Kaupanger – Norborg 7-2 (3-2)
Treningskamp, Sognahallen, 20.03.05
9 sjansar 8
10 hjørnespark 5
0-1 Edward Laverton (14)
1-1 Frode Kvam (19)
1-2 Eirik York (35)
2-2 Roger Vedvik (39)
3-2 Preben Strypet (45)
4-2 Preben Strypet (60)
5-2 Preben Strypet (66)
6-2 Preben Strypet (70)
7-2 Jørn Skjeldestad (83)
Dommar: Tommy Skjerven (Kaupanger) – 20
Spelarpoeng:
3 poeng: Tarjei Urkedal
2 poeng: Stein Erik Reitan
1 poeng: Eirik York
Laget: Kurt Erik Grytten (Bjørnar Engeset, 82) – Christian Søvik (Knut Ivar Bjørlykhaug, 67), Kristian Søviknes, Steffen Grytten, Asgeir Kalvø – Adrian Håbet (Martinus Grytten, 67), Eirik York, Stein Erik Reitan (Jan Even Drønnesund, 82), Tarjei Urkedal – Edward Laverton (Eivind Fjørtoft, 67), Geir Ove Grønli
Sjansemessig jamn kamp, men Kaupanger viste seg som eit langt meir effektiv lag enn Norborg. Sunnmøringane opna kampen klart best og burde ha leia langt meir enn 2-1 når 35 minutt var passert. Etter dette tok kreftene slutt og sogningane leika seg til ein komfortabel 7-2 siger.
Terje Skjeldestad & co. fekk sjå at Norborg opna denne kampen svært bra og pressa 3. divisonslaget Kaupanger tilbake på bana. Allereie før minuttet var gått kom den første store sjansen då Edward Laverton snappar ballen frå keeper, men diverre finn ikkje avslutninga nettmaskene.
Straffebom
Nororg fortsette å styre kampen, og etter 7 minutt blir den tidlegare Kaupanger-spelaren Geir Ove Grønli felt. Grønli tek sjølv straffa mot sine tidlegare lagkameratar, men diverre går ballen i stolpen. Nokre minutt seinare får Kaupanger til ei bra kontring. Ballen blir slått framføre mål der ein sogning får avslutta frå 5 metern, men Kristian Søviknes står på strek å redda.
Tatt ut av “Drillo” si lærebok
Etter knappe kvarteret slår Christian Søvik eit perfekt framspel til Edward Laverton som dunker ballen i nota til 1-0. Ei svært fortent leiing på dette tidspunktet, og eit angrep “Drillo” hadde vore nøgd med. Etter denne gode opninga av Norborg startar ein å gjere enkle feil i forsvar, og etter 20 minutt blir ei dårleg avklaring snappa opp å skote i mål til 1-1.
“Babb” kanon
Etter at halvtimen er passert startar igjen oransjetrøyene å skape sjansar. Først får Tarjei Urkedal ein stor sjanse, men keeper reddar. Nokre minutt etter får Eirik York ballen ute ved sidelinja midt på banehalvdelen. “Babb” fyrer av og ballen får ei perfekt boge over keeper og ned ved lengste stolpe til det som mogeleg er årets mål. Nokre minutt seinare får Tarjei ein ny sjanse til å score, men aleine med keeper blir avslutninga for svak.
Norborg raknar
På slutten av omgangen fell Norborg saman som eit korthus. Omkring 5 minutt før pause scorar Kaupanger på eit gjennomspel og nokre sekund før halv tid greier ikkje Norborg å klarere og ein KIL spelar dunkar inn 3-2.
Positiv omgang
Ser vi vekk ifrå dei siste 5 minutta spelte Norborg ein glimrande omgang. Spelarane jobba godt, ein fekk til fine kombinasjonar og ein skapte bra med sjansar mot eit lag som blant anna vann 4-1 over Stranda dagen før. Totalbiletet vart likevel øydelagt av rufsete forsvarsspel og personlege feil på slutten.
Enkelt for effektive Kaupanger
Etter pause var Kaupanger det beste laget mot eit Norborg-lag som fekk tyngre og tyngre bein. I frå timen og ut starta grøntrøyene scoringsshowet. Først vart det 4-2 på eit skot frå 20 meter, så 5-2 på eit frispark som vart slått hardt inn i feltet. 6-2 målet kom etter fint spel der ein kom seg ned til kortlinja og slo 45 grader ut, mens 7-2 kom etter rot i Norborg-forsvaret og ein KIL-spelar får putte frå kloss hald. Innimellom desse måla noterte Tarjei seg for nok ein stor sjanse, men dette var ikkje dagen da “bonden” skulle lykkast. På opent mål avslutta han nemleg utafor. På slutten av kampen hadde Kaupanger ein stor sjanse, men debutant Bjørnar Engeset ryddar opp i samarbeid med Jan Even Drønnesund.
Mareritt omgang
2. omgang utvikla seg som eit mareritt for Norborg. Med slitne bein vart ein løpt fra av raske og fysisk sterke Kaupanger-spelarar. Sogningane viste også ein utruleg effektivitet framfor mål. På 5 sjansar i 2. omgang scora dei nemleg 4 mål.
Det var ingen på Norborg som utmerka seg spesielt kampen sett under ett, men Tarjei Urkedal jobba godt kampen igjennom og får bestemannsprisen. Stein Erik Reitan og Eirik York viste også mykje bra før pause, men vart anonyme etter kvilen.
Sprenger skalaen
Kampen vart dømt av FIFA-dommar Tommy Skjerven. Om han er det berre ein ting å seie; steike bra dømt! Han var oppi situasjonane gjennom samtlege 90 minutt og viste god speleforståing. På vår normale skala frå 1-10 gir vi han 20!
