|
Vurdering
5. divisjon
Onsdag skal 5. divisjonslaga
på Sunnmøre ut i sin første kamp. Ein divisjon som
ser svakare ut enn på fleire år. Berre eitt lag ned frå
4. divisjon i fjor, samstundes som Brandal trakk laget sitt frå
divisjonen, gjer sitt til det. MSIL er den store opprykksfavoritten etter
gode resultat i vinter, medan det blir særs jamt og spennande om
den 2. opprykksplassen.
1. MSIL - Rota vekk opprykket i fjor, men har lettare motstand no,
og bør gå mot ein jubelsesong. Gode resultat i treningskampar
med blant anna sigrar over 4. divisjonslaga Stranda og Ørskog,
og siger i si vinterseriepulje. Har gode spelarar som Geir Harald Eikrem,
Kent Robert Sørheller og Hallvard Westad. Opprykk i debutsesongen
som A-trenar for unge Vegard Eikrem.
2. Vigra - Midt på treet i fjor, men med berre eitt lag ned
i frå 4. divisjon, og svekka Skodje og Ellingsøy, så
trur vi Erlend Holm sine disiplar tek den 2. opprykksplassen. Amund Hjelle
vil styre forsvaret, medan Stig Rune Sætre vil stå for måla
etter at Kenneth Kjevik har gått til Valder.
3. Emblem - Nyopprykka lag som vi trur kan overraske. Hadde lite
bryderi med å rykke opp i fjor. Har nokre spelarar med rutine frå
høgare divisjonar og satsa hardt med treningsleir i utlandet tidlegare
i vår. Har likevel variert noko i resultat denne vinteren, men vann
vinterseriepulja si. Riktig nok mot 6. div.-lag. Vi trur Emblem blandar
seg inn i toppstriden, men må sjå seg slått av Vigra
og MSIL.
4. Ellingsøy - Hadde ei sterk avslutning på fjoråret
og krabba seg då opp til ein 5. plass. Får seg kunstgrasbane
i løpet av sesongen. Noko som kan gi laget eit løft. Har
slitt i treningskampane og gått på stortap mot Norborg, MSIL
og Emblem, men også slått Vigra. Leverte også ei godkjent
Vårcup-turnering på Rogne sist helg. Kjem til å variere
i resultata.
5. Ravn - Redda seg frå nedrykk i fjor med ein 9. plass.
Sjølv om Eivind Grøtt Ulla har forlatt laget så tyder
ting på at Harams-laget skal bli tabellmessig betre. Har fått
Eivind Erstad frå Skodje. Dette er ein nykomar som styrkar laget.
Spesielt med gode dødballar. Har elles bra spelarar i Knut Egil
Lied, Tore Vadset Nedrevold, Jørn Helge Heggelund og Christopher
Urkedal. Har variert i treningskampane med alt frå tap for 6. divisjonslag
og siger over 4. div-lag. Får seg kunstgrasbane i løpet av
sesongen, og kjem seg då bort i frå det som må vere
ei av dei dårlegaste grasbanene på Sunnmøre. Visst
ikkje den gamle grasbana er eit middel for å nå toppen då...
Så om ikkje Jørn & co. skadar seg på dugnad, kan
dette bli ein flott sesong for Vatne-/Tennfjord-laget.
6. Hovdebygda - God på nett, men sportsleg går det
verre. Sleit voldsamt i fjor og mista då til slutt sine fremste
spelarar i keeper Nilsen og spiss Viddal til Volda. Har i tillegg mista
Hovden til Ørsta og Johannessen til Herd. Har ikkje fått
inn særleg anna enn spelarar som har hatt pause nokre sesongar.
Soleklart nedrykk i fjor, men fekk med seg ein fin skalp mot Brattvåg.
Har nokre gode og rutinerte spelarar som Runar Gretland, Bjørnar
Ingebrigtsen, Jan Egil Gretland og Jo Martin Aasen. Held desse seg skadefri
greier Hovdebygda ein plass på øvre halvdel.
7. FK Sykkylven2 - Tek sine fleste poeng heime. Slik har det alltid
vore for FKS2 og slik blir det i år også. Vi trur FKS2 blir
best av 2. laga i divisjonen.
8. Spjelkavik2 - A-stallen har mista mange spelarar sidan i fjor
sommar. Dette vil nok påverke 2. laget, men vi trur kvaliteten er
god nok til at Spjelkavik2 kjempar om ei plassering rundt midten av tabellen.
9. Blindheim2 - Nok eit 3. divisjonslag med 2. lag i 5. divisjon.
I følgje Harøy-supportarar nytta BIL2 ein del 1. lagsspelarar
på 2. laget sitt i fjor. Satsa då hardt på opprykk,
og vil nok satse på å halde plassen sin i divisjonen. Det
trur vi dei gjer. BIL sitt førstelag er i tillegg styrka før
sesongen, og vi ser ikkje bort i frå at dette laget kan gjere tipset
vårt til skamme.
10. Vartdal - Rykte eigentleg ned i fjor, men fekk plassen til
Brandal då dei trekte seg. Har variert i treningskampane, og vi
tvilar på at laget skal gjere det så mykje betre enn i fjor.
10. plass og nedrykk.
11. Skodje - Eit lag i sterk motgang. Med det befolkningsgrunnlaget
Skodje har, så burde ein hatt lag i minst 4. divisjon. Men slit
no med å i det heile stille lag. Har mista spelarane som førte
dei til 4. plass i fjor. Var då svært sterke heime, men svak
borteform hindra opprykk. Denne sesongen trur vi det blir ein kamp for
å overleve. Har fått ein del spelarar til å gjere comeback,
men også spelarar på det heller svake 7'ar laget kjem til
å figurere på dette laget. Kan dette verkeleg gå bra?
Nei, trur vi. Men lag har overraska positivt før.
12. Åmdal - Norborg møtte Åmdal i 4. divisjon
2003. Åmdal var då enormt effektive på heimebane og
vann 6-4. På Uggedal grus gjekk det langt verre. Då tok Norborg
hevn med 6-0 siger. Laget vann 6. divisjon avd. 2. Gjekk gjennom sesongen
utan heimetap, og var divisjonens gjerrigste lag saman med Bergsøy2.
Offensivt var det likevel mange som var betre. Har slitt i treningskampane.
5. divisjonstabellen blir då sjåande slik ut:
1. MSIL
2. Vigra
3. Emblem
4. Ellingsøy
5. Ravn
6. Hovdebygda
7. FK Sykkylven2
8. Spjelkavik2
9. Blindheim2
10. Vartdal
11. Skodje
12. Åmdal
|