God innsats på inne-KM
- Norborg1 vidare med glans!

Begge Norborg sine lag leverte ein solid innsats under det innleiande spelet av Rica Parkett Cup for menn, som vart Sunnylven IL var dyktige arrangørar av. Norborg1 tok seg lett vidare til sluttspelet i Voldahallen om to veker, medan det unge Norborg2 skapte mykje frustrasjon for langt meir rutinerte lag.

Norborg1 med full pott!

Tropp: Geir Roar Gamlem, Kim Idar Krogsethagen, Kristian Søviknes, Adrian Håbet, Lennart Holmem, Stein Erik Reitan, Steffen Grytten, Ståle Hurlen og Tarjei Urkedal.

Tabell henta frå sunnylven.no

Hildre - Norborg1 0-10
0-1 Tarjei Urkedal (5 min), 0-2 Adrian Håbet (6), 0-3 Lennart Holmem (7), 0-4 Adrian Håbet (8), 0-5 Ståle Hurlen (17), 0-6 Kim Idar Krogsethagen (22), 0-7 Ståle Hurlen (23), 0-8 Kim Idar Krogsethagen (24), 0-9 Ståle Hurlen (25), 0-10 Stein Erik Reitan (28)

Det tok litt tid før Norborg greidde å finne vegen til nettmaskene mot eit defensivt og hardtarbeidande Hildre-lag, men når ein først sprengte nullen, så kom det fire raske. Likevel, Norborg sleit i periodar med å omsette sjansar i mål, og det var ikkje før i dei siste minutta at det igjen raste på med mål. Hildre hadde også sine sjansar, blant anna to gongar aleine med keeper Geir Roar Gamlem, men sistnemnde stod glimrande.

Norborg1 - Ravn 7-3
1-0 Lennart Holmem (5), 2-0 Ståle Hurlen (9), 3-0 Steffen Grytten (11), 3-1 Heggelund (13), 3-2 Dalhaug (14), 4-2 Steffen Grytten (17), 5-2 Steffen Grytten (22), 6-2 Lennart Holmem (26), 7-2 Lennart Holmem (27), 7-3 Gjøsund (28)

Norborg gjekk opp i ei komfortabel 3-0 leiing mot nabo Ravn, men to raske frisparkmål ga kamp igjen for ei lita stund. Men Norborg har større breidde i sin tropp, og etterkvart som kamp gjekk kom styrkeforhaldet meir og meir til syne. Steffen Grytten og Lennart Holmem putta to mål kvar dei siste ti minutta før Arnfinn Gjøsund fastsette sluttresultatet til 7-3 nokre sekund før slutt. Tidvis bra kamp av Norborg der ein gjorde det viktigaste og fekk med seg tre poeng.

Norborg1 - Skarbøvik 5-3
1-0 Ståle Hurlen (3), 2-0 Kim Idar Krogsethagen (5), 2-1 ? (9), 2-2 ? (11), 2-3 ? (13), 3-3 Lennart Holmem (16), 4-3 Steffen Grytten (21), 5-3 Tarjei Urkedal (27)

Norborg1 rekna sjølvsagt SIF som sin argaste konkurrent i denne gruppa, og med tre poeng her skulle mykje gå gale om det ikkje vart avansement. Norborg1 styrte frå start av og gjekk opp i 2-0 leiing før fem minutt var spelt etter mål av Ståle Hurlen og Kim Idar Krogsethagen. Men så sette SIF inne ei stygg takling på Lennart Holmem, og i dei minutta han låg skada på sidelinja putta SIF tre gongar. Så entra ein småforbanna og innbitt Lennart bana igjen, og i eit slikt humør er han som dei fleste veit ustoppeleg. Knappe 20 sekund gjekk før han smelte inn utlikninga. Norborg1 styrte no kampen, og då SIF fekk keeperen utvist kunne det berre gå ein veg. Steffen Grytten dunka inn 4-3 på slutten av overtalsperioden, medan Tarjei Urkedal punkterte kampen like før slutt. 5-3, og fortent siger.

Norborg1 - HaNo 4-3
1-0 Kristian Søviknes (1), 1-1 ? (3), 2-1 Kim Idar Krogsethagen (4), 2-2 ? (6), 3-2 Steffen Grytten (23), 4-2 Adrian Håbet (24), 4-3 ? (26)

Norborg tok leiinga allereie etter ca. 45 sekund av denne kampen ved Kristian Søviknes, og det utan at HaNo hadde fått vore nær ballen. Gleda varte likevel ikkje lenge, og HaNo kvitterte to minutt seinare på frispark. Kim Idar Krogsethagen var svært uenig i frisparket som førte til mål, og tok dermed saka i eigne hender og ordna 2-1 på eit såkalla aggresjonsmål. Men HaNo kom nok ein gong raskt tilbake. Fire mål og flott spel på dei første 6 minutta vart etterfølgt av eit kvarter med svært lite underhaldning. Norborg trilla ball, medan HaNo låg kompakt på eigen halvdel. Fem minutt før slutt fann så Norborg endeleg opninga i HaNo-forsvaret, og Steffen Grytten og Adrian Håbet putta to mål på eitt minutt. Eit par minutt før slutt ga HaNo litt spenning i kampen igjen, men Norborg hadde kontroll og vann fortent. Dermed gjekk ein vidare med full pott, og ifølgje turneringsleiar Steinar Hjelle, det einaste laget utan kort.

Feiande flott turnering av Norborg1 der ein hadde få problem med å ta seg vidare til sluttspelet. Det som skil Norborg frå dei andre laga er to jamnsterke firarar og ingen svake punkt. Målet bør no vere semifinaleplass. Eit skår i gleda er at Lennart Holmem vart skada i ankelen, medan Steffen Grytten blir borte finalehelga.

Desse scora for Norborg1

Stor vilje av Norborg2

Norborg2 stilte med ein redusert tropp og dermed med berre 6 utespelarar og 1 keeper. Dei som tok turen til Stranda viste imidlertid stor innsats og var nær ved å ta fleire skrellar.

Tropp: Trond Elstad, Knut Ivar Bjørlykhaug, Kjell Terje Brusdal, Edward Laverton, Elling Mikal Kalvø, Kristian Furnes og Ole Johan Urke.



Norborg2 - Blindheim 2-8
1-0 Edward Laverton (7), 1-1 ? (8), 1-2 ? (10), 1-3 ? (11), 1-4 ? (16), 2-4 Kristian Furnes (24), 2-5 ? (26), 2-6 ? (26), 2-7 ? (27), 2-8 (28)

Jamne opningsminutt før Edward Laverton ga Norborg leiinga over det nye 3. divisjonslaget. Blindheim kom likevel raskt tilbake og på tre minutt hadde dei snudd kampen til 3-1 leiing. Norborg ga likevel ikkje opp, og var slettes ikkje underlegne Blindheim dei første 25 minutta. Men på slutten var Norborg sine spelarar svært slitne og Blindheim tok til slutt ein komfortabel 8-2 siger.

Skodje - Norborg2 4-5
0-1 Knut Ivar Bjørlykhaug (1), 1-1 ? (3), 2-1 ? (7), 2-2 Edward Laverton (11), 3-2 ? (12), 4-2 ? (15), 4-3 Knut Ivar Bjørlykhaug (21), 4-4 Ole Johan Urke (24), 4-5 Knut Ivar Bjørlykhaug (26)

Norborg tok leiinga allereie i opningsminuttet ved Knut Ivar Bjørlykhaug, men Skodje kom seg til hektene og snudde kampen. Halvvegs ut i kampen leia dei 4-2 mot unghynane frå Norborg. Men då sette Norborg opp tempoet og viste godt spel dei siste ti minutta. To mål av Knut Ivar Bjørlykhaug og eitt av Ole Johan Urke gjorde at Norborg2 kunne juble for tre poeng.

Norborg2 - Spjelkavik 4-5
0-1 ? (5), 0-2 ? (9), 0-3 ? (10), 1-3 Elling Mikal Kalvø (12), 1-4 ? (16), 2-4 Ole Johan Urke (25), 3-4 Kristian Furnes (26), 4-4 Edward Laverton (27), 4-5 ? (28)

Vi frykta det skulle bli stortap då Spjelkavik gjekk opp til 3-0 leiing ti minutt ut i kampen, men slik skulle det ikkje gå. Elling Mikal Kalvø reduserte til 1-3 før Spjelkavik på ny gjekk opp i 3-målsleiing. Nokre minutt før slutt sette Norborg eit skikkeleg støkk i Spjelkavik då Ole Johan Urke, Kristian Furnes og Edward Laverton scora tre raske. Men tre sekund før slutt greidde Spjelkavik å avgere kampen til sin fordel. Likevel, imponerande innsats av Norborg, og med litt meir rutine hadde ein nok greidd å dratt i land eitt poeng.

Norborg2 - Sunnylven 3-5
0-1 ? (5), 0-2 ? (9), 1-2 Kjell Terje Brusdal (10), 2-2 Kjell Terje Brusdal (11), 3-2 Kristian Furnes (13), 3-3 ? (15), 3-4 ? (23), 3-5 ? (27)

Sunnylven trengte siger for å ha sjanse til å gå til sluttspelet, og tok også ei oppskriftsmessig leiing. Men Norborg var fullt på høgde med arrangørlaget, og det var fortent då ein snudde kampen til 3-2 etter to mål av Kjell Terje Brusdal og eitt av Kristian Furnes. Norborg fortsette å rundspele Sunnylven og hadde fleire stolpeskot. Men Sunnylven har effektive spelarar og etterkvart som Norborg-spelarane vart slitnare og slitnare avgjorde ein kampen til sin fordel. Mykje bra spel av Norborg i denne kampen der ein hadde Sunnylven på gyngande grunn, men diverre fekk ein ikkje ballen i mål på opplagte sjansar. Litt meir rutine i slike situasjonar (klart fleirtal av midtstopparar på dagens Norborg2) så hadde nok Norborg tatt alle poenga.

Alle på Norborg2 skal vere stolte over lagets og sine eigne prestasjonar idag. Mykje speleglede og humør gjorde at dette vart ei positiv turnering.

Desse scora for Norborg2

Hildre - årets publikumslag

Hildre var turneringa si store overrasking med sigrar over både HaNo og Ravn. Etter 0-10 for Norborg1 i første kamp spelte ein seg opp mot Skarbøvik og begrensa tapet til 1-6. Hildre sitt mål vart scora av Amund Terøy. Men så sette Hildre igang med festfotball. Mot HaNo førte ein heile kampen og leia ei stund 5-2, før HaNo kom tilbake og utlikna nokre minutt før slutt. Men Hildre ga seg ikkje og avgjorde kampen med dryge minuttet igjen å spele. Amund Terøy (3), Geir Magne Grande (2) og André Larsen scora måla. I siste kamp møtte ein Ravn i kampen om 3. plassen i gruppa. Her viste Hildre seg som det beste laget og vann 7-4 etter mål av Kristian Fjørtoft (3), Amund Terøy (2) og André Larsen (2).


Amund Terøy (t.v.), Kristian Fjørtoft og André Larsen kosa seg etter sigeren over HaNo.


Norborgarane slappa av med kortspeling i pausene mellom kampane.


Kjell Terje Brusdal gjennomførte ei flott turnering for Norborg2

Elles takk til Sunnylven IL for ei flott turnering.