|
5. divisjon
Sunnmøre 2008
Onsdag startar 5. divisjon
på Sunnmøre. Nordicbet har Emblem som favoritt til å
vinne divisjonen, men norborg.com har eit litt anna syn. Her er vårt
tabelltips.
1. Stordal: Har mista dyktige Jon Espen Joranger til Spjelkavik,
men med Holtleite, nokre Kikebøer og Overå på laget
så bør dette halde til opprykk. Petter Aksel Kirkebøe
og Jahn Magne Overå held høg klasse og skal terrorisere 5.
divisjonsforsvar. Rykte ned med minst mogeleg margin i fjor, er tilbake
i 4. divisjon neste år.
2. Skodje: Tek ein Vartdal og går strake vegen frå
6. til 4. divisjon på 9 månader. Har levert gode treningskampar
og har dyktige spelarar som Bjørnar Aure og Joackim Erstad. Held
Skodje hovudet kaldt gjennom heile sesongen blir det opprykk.
3. MSIL: Har blitt spådd opprykk i tre år sidan nedrykket
i 2004, men har feila med ein 5. plass og to bitre 3. plassar. Stian Hellevik
pøser inn mål og Kent Robert Sørheller er ein solid
stoppar. Har også rutinerte Roy Magne Sunde på laget. Har
slitt i vinter, men kjem til å kjempe om opprykk likevel i ein svak
5. divisjon. Men så var det dette med å prestere når
det gjeld då...
4. Hovdebygda: Gjorde ein middels sesong i fjor og enda på
6. Er litt styrka sidan då med bl. a. Espen Hove frå Stranda.
Har gjort det brukbart i treningskampar med blant anna sigrar over Vartdal
og Åmdal. Nærmar seg toppen, men tek ikkje steget opp.
5. Emblem: Tok 5. divisjon med storm etter opprykket i 2006 og
enda på 4. plass. Scora mange mål, men plukka også ut
mange av eige nett. Var av 6. divisjonsstandard då vi såg
dei mot Norborg. Då var laget heldige som slapp unna med 7 baklengs
i staden for 10-12. Vann over Ellingsøy nokre dagar seinare så
det må likevel bu noko i laget. Har eit flott anlegg og nokre brukbare
enkeltspelarar som Steffensen med fortid i Spjelkavik. Henger med på
øvre halvdel i år også, men er for svak defensivt til
at det blir opprykk.
6. Ellingsøy: Gjorde ein svak fjorårssesong og redda
plassen takka vere ein sterk sluttspurt med sigrar over Skodje og Vartdal.
Er hakket betre i år, men ikkje gode nok til å kjempe heilt
i toppen.
7. Harøy: Rykte opp etter kvalik. i fjor og greier overgongen
til 5. divisjon lett. Har ein tynn stall og må unngå skader
på sentrale spelarar som toppscorar Stian Harnes og forsvarsgeneral
Toralf Ervik. Litt plaga med at enkelte skal ut på sjøen.
Kan slå alle på ein god dag.
8. Åmdal: Greidde seg godt etter opprykket med 5. plass i
fjor. Unngår nedrykk i år også.
9. Sæbø: Tapte KM-tittelen i 6. divisjon for Norborg2
i fjor. Har enkelte gode spelarar som toppscorar Marius Riise og Espen
Frøland. Slit mot temposterke angriparar og spørsmålet
er om forsvaret held mål. Det blir ein kamp mot å unngå
nedrykk.
10. Blindheim2: Medan 1. laget vil slite i 3. divisjon, så
vil 2. laget slite i 5. div. Blir nok gode i skuleferien, men er dette
nok til å stå i divisjonen?
11. FK Sykkylven2: Rykte egentleg ned i fjor, men fekk gratisplass.
Har mista nokre rutinerte 1. lagsspelarar. Dersom desse vil henge med
og trimme på 2. laget, så kjem dei til å gjere dette
tipset til skamme...
12. Ravn: Botnstrid i fjor og endå verre i år. Har
mista Tore Nedrevoll til Brattvåg. Knut Egil Lid var på veg
til Norborg, men fann ut at det var best å halde seg i Ravn. Har
eit ungt lag og er i ein liknandes situasjon som Norborg var i 1997/98.
Det vart mange tap. Det blir det for Ravn også.
Vårt tabelltips med Nordicbet sin odds:
1. Stordal 5.00
2. Skodje 5.00
3. MSIL 5.00
4. Hovdebygda 5.00
5. Emblem 3.25
6. Ellingsøy 5.00
7. Harøy 50.00
8. Åmdal 35.00
9. Sæbø 75.00
10. Blindheim2 100.00
11. FK Sykkylven2 100.00
12. Ravn 100.00
|