Norborg – Ørskog 6-1 (3-1)
Uggedal stadion, 19.06.08
9 sjansar 3
2 cornere 2
1-0 Tarjei Urkedal (str. 6)
1-1 Sigve Rørstad (14)
2-1 Tarjei Urkedal (32)
3-1 Tarjei Urkedal (45)
4-1 Tarjei Urkedal (57)
5-1 Adrian Håbet (82)
6-1 Adrian Håbet (87)
Dommar: Torbjørn Eidhammer (Vestnes Varfjell)
Ass. dommarar: Zenun Murati (Giske) og Geir Ove Grønli (Kaupanger)
Laget: Geir Roar Gamlem – Elling Mikal Kalvø, Roger Grytten, Morten Kalvø, Kristoffer Søviknes (Ole Johan Urke, 62) – Adrian Håbet, Kristian Søviknes (Bee, 67), Steffen Grytten – Stein Erik Reitan 
(Øyvind Farstad, 71), Kim Idar Krogsethagen, Tarjei Urkedal (Edward Laverton, 80).
Norborg vann med utklassingssiffer over Ørskog, men det såg lenge ut til å bli ein langt jamnare kamp. Ørskog var best den første halvtimen, men då Norborg gjekk opp i 2-1 vart det etterkvart liten tvil kvar poenga skulle gå.
– Vi startar bra og eg føler det er særs urettvist at vi ligg under 3-1 ved pause. I 2. omgang er det total kollaps og vi gjer mange personlege feil, sa Ørskog-trenar Robert Sjøholt etter kampen.
Straffemål
Det var Ørskog som hadde spelet i starten av kampen, men det var heimelaget som tok føringa då dommar Torbjørn Eidhammer bles straffe for hands då olbogen til ein Ørskog-spelar søkte ball. Tarjei Urkedal sette straffa sikkert i mål. Lite ana han vel at dette skulle bli hans første av i alt fire mål denne kvelden.
Vakker utlikning
Ørskog fortsette å ha spelet etter målet. Bjørnar Kvamme får ein stor sjanse til å utlikne i det 12. minutt, men i spel 3 mot 2 skyt han svakt utafor. Eit par minutt etter får blåtrøyene si fortente utlikning då Sigve Rørstad klister ballen i krysset frå 17 meter. Vakker scoring frå unge Rørstad.
Effektive Norborg
Kampen jamnar seg ut og ingen av laga kjem seg til kvalifiserte målsjansar. Men så får Norborg til eit fint angrep. Ballen går raskt mellom Steffen Grytten, Adrian Håbet og til Kim Idar Krogsethagen som skyt frå 16 meter. Ørskog får blokker skotet, men typisk for eit lag som har opplevd motgong så går ballen til ein ledig Tarjei Urkedal. Han sette breisida til og styrer ballen inn ved lengste stolpe frå 15 meter. Dermed 2-1. I sluttminutta tek Norborg over og Krogsethagen er nær mål då han blir spelt igjennom av Urkedal, men skotet går utafor lengste stolpe. Norborg får likevel 3-1 til pausen, og nok ein gong er det Tarjei Urkedal. Han mottek ballen på 16 meteren og skyt hardt og kontant inne ved stolpen. Dermed 3-1 til eit effektivt Norborg-lag ved pausen.
Firling for Tarjei
Dryge ti minutt går det av 2. omgang før Tarjei Urkedal sette inn sitt fjerde mål då han utnyttar ei forsvarstabbe og sklir ballen i mål frå to meters hald. 4-1, og kamper er i realiteten kjørt. Det er lite som skjer dei neste 25 minutta. Norborg har full kontroll defensivt, men får lite til framover. Ti minutt før slutt vaknar kampen til liv igjen då Krogsethagen spelar i bakrom til Adrian Håbet, som rykker forbi oppassaren sin å sette ballen i mål via keeper Audun Sjøholt.
Norborg gjer som dei vil
Ørskog går opp i liminga og Edward Laverton får to store sjansar på eitt minutt, men fann ikkje nettmaskene. Det gjorde så Håbet for andre gong då han får god tid til å sikte frå 20 meter. Stolpe inn og 6-1. Dermed ei fin avslutning på kampen og fortent siger til Norborg.
Norborg fekk grep på kampen då ein la om til 4-4-2 midt i første omgang. Ein greidde då å utnytte dei store romma Ørskog gav frå seg på midtbana. Sjølve spelet var eit lite tilbakesteg frå kampen mot Ørsta, men dei knappe 80 tilskodarane kunne vel ikkje be om meir enn tre poeng og 6-1.
Best hos heimelaget var Tarjei Urkedal. Fire mål og knallhard jobbing seie sitt. Adrian Håbet er borte i store delar av kampen. Mykje grunna medspelarar som har skylappar. Etterkvart får også Håbet ballen og viser då kva som bur i han. Roger Grytten gjer nok ein gong solid stopparspel med si ro og blikk for spelet.
Dommar frå Romsdalen denne gong. Unge Eidhammer dømte særs godt saman med sine assistentar.
Neste kamp for Norborg er borte mot GuLars torsdag 26. juni kl. 19.
På notisblokka:
6 min: 1-0. Straffe til Norborg for hands. Tarjei sette ballen i eitt hjørne og keeper i det andre.
12 min: Bjørnar Kvamme fører fram i 3 mot 2. Skyt svakt utafor.
14 min: 1-1. Sigve Rørstad klinkar ballen i krysset frå 17 meter.
18 min: Farleg Ørskog-corner. Men Norborg får til slutt klarert.
32 min: 2-1. Tarjei breisidar inn mål etter flott angrep gjennom midtbana.
43 min: Kim Idar nær mål då han blir spelt igjennom av Tarjei.
45 min: 3-1. Tarjei skyt hardt og kontant i mål frå 16 meter.
57 min: 4-1. Tarjei sklir inn sitt 4. mål då han utnyttar ei forsvarstabbe.
82 min: 5-1. Adrian sette ballen i mål etter gjennomspel av Kim Idar.
85 min: Eddie heilt åleine på 20 meter, men brukar for lang tid og får skotet blokkert.
86 min: Eddie med ny sjanse. Avsluttar like utafor frå skrått hald.
87 min: Adrian skyt stolpe inn frå 20 meter.
