Norborg året 2006 - del 1

Opp og nedturar vinter og vår 2006
2. januar møtte 29 spelarar opp til årets første A-lagstrening. På grunn av frost, stod joggetur til Terøya på agendaen. Ikkje uventa var det Tarjei Urkedal som vann mil-løpet.

Den nye trenaren Jan Egil var svært opplagt før den første treninga.


Treninga vart noko utsatt sidan "Babben" hadde store problem med å få på seg refleksvesten.

Spelte med Hødd!

Adrian Håbet hospiterte i januar på Hødd sitt Junior Elitelag på Color Line Cup.Dei to klubbane hadde lenge hatt ein dialog rundt den lovande 16-åringen. No ønskja spelarutviklar i Hødd Knut Ertresvåg, at Håbet skulle få prøve seg under Eliteturneringa til Aalesund FK, og dette var både Norborg og spelaren positive til. -Vi ser det som ei tillitserklæring til både spelaren, hans medspelerar og den jobben som blir lagt ned i vår aldersbestemte gruppe at Hødd fatter interesse i ein av våre sine spelarar. Dette bør være ein stor motivasjon både for den aktuelle spelaren og andre talent til å trene hardt framover, sa Norborg si sportslege leiing i ein kommentar. Adrian var for det meste innbyttar på Hødd, men kom inn å scora eitt mål mot Molde.

Sette ny klubbrekord!
Norborg starta kampsesongen med å vinne 5-2 over MSIL ein kald januardag i Brattvåg. MSIL tok leiinga, men Norborg kom sterkt tilbake og styrte det meste, spesielt etter pausen. Tarjei Urkedal fekk æra over å score oransjetrøyene sitt første mål dette året. Debutantane Lennart Holmem og André Larsen kom også på scoringslista.

Dette var starten på ei lang sigersrekke for oransjetrøyene. Vigra vart slått 2-1 og 6-0. Ambisiøse Stranda vart sendt av bana med 2-3 tap, Valder tapte 1-2 etter to seine mål av Lennart Holmem og Ståle Hurlen, medan GuLars vart rundspelt og slått 4-0. Dermed 6 strake sigrar, 22-6, og ny klubbrekord. Mange starta no å nemne Norborg som ein outsider til opprykksplassane i 4. divisjon.

Lennart var ein god tilvekst for Norborg og scora 8 mål på sin 6 første kampar.

Fire døde på veg til kamp
Fire unge Måndalen-supportarar omkom i ei tragisk bilulykke då dei skulle stad å sjå vinterseriekampen mellom Norborg og Måndalen 19. februar. Bilen dei kjørte fekk sladd og kræsja med ein trailer.

Juniorane feila
Norborg sitt juniorlag hadde store ambisjonar, men var ute av scoringsform og greidde ikkje å kvalifisere seg til 1. divisjon. I dei to første kampane tapte ein 3-0 for AaFK og 1-0 for Herd. Spesielt mot Herd burde ein ha scora mange mål, men den gong ei. 2-1 siger over Emblem ga likevel håp om plass i 1. divisjon, men då måtte ein sette Stranda på plass i siste kamp. Dette viste seg å vere svært vanskeleg, og etter 0-0 ved pause, måtte ein sjå seg slått 1-2. Dermed kom ein på ein skuffande 4. plass i pulja.

Juniorane sov i timen då ein skulle kvalifisere seg til 1. divisjon.

Jentene imponerte på Mørecup
Jentelaget tok seg til finale på Mørecup i Sunnmørshallen første helga i mars. Etter å ha vunne pulja si vart Herd slått på straffekonkurranse i semifinalen. Også i finalen måtte det straffekonkurranse til for å avgjere kampen. Her hadde Valder best kontroll på nervane og vann. Likevel, stor honnør til jentene.

Årets første tap
82 dagar ut i det nye året så tapte Norborg sin første kamp då Blindheim vart for sterke og vann 3-2. Kampen var jamspelt og kunne ha bikka begge vegar, men Blindheim var mest effektiv og avgjorde kampen fire minutt ut i 2. omgang. Dette var starten på ein svakare periode for oransjetrøyene. Ellingsøy vart rett nok slått 5-1 nokre dagar seinare, men det var óg einaste sigeren på 6 kampar.

Treningsleir i Danmark
Søndag 9. april kom Norborg sin store tropp fram til Løgstør i Danmark. Berre ein halvtime etter ankomst møtte samtlege på trening. Norborg disponerte tre baner av brukbar stand, men veret var surt. Herrelaget spelte to kampar i Danmark. Den første enda med 2-2 mot Sørumsand, medan ein måtte sjå seg noko ufortent slått 1-2 av IFK Hjo. Juniorane vann sin kamp 1-0 over Lillestrøm etter mål av Lars Petter Tennfjord. LP pådrog seg seinare i kampen ein alvorleg skade, som gjer at han framleis er å finne på sidelinja. Juniordamene var også med på leiren, men spelte ingen kampar.

Krenges vart meister i fotballboccia.




Frida og Camilla koser seg på kamp i Danmark.

..og Fredrik koser seg på trening...

Tarjei og Snesen nyttar tida til shopping...

Mona såg ut til å like maten i Løgstør.

18. april - Ein gledens dag!
Tysdag 18. april fekk vi beskjeden vi hadde gått å venta på. Steffen Grytten er kampklar igjen etter den alvorlege hovudskaden han drog på seg i ei bilulykke i fjor haust. 29. april var han tilbake i forsvaret i 4-1 sigeren over ÅVK. Sjølv utan oppkjøring vart Steffen raskt ei sentral brikke på Norborg-laget, og tok 2. plassen i konkurransen "Årets spelar 2006". Hausten 2006 var han den beste midtstopparen i 4. divisjon, og ei av årsakene til den sterke sesongavslutninga til oransjetrøyene.

Norborg og Steffen jubla over at han igjen var kampklar.

So nær, so nær
Norborg tapte sesongopninga mot Brattvåg med 1-2. Norborg gjorde ein sterk defensiv kamp på kunstgraset, og var også nærmast scoring i ein mållaus 1. omgang. Men så starta heimelaget å få marginane på si side. Eit innlegg frå langt hald frå Stian Hatlehol ga gultrøyene leiinga, og like etter mått banens beste Lennart Holmem, gå av bana med skade. Likevel, Norborg kom tilbake og utlikna ved Ståle Hurlen. Brattvåg tok etterkvart over kampen, men det heile gjekk mot uavgjort og eit sterkt bortepoeng for Norborg. Men så, i det klokka viste 90 minutt vart Martin Sundnes spelt fri og avgjorde kampen. Svært bittert for eit hardtkjempane bortelag. - Vi fekk ubalanse i laget då Lennart måtte ut. Vi hadde fortent poeng i dag, sa Norborg si lagleiing.

Svak vårsesong
Etter den gode vinteren vart forventingane til Norborg skrudd opp, men det vart tidleg klart at oransjetrøyene ikkje var eit lag som skulle kjempe om opprykk. Når juni månad var ferdig låg Norborg på 8. plass heile 9 poeng bak opprykksplass. Avstanden til botnlaget Herd var på berre 5 poeng. Tendensen var klar, tap borte og siger heime. Nøkkelspelarar ute av form og stor rotasjon i lagoppstillinga. Norborg behaldt likevel motet oppe, fordi ein slettes ikkje var underlegen i banespel sjølv om ein gjekk på stygge tap mot Blindheim og Stranda. Ting ville snu, det var berre eit spørsmål om tid.


Oppvaskmøte etter svak sesongstart...?

Gode juniordamer
Norborg sine juniordamer hadde ei flott utvikling gjennom vinteren og våren, og starta også serien flott med 9-2 siger over Rollon. Dette vart fulgt opp med 7-3 siger over Valder før møtet med den argaste motstandaren Brattvåg. Trass heilhjarta innsats vart det her 6-3 tap. Vårsesongen vart avslutta strålande med 11-2 over Ellingsøy. Trenarane Kristian Furnes og André Larsen haldt beina godt planta på jorda og kom med følgjande kommentar etter kampen; vi minner om tysdagens trening kl. 1730 i Søvikdalen. Statusen var då 4 sigrar og 2 tap på dei 6 første kampane. Camilla Krogsethagen stod med heile 16 mål på desse kampane.

Ingrid & juniordamene kunne vere godt nøgd med vårsesongen.

Jentelaget til 1. divisjon
Jentelaget kunne vise til sterke prestasjonar i vår, og krona det heile med opprykk til 1. divisjon. Jentene vann 4 og tapte 2, og kom på 3. plass i 2. divisjon.

Nina imponerte både på jente- og juniornivå i vår. Kampar på krinslaget fekk også Grytastrand-jenta.

Valsa over det meste
Norborg sitt herrar 7'ar hadde eitt mål for auget, KM-tittel. Første steg på vegen var å bli avdelingsvinnarar, og etter ein solid vårsesong med 5 sigrar og ein uavgjort var første steget praktisk talt i boks.

Audun leita fram fotballskoa sine og imponerte med stor målteft for 7'ar laget.

Jenter på juniorherrelaget
Juniorherrene sleit med få spelarar, og i toppkampen mot ViGo i slutten av mai måtte ein få hjelp frå juniordamene. Jannicke Gjerset, Sandra Larsen og Mona Kvammen stilte gladeleg opp for å hjelpe Tini & co. Diverre måtte juniorane sjå seg slått med 2-1.

Oppsummering av 2. halvdel av sesongen kjem Nyttårsaftenen.