|
Vurdering
og odds 3. divisjon Sunnmøre 2008!
Måndag tjuvstartar
2. laga til Hødd og AaFK 3. divisjon Sunnmøre. Divisjonen
har ein like stor favoritt i år som i fjor då favoritt Skarbøvik
innfridde og rykte opp. Bak 1. plassen ser det ut til å bli jamnt
og opent der alle slår alle. Her er norborg.com sitt tabelltips.
AaFK 2. lag: Dersom Aalesunds FK vil ha eit 2. lag i 2. divisjon
så får dei det, og sidan 1. laget ser ut til å stå
betre rusta i årets Tippeliga kan ein satse litt meir på 2.
laget. Problemet kan vere at ein del av "stjernene" ofte har
liten motivasjon til å spele for 2. laget. Likevel, AaFK2 er på
papiret det sterkaste laget i divisjonen og bør toppe tabellen
når 22 kampar er gjennomført.
Brattvåg: Er svakare enn på same tid i fjor, men blir
likevel å finne i toppen. Medan ein på vårsesongen i
fjor hadde nærmast dobbel dekning, har ein no problem med å
stable 11 gode spelarar på beina. Kristoffer Hildremyr har gått
til Molde, Frank Dalhaug har lagt opp og Lennart Holmem er ute for sesongen
med skade. Synd, for Lenny hadde noko stort på gong. I tillegg til
Holmem er ein rekke andre spelarar også på skadelista. Nokren
av dei skal likevel vere tilbake i løpet av nokre veker. Har fått
inn Jan Egil Ulla (HaNo) og Tore Nedrevold (Ravn). Ulla har bra rutine,
medan Nedrevold kan bli bra når han blir vant med nivået.
Trass alle problema i vinter trur vi gultrøyene blir å finne
i toppen.
Langevåg: Dei gule og blå er i ein heilt anna situasjon
no enn på same tid i fjor. Laget tapte då dei fleste treningskampane
og låg sist i divisjonen dei første serierundene. Etterkvart
betra det seg og Langevåg plukka nok poeng til å ta ein respektabel
7. plass. Laget har trent godt sidan Kim Bjørge tok over laget
i november og blir eit topplag. Mykje kondisjonstrening skal gi betre
løpskapasitet på midtbanen der ein før var for stilleståande.
Har levert gode treningskampar, men opprykk blir det likevel ikkje.
Hareid: Hadde ein overraskande god sesong i fjor og tok 4. plassen.
Fekk toppscorar Ronny Jørgensen skada i vinter og dermed fekk opprykkshåpet
eit skot for baugen. Har henta inn nokre Hødd2-spelarar og har
ein jamnt god stall. Vil dermed vere med i toppen i år også.
Hødd 2. lag: Har ein sterkare A-stall enn i fjor, men skal
også ut i fleire kampar på eit tøffare nivå.
Kjem til å stille med eit ungt lag, men her er masse talent og laget
har levert gode resultat i treningskampane. Blir å finne i toppen
dersom ein unngår skadeproblem.
Volda: Har mista Kim Bjørge og Jan Fredrik Bjørntvedt,
men har fått inn nokre spelarar frå Ørsta. Stallen
er nok av omtrent same kvalitet som i fjor og laget tek nok ein ny plass
rundt midten.
FK Sykkylven: Har eit ungt lag som nok kjem til å vere ustabile.
Spennande spelarar i Eirik Kampenes og Damien Cruz, men har mista fleire
av dei rutinerte i fjor. Nokon plass heilt i toppen blir det ikkje for
FKS, men bør unngå botnstrid. Likevel bør ein forvente
meir av klubben som dekker heile Sykkylven kommune med sine 7500 innbyggjarar.
Spjelkavik: Blir spennande å sjå kva taktikar Stig
Johansen kan få til i Spjelkavik, som har hatt ein nedadgåande
trend dei siste åra. Har mista mange spelarar frå i fjor,
men også henta inn mange. Jonny Vattøy og Finn Alvestad har
begge gått til SIF og vil bli sårt sakna. Det same vil Kai
Birger Myrold bli. Har bl. a. fått inn midtbanegeneral Tommy Larsen
(Herd), Stordal sin Jon Espen Joranger, et par keepere og Gudmundur Gudjonson
(SIF/Godøy). Totalt har 10 mann kome inn døra. Sidan Spjelkavik
ikkje har 2. lag så spørs det om alle blir verande til hausten.
Plasseringsmessig trur vi det blir som i fjor for Vika.
Rollon: Sleit på vårparten i fjor, men ein sterk haust
sikra opprykk. Har gode spelarar som Kenneth Ove Sunde, Kim Haagensen,
Johan Strand og Fredrik Ytterlid og unngår ein skader på desse
bør det bli ståplass. Ein plass på øvre halvdel
trur vi likevel ikkje det blir for dei kvite og blå.
Valder: Redda plassen grunna god borteform i fjor. Har nokre gode
enkeltspelarar som brødrene Oksnes, Steffen Elde og ikkje minst
Tom-Gøran Jønsson. Når desse fungerar i lag blir blåtrøyene
vanskelege å slå, men så langt oppe på tabellen
trur vi likevel ikkje Valder kjem. Mister i tillegg nokre spelarar etter
hausten. Nok eit år med ryggen mot veggen for Valder.
Godøy: Vann alle heimekampane i fjor og plukka nok poeng
borte til at ein sikra 2. plassen. Har gode spelarar som Svein-Arve Alnes,
Trond Brynestad og Daniel Vartdal, men er dette nok til å stå
i divisjonen? Slapp inn få mål i fjor, men har hatt store
problem defensivt i vinter. Ei midtbane som heller vil ta offensive løp
i staden for defensive byr på problem. Må finne balansen til
seriestart. Kjem nok til å vinne 5-6 kampar, men dette held diverre
ikkje meir enn til 11. plass og må då håpe at SIF står
i 2. div. og vinnaren av denne divisjonen rykker opp.
Blindheim: Heldige som ikkje rykte ned i fjor. No er flaksen over
og Blindheim må ta turen ned. Storscorar Terje Ottersen har gått
til SIF og fleire av dei gode spelarane som førte BIL opp i 2006
bur andre stader i landet no og spelar berre av og til. Nedrykk for Blindheim.
Tabellen: (Nordicbet sin odds i parantes)
1. AaFK2 (2.75)
2. Brattvåg (2.65)
3. Langevåg (30.00)
4. Hareid (2.60)
5. Hødd2 (13.00)
6. Volda (30.00)
7. FK Sykkylven (75.00)
8. Spjelkavik (45.00)
9. Rollon (30.00)
10. Valder (75.00)
11. Godøy (140.00)
12. Blindheim (150.00)
|