B.f.v: Ronald Søvik Olsen, Lars Alvestad Mikalsen, Anders Toven, Peder Uggedal Søvik, Andreas Beite, Adrian Andrukiewicz, Jesper Vos og trener Niklas Rekdal.
F.f.v. Torbjørn Grytten, assistenttrener Tarjei Gjerset Urkedal, William Jenssen Grytten, Jann Tore Søvik, Nicholas Akbar Kvammen, Oliver Gamlem, Markus Søvik Gunnarsson og Torgeir Vik.
Vi starta oppkjøringa til årets sesong inne i Norborghallen rundt midten av januar. Det var lite oppmøte i starten, så det vart jobba godt med å rekruttere i perioden framover. Første signeringa mi var Torbjørn Grytten, som eg har kjent sidan vi var 14 år. Seinare har vi fått inn nye/gamle spelarar, både med og uten fortid i klubben. Og aller viktigast har vi tatt opp unge spelarar fra eigne rekker! Mot slutten av januar hadde vi vår første trening ute i Uggedalen, då var vi oppe i 15 mann. Antallet på trening har vore varierande pga jobb, skule og skader. Men til tross for varierande oppmøte har vi hatt gode treningsøkter, med fokus på pasningsøvelser, bevegelsesmønster og litt ekstra springing. Dei yngre har fått tilbud om ekstra oppfølging, der vi har lagt ein plan i fellesskap, og blitt enige om egne utviklingsmål framover for kvar enkelt.
Vi fekk ein tøff start på kampane, men ser vi bak resultata, ser vi både progresjon og utvikling. Høgdepunktet så langt er derby-seieren mot Brattvåg2. Det var ei god ramme rundt kampen, med orange og svart bluss og masse publikum. Gutta gjorde jobben og sørga for årets første heimeseier. Fotballformann Lena serverte pizza på klubbhuset til kvelds. Noko vi alle sette stor pris på. Seinere har vi hatt litt stang ut, men jobber videre for å skape fleire gode og minnerike kampkvelder i Uggedalen!
For å få til det så må det jobbast hardt og målretta på treningane, sørge for god konkurranse om plassene og bygge videre på den gode lagånda som er i laget! Vi vil også bli mer samspilt utover sesongen, for vi må ikkje gløyme at vi starta litt fra scratch i januar.
Ønsker alle en riktig god fotballsesong og velkommen til Uggedal stadion for å støtte laget videre framover.
Trener Niklas Rekdal
