Brattvåg til topps i dameklassa!

For første gong i historia vart det arrangert Øyacup for damelag. Fordi ikkje alle laga greie å stille med 11'ar lag vart det spelt 7'ar i staden. Til topps gjekk Brattvåg etter å ha slått HaNo 1-0 i finalen. Norborg sitt lag unngjekk sisteplassen etter å ha slått Harøy på straffesparkkonkurranse.

Norborg spelte i gruppe med Fjørtoft og Brattvåg og stilte med denne troppen: Silje Nogva, Terese Brusdal, Inger Ann Søvik, Henriette Johannessen, Linda Holmeset, Kine Æsøy Kvammen, Camilla Krogsethagen, Anne Marthe Søviknes og Frida Ahrens.

Jekyll & Hyde fotball

Norborg - Fjørtoft 2-8 (2-1)
1-1 Kine Æsøy Kvammen
2-1 Frida Ahrens

Fjørtoft tok tidleg leiinga i kampen, men så vakna Norborg å scora to mål før pause ved Kine Æsøy Kvammen og Frida Ahrens. Norborg gjorde ein god omgang og leia fortent. Etter pause fekk vi sjå eit heiltent Fjørtoft-lag som pressa Norborg tilbake på bana. Etter å ha produsert fleire store sjansar utan utteljing starta dei å score på alt. Måla rann inn og Norborg sine damer ønskte seg nok langt vekk. 7 mål på under 25 minutt skorte Fjørtoft sine damer. Flautt, meinte Norborgdamene.

Bra innsats mot vinnarane

Norborg - Brattvåg 1-3 (0-2)
1-2 Camilla Krogsethagen

Brattvåg tok tidleg leiinga i kampen og produserte fleire sjansar men dei skulle berre få eitt til før pause. Etter kvilen tok Norborg over spelet og Camilla Krogsethagen reduserte til 1-2. Norborg pressa på for å få utlikninga, men den kom aldri. I staden tok Brattvåg over spelet igjen og like før slutt auka dei leiinga til 3-1. Dermed vart det jumbofinale på Norborg sitt damelag.

Siger på straffer i jumbofinalen

Norborg - Harøy 2-2 (1-0), 3-2 på straffer
1-0 Camilla Krogsethagen
1-1 Monika Fitje
1-2 Monika Fitje
2-2 Camilla Krogsethagen

Norborg spelte ein god 1. omgang og leia fortent 1-0 til pause etter mål av Camilla Krogsethagen. Etter pause tok Harøy over kampen å scora to gongar. Det heile såg ut til å ende med tap for Norborg, men like før full tid kom Camilla Krogsethagen seg forbi Harøy sitt forsvar og scora sikkert. Dermed 2-2, og kampen gjekk til straffesparkkonkurranse. Linda Holmeset, Camilla Krogsethagen og Silje Nogva sette sine straffer sikkert i mål, og sidan Harøy bomma på eitt av sine tre forsøk vart det 5. plass på Norborg.

Bronsefinale: Lepsøy - Fjørtoft 1-0

Finale: HaNo - Brattvåg 0-1
Mål: Rita Nogva

Turneringa sin toppscorar: Rita Nogva (Brattvåg) og Julie Longva (HaNo). Begge med 6 mål.
Turneringa sin beste spelar (kåra av arrangørane): Elisabeth Longva (HaNo)

Bileter