Nyheiter

Comeback-gutta sørga for siger!

Det var “gamlekara” som sørga for måla då Norborg/Brattvåg2 vann 3-0 over Ellingsøy på Uggedal stadion torsdag kveld. Elling Mikal Kalvø, André Larsen og Kjell Terje Brusdal har alle gjort comeback på A-laget i år, og samtlege markerte seg i kveld med mål. Brusdal fekk sette inn 3-0 målet på straffe og avslutta dermed si måltørke på 193 A-kampar for Norborg. Vertane tok leiinga før to minutt var spelt då Elling Mikal Kalvø fekk tuppa ballen opp i nettaket etter ein corner. Norborg pressa på det neste kvarteret og kom seg til nokre gode sjansar utan resultat. Kampen gjekk so inn i ei blindgate med svak fotball frå begge lag. Norborg hadde god kontroll defensivt, men burde skapt meir offensivt. Minuttet før ordinær tid roa André Larsen nervane då han runda keeper og sette ballen i tomt mål. På overtid vart Ruben Holmeset felt av keeper og kaptein Brusdal fekk sette inn sitt første mål i den oransje trøya.
Les meir..

5. divisjon: Blindheim vann 10-0

Blindheim slo til med ein 10-0 siger over Sæbø og haldt dermed på tabelltoppen. Sæbø på si side gjekk til botn på tabellen ettersom Fjørtoft greidde 0-0 borte mot Volda2. Herd2 gjekk på eit nytt tap då Skodje vann 1-2 på Moa. Stranda vann 1-0 over Hovdebygda og har dermed haldt nullen i tre heimekampar på rad. Norborg/Brattvåg2 har haldt nullen i tre kampar på rad då Ellingsøy vart sendt heim med 3-0 i sekken. Onsdag kveld vann Langevåg 3-1 over Guard på Color Line Stadion.

Tabell

Norborg med utfordringar før torsdagens heimekamp


Norborg/Brattvåg2 tek torsdag kl. 1830 imot Ellingsøy til årets første graskamp i Uggedalen. Heimelaget har vore i god form den siste tida og har krabba seg opp på ein 2. plass, men før kampen mot Ellingsøy har laget utfordringar. – Ja, vi kan kome til å mangle ein del spelarar i denne kampen, men eg kan love at vi stiller med 11 mann, seier trenar Kristian Søviknes.
Les meir

5. divisjon: 6. serierunde

Guard og Langevåg sparkar i gong den 6. serierunda i 5. divisjon på Color Line Stadion i kveld kl. 20. Guard overraska sist veke med ein 5-0 bortesiger over Skodje, medan Langevåg endeleg fekk smaken på tre poeng etter 5-1 over Stranda. Vi trur Langevåg fortsette å kjenne på den smaken. B.

Resten av runda spelast slik i morgon:
Les meir

Tor Grande vinnar av tippekonkurransen!

Tor Grande vart trekt ut som vinnar av tippekonkurransen vi hadde i høve lokaloppgjeret mot Fjørtoft. Han prikka inn 3 av 4 spørsmål, slik ein del andre også gjorde. Premie vil bli levert over helga.

5. divisjon: Norborg/Brattvåg2 opp på 2. plass

Norborg/Brattvåg2 avanserte frå 5. til 2. plass på tabellen etter bortesigeren over Fjørtoft. Skodje gjekk på sesongens første tap då Guard reiste frå Skodje med heile 5-0 i bagasjen, medan Herd2 stod for den største overraskinga då dei tapte 4-1 for Ellingsøy. Langevåg tok årets første siger då Stranda vart slått 5-1. Sæbø leia 3-1 til pause, men måtte til slutt sjå seg slått 4-5 av Hovdebygda etter eit overtidsmål.

Resultat 5. serierunde:

Blindheim – Volda2 4-0
Sæbø – Hovdebygda 4-5
Ellingsøy – Herd2 4-1
Langevåg – Stranda 5-1
Skodje – Guard 0-5
Fjørtoft – Norborg/Brattvåg2 0-2

Tabell

Tippekonkurranse!

Onsdag 16. mai kl. 1915 er det klart for det første seriemøtet mellom Fjørtoft og Norborg sidan 19. september 1998. Den gong enda det med 10-0 til Fjørtoft. Vi trur ikkje på reprise, men kva trur du? Bli med på vår konkurranse og tipp utfallet av dei fire spørsmåla under. Det blir trekt ut premie til ein av dei som har svart flest riktig. NB! Maks eitt forslag per person.

Tippekonkurransen er avsluttet. 41 stk. har levert inn forslag. Ingen fekk 4 rette, men heile 12 stk. fekk 3 rette. Vi vil trekke ein vinnar blant desse tolv i løpet av 17. mai.  

Sigra på Fjørtofta

Under strålande tilhøve på den nyopprusta Fjørtoft stadion tok dei oransje med seg alle poenga tilbake til fastlandet. Det var lenge stillingskrig, men så scora Norborg/Brattvåg2 to mål på kort tid ved Kristoffer Søviknes og Magnus Austbø Seth. Fjørtoft la trykk på gjestane gjennom heile 2. omgang, men den oransje forsvarsmuren hadde god kontroll og let aldri heimelaget skape skikkeleg spenning.
Les meir..

Norborg-kampar veke 22

Måndag 28. mai kl. 1830 Norborg G19 – Bergsøy
Tysdag 29. mai kl. 1830 Norborg 7-ar – Valldal
Torsdag 31. mai kl. 1830 Skodje – Norborg

Instagram

  • God stemning når Kjell Terje Brusdal skåra sitt første Norborgmål og Andre Larsen leika inn et mål. @ellingkalvo starta showet som endte med 3-0 siger mot Ellingsøy.

#oneteam #5div #threeinarow #siger #godevenner #friends #firsttimekjellismakinggoal

Følg oss!

5. divisjon

PosKlubbP
1Blindheim15
2Norborg/Brattvåg213
3Skodje11
4Volda210
5Stranda10
6Langevåg9
7Ellingsøy8
8Guard7
9Herd27
10Hovdebygda7
11Fjørtoft2
12Sæbø1