Sette Emblem på plass!
Emblem – Norborg/Brattvåg2 2-5 (1-3)
4. divisjon, Emblem stadion, 23.05.2019
Sjansar: 5-15
Cornere: 8-6
0-1 Magnus Austbø Seth (10)
1-1 Marcus Steffensen (27)
1-2 Ådne Hellandsvik (29) (video: Ådne scorer mot Emblem)
1-3 Magnus Austbø Seth (31)
1-4 Magnus Ansok Jenssen (57)
1-5 Magnus Ansok Jenssen (59)
2-5 Damian Alin-Constantin (73)
Heimelaget Emblem stod med tre strake sigrar, men Norborg/Brattvåg2 stoppa den sigersrekka og vann heile 5-2. Norborg.com var ikkje på stadion, men skal få ein rapport frå trenaren i løpet av kvelden.
-Sterk bortekamp. Vi er solide defensivt, skaper mykje offensivt og vi gjer ein ny solid innsats over heile fjøla. Etter at vi bruker dei første 15-20 min på å bli vant til underlaget så er vi solide kampen ut. Sigeren er aldri trua etter at vi sett inn 3-1, sa trenar Kristian Søviknes etter kampen.
Les meir
Bortekamp mot Emblem torsdag kl. 1830
Norborg/Brattvåg2 tek torsdag turen til Ebbemyra for å møte formlaget Emblem. Heimelaget har den siste veka hatt fine dagar på Ytre-Søre med 9-3 samanlagt over Larsnes/Gursken og Hødd2. Det ligg dermed an til ei spennande utfordring for Norborg, som naturleg nok ikkje vil ha med seg A-lagsspelarar frå Brattvåg sidan dei er inne i ei tøff periode med eit surt 1-2 tap eeo. for Kristiansund i kveld, og kamp mot den gamle storklubben Fredrikstad på laurdag. Likevel, gutane med treningskvardag i Uggedalen viste sist veke at ein kan spele jamt med dei beste i 4. divisjon då det vart 1-1 mot Valder.
Les meir
4. divisjon: Emblem banka Hødd2
I den utsatte kampen mellom Hødd2 og Emblem vann bortelaget heile 1-4 etter 0-1 ved pause. Hødd2 utlikna i 2. omgang, men i sluttminutta scora Damian Alin-Constantin 3 mål. Emblem fauk då opp på 3. plass på tabellen før møtet med Norborg/Brattvåg2 på torsdag.
Når alle laga har spelt fire kampar så er stillinga i vår tabellkonkurranse denne:
G9: Straffe-eldorado på Skodje
Norborg sitt G9 lag tok i dag turen til Skodje. I ein tett kamp vart det delt ut heile 7 straffespark. Her ser vi Felix Søviknes Urkedal sette inn det eine av dei.
Fotballens kveld i Uggedalen!
Onsdag inviterte Norborg til “fotballen sin kveld” i Uggedalen. Det vart nemleg spelt heile tre kampar denne kvelden. A-laget tok imot Valder på grasbana, medan Jenter 10 tok imot Brattvåg og Jenter 14 tok imot Hareid. I J14 kampen låg Norborg under 1-4, men snudde til 5-4 siger og har med det vunne 2 av 3 kampar.
Bilete frå Jenter 14 Norborg – Hareid.
Bilete frå Jenter 10 Norborg – Brattvåg.
Bilete frå herrekampen Norborg – Valder.
Øyacup 10. august
Årets Øyacup blir i år arrangert av HaNo på Nordøy stadion den 10. august. Norborg stilte i fjor både med dame- og herrelag og er invitert i år også. Frist for påmelding er 20. juni.
4. divisjon runde 4
Tre kampar vart spelt torsdag kveld og det vart målrike kampar. Volda banka nabo Ørsta heile 5-0 framfor 1000 tilskodarar og held fram på toppen av tabellen. Bergsøy vann med same siffer over Blindheim og held følge med Volda, medan kveldens overrasking kom på Gursken River Plate der gjestane Emblem vann heile 5-2 over Larsnes/Gursken. L/G har då tapt alle sine fire kampar og fått ein uventa tøff start på sesongen etter at dei signerte fleire sterke namn like før seriestart.
I går spelte Hareid og Rollon 0-0, Hødd2 vann 4-2 over SIF/Hessa, og som dei fleste kjenner til så vart det 1-1 i Uggedalen mellom Norborg/BIL2 og Valder.
Tabell
Stilling tabellkonkurranse runde 3
Norborg-keeper Ronald Olsen har inntatt teten i vår tabellkonkurranse for 4. divisjon når alle laga har spelt tre kampar. Her er som vanleg topp 10 av dei 45 deltakarane:
Neydson redda poenget mot Valder
Norborg/Brattvåg2 – Valder 1-1 (1-1)
4. divisjon, Uggedal stadion, 15.05.2019
Sjansar: 7-11
1-0 Ådne Hellandsvik (20)
1-1 Jonathan Mulelid (45)
Heimelaget kan seie seg mest nøgd med poengdeling i toppoppgjeret mot Valder og kan takke sin dyktige keeper Neydson Da Silva for at det berre vart eitt baklengs. Spesielt lynraske Andreas Kvam skapte store problem for Norborg på sin høgrekant og stod bak det meste Valder skapte. Norborg kjempa hardt og tok også leiinga på eit flott skot av Ådne Hellandsvik, som spelte sin første kamp etter opphaldet i USA. Jonathan Mulelid utlikna på overtid i ein underhaldande og open 1. omgang. I ein meir rotete 2. omgang skapte Valder dei fleste sjansane, men Norborg haldt unna og har stadig til gode å sleppe inn mål etter pause i år. Norborg har også til gode å tape ein heimekamp sidan 29. september 2017. På biletet ser vi Neydson på veg til å gjere ei av sine mange redningar.
Les meir..
Heimekamp mot Valder onsdag kl. 1830
Norborg/Brattvåg2 tek imot Valder til årets første graskamp i Uggedalen. Begge lag har fått ein bra start på sesongen og ligg på delt 2. og 4. plass. Det er dermed klart for eit nytt toppoppgjer for Norborg, som gjekk på eit bittert tap for Bergsøy sist veke. Valder på si side snudde 0-1 til siger over Larsnes/Gursken og har poenget meir enn dei oransje.
Norborg får tilbake Benjamin Rørhus, Ronald Olsen, Vidar Nilsen Rogne, Ådne Hellandsvik og Ole Johan Urke i troppen frå sist, men har usikre kort i Per Kristian Helle Hildre, Per Kristian Grytten Søvik, Siver Davik, Jesper Vos, Ruben Holmeset og Gard Rogne.
Valder har tradisjonelt vore ein gjengangar på øvste krinsnivå, men måtte ta seg ein tur ned å spele i 5. divisjon 2017. Etter å ha sikra seg KM-tittelen der kom ein på 8. plass i 4. divisjon i fjor. I vinter har laget henta heim ein del spelarar og bør sikte seg inn blant topp 4.
Det tok 33 år før Norborg fekk møte Valder i seriekamp. Det var i 2001, og sidan den gong har laga møttest jamleg. Dette blir det 19. møtet mellom laga og poenga har blitt delt broderleg med 25 poeng kvar (7-4-7). Som regel vinn heimelaget. Det håper vi skjer denne gong også.
Dommar: Jan Erik Bratteberg (Ørsta)
Assistentar: Kim Svensson (Aksla) og Ole Petter Stenberg (Sunnylven)
Andre kampar:
Hareid – Rollon (onsdag) B
Hødd2 – SIF/Hessa H
Larsnes/Gursken – Emblem (torsdag) H
Volda – Ørsta H
Bergsøy – Blindheim H
