Norborg/Brattvåg2 er krinsmeistrar i 5. divisjon

Norborg/Brattvåg2 spelte 3-3 mot Stranda i sin siste bortekamp for året og vart krinsmeistrar ettersom Blindheim tapte for Langevåg. Sjølve kampen mot Stranda var ikkje like solid som vi har vore vande med i haust. Stranda hadde gjort heimeleksa si og passa godt på spiss Magnus Austbø Seth, samstundes som dei slo til med raske angrep. Eit mål vart det likevel på Seth, som no har scora i 8 strake kampar. Heile tre gongar var Stranda i føringa, men Norborg/BIL2 sine spelarar skal ha honnør for god moral med å kome tilbake kvar gong. Poengdeling var eit greit utfall i ein kamp Norborg hadde ballen mest, men Stranda hadde like mange sjansar. Stranda er dermed det einaste laget Norborg ikkje har slått i år sidan kampen i Uggedalen enda med 4-4. Jesper Vos var Norborg sin beste spelar med to mål og fleire gode involveringar etter at han entra bana ti minutt før pause.
Les meir..

 

På tide å slå Stranda


Norborg/Brattvåg2 tek torsdag turen til Stranda til sin siste bortekamp for året. Vi har mange gode minner frå Stranda stadion. Det var her vi i 2003 tok vår første siger i 4. divisjon på 20 år, og det var her vi i den 17. serierunda i 2008 vann 1-4 og krabba opp på 2. plass bak nettopp Stranda. Norborg vart seinare krinsmeister i 4. divisjon, medan Stranda sprakk og ramla ned til 4. plass i ein særs jamn divisjon. Norborg vann divisjonen på betre målskilnad enn Herd og Bergsøy. Stranda var to poeng bak. Norborg vann også 0-3 i april 2010 etter to mål av Ole Johan Urke og eitt av Geir Ove Grønli, men det er også den siste sigeren Norborg har over Stranda. Tre uavgjorte i Uggedalen og eit 2-1 tap på Stranda er behaldninga, samt eit bittert tap i NM-kvalifiseringa etter ekstraomganger i 2011. Det er på å tide å vinne!
Les meir

5. divisjon runde 21

Då er det klart for nest siste runde i 5. divisjon. Spenninga er på Color Line Stadion på onsdag då Guard tek imot Herd2, ein kamp heimelaget må vinne for å komme à poeng med Herd2 i kampen om å unngå nedrykk.

Guard – Herd2
Dei to siste serierundene skal normalt spelast samtidig, men denne kampen er eit unntak og spelast onsdag medan resten av runda går torsdag. Dette er ein skikkeleg botnkamp. Guard må vinne, medan Herd2 reddar plassen med uavgjort. Vårens møte enda med 3-0 til Guard. Herd har redda plassen i 3. divisjon og kjem nok til å stille sterkt til denne kampen. Vi trur det enda med ein solid bortesiger.
Les meir

5-målsshow av Seth

Magnus Austbø Seth vart kampens store spelar då han scora heile fem mål i 8-1 sigeren over Hovdebygda. Norborg/Brattvåg2 tok tidleg leiinga ved Per-Stian Alvestad, men sleit lenge med rytmen i angrepsspelet før Seth vakna og putta to det siste kvarteret av 1. omgang. Kristoffer Søviknes og Tarjei Urkedal auka til 5-0 før Markus Håndlykken reduserte til 5-1 midtvegs i 2. omgang. I løpet av kampens siste tjue var det igjen klart for Seth med tre nye mål. Han tangerte dermed Kenneth Gamlem og Cato Longva sine 5 mål i ein kamp. Cato sine 5 kom for øvreg også mot Hovdebygda.
Les meir..

Heimekamp mot Hovdebygda torsdag kl. 19

Norborg/Brattvåg2 tek torsdag kl. 19 imot Hovdebygda på Uggedal kgb. Heimelaget er allereie klar for opprykk, men ønsker å halde Blindheim bak seg i kampen om krinsmeisterskapet. Det bør dermed vere full tenning mot 5. plasserte Hovdebygda.

Norborg får tilbake Tarjei Urkedal frå sist kamp, medan Thomas Aarsund og Jesper Vos er ute med skader. Gard Rogne er usikker til kamp på grunn av ein liten skade og har ikkje trent den siste veka. Kristoffer Søviknes har ei høggravid kone og kan gå ut av troppen når som helst.

Hovdebygda er kjent for Ivar Aasen, flyplass og Side Brok. Fotballen har det gått opp og ned med, slik det som regel gjer i mindre bygder. Vi må likevel kunne seie at Hovdebygda er vårt andre favorittlag i år. Dei har nemleg slått Langevåg i begge sine kampar, samt vunne den eine dei har spelt mot Blindheim. Dei la i tillegg alt til rette for Norborg med å spele heimekampen sin på ei stor grasbane i staden for ei lita kunstgrasbane. Med det mannskapet Norborg stilte i den kampen, så passa det utmerket og ein kunne reise heim med 3-0 siger.

Før vårkampen forventa vi at Hovdebygda var eit dunk og drus lag, men det var dei absolutt ikkje. Her var det mykje kjæling med ball. Kva taktikk dei vel denne gong er ikkje godt å seie, men Norborg/BIL2 har eit godt nok lag til å takle begge typar fotball. Daniel Malakzadeh er lagets toppscorar med 13 mål.

Dommar: Kristoffer Nevstad (Aksla)
Assistentar: Thomas Johan Olsvik (Rollon) og Joachim Killingmo (Spjelkavik)

Norborg har hatt eit godt tak på Hovdebygda og har sidan hausten 2003 vunne 6 av 6 med 28-5 i målskilnad. Er Norborg fokusert, så skal denne rekka utvidast.

Tidlegare kampar Norborg-Hovdebygda:

2018: x-x / 3-0
2011: 4-1 / 8-0
2006: 2-0 / 4-1
2003: 3-4 / 7-3
1982: 1-0 / ?-?
1976: 2-2 / 1-4
1974: 0-2 / 1-2

5. divisjon runde 20

Det nærmer seg slutten på årets 5. divisjon. Spenninga i toppen tok ein endeleg slutt sist veke då Norborg/Brattvåg2 feira opprykket etter siger over Langevåg, og samstundes sørga for at Blindheim er 98% sikker på 4. divisjonsspel i 2019. I botnen er det langt meir opent, og laga her ventar også spent på onsdagens kampar i 3. divisjon mellom Spjelkavik og Rilindja og Herd-Ullern. Sigrar sunnmørslaga her, så blir det etter alle solemerker berre tre lag ned frå 5. divisjon. Vi har sett litt på kampane i 5. divisjon si runde 20.

Les meir

Sigra i Langevåg – klar for 4. divisjon!


Norborg/Brattvåg2 kunne sleppe jubelen laus etter 90 minutt med kjemping i øsende regnver på Langevåg KGB. Magnus Austbø Seth sitt mål i det 27. minutt var nok til å ta tre poeng mot eit heimelag som gjorde det vanskeleg for dei oransje. – God prestasjon mot ein god motstandar. Vi gjennomfører igjen solid å gjer den jobben vi skal gjere. Deilig å avgjere opprykket tre runder før slutt, og føler det er særs fortent med tanke på det vi har gjort denne hausten. Spelarane har stått på og prestert prima. Nå gjenstår det tre kampar og dei skal brukast til å sikre KM-tittelen, sa trenar Kristian Søviknes.
Les meir..

Andre resultat:
Ellingsøy – Blindheim 0-3
Blindheim gjorde jobben mot Ellingsøy og har 8 poengs forsprang til Langevåg med 9 poeng å spele om. 
Sæbø – Fjørtoft 4-3
Det vart diverre tap i  denne “must win” kampen for Fjørtoft. Har no meir enn ein fot i 6. divisjon med fem poeng opp til trygg grunn.
Skodje – Volda2 2-0
Stranda – Guard 6-0
Hovdebygda – Herd2 2-2
Tabell

Toppkamp mot Langevåg


Torsdag kl. 1830 tek Norborg/BIL2 turen til Langevåg for sin første matchball i kampen om opprykk. Med siger er opprykket i boks og laget kan kose seg i dei tre siste kampane. Kos har det likevel vore mykje av i haust med tanke på dei mange storsigrane. Kampen mot Langevåg blir annleis enn dei andre. Medan ein i haust har fått vore dominant i alle faser av spelet, så er Langevåg av eit anna kaliber og vil både forsøke, og vere i stand til å gjere noko produktivt med ballen.
Les meir