: Valder med skot frå 14 meter. Joakim fint ute å reddar.
