Jentene imponerar på Norway Cup

So langt har jentene overraska positivt med innsats og tæl og gjort alle tips om tidleg heimreise til skamme. Særleg kampen mot det samansette rekrutterings-laget til Amazon Grimstad (Amazon/Froland) var imponerande. Rett nok var det slett ikkje ufortent at sørlandsjentene vann, men med litt flaks kunne Norborg-jentene greidd 1-1. Manager Lars la opp til defansiv kontroll for å halde nullen og satsning på kontringar, dette gjekk lenge svært bra og spelarane jobba knallhardt og gjennomførte taktikken glimrande. Til slutt fekk Amazon/Froland inn eit mål, men då hadde frustrasjonen breidd seg både mellom spelarane og ikkje minst på benken der utbrota frå trenaren vart meir og meir voldsomme og vassflasker fauk rundt om. Like før slutt, akkurat då Norborg skulle til å satse hardt framover for å få ei utlikning, kom ein baklengsmål til og vi kunne sjå at sørlendingane vart frykteleg letta. Når kampen var slutt jubla nok dei oransje like mykje som Amazonene frå sør... Etter kamp var det rett tilbake til hotellet før dei fleste tok turen til Tusenfryd for ei skikkeleg avkobling.

No er det derimot full fokus på "lokaloppgjeret" mot Blindheim i dag kl. 13:30...

Helsing
-Noralf-


Målscorarane Nina og Randi


Manager Lars som gir sine siste taktiske instruksar før kamp.