Nyheiter

Trekning scoringsklubben!

Det har blitt trekt ut tre vinnarar av scoringsklubben:

  1. premie til verdi 3000,-: Per Kristian Stavik
  2. premie til verdi 2000,-: Stein Erik Reitan
  3. premie til verdi 1000,-: Marius Dulgheru

Vi gratulerer!

Volda rykte opp – Hareid redda plassen

Volda tapte i dag 3-4 for Kristiansund2, men rykker likevel opp etter å ha vunne 2-0 i Kristiansund sist helg og dermed 5-4 samanlagt. Vi gratulerer Volda med opprykket! Vi gratulerer også Hareid med fornya kontrakt i 4. divisjon. Hareid var for øvreg det einaste laget i 4. divisjon Sunnmøre som ikkje tok poeng mot dei forhatte 2. laga i divisjonen. Så endeleg var det eit 2. lag som ikkje øydela for Hareid.

Poeng mot Hødd2 og Norborg/Brattvåg2

Tabell utan 2. lag

Abelseth spelte mest!

Tor Abelseth, til høgre i biletet, spelte 1973 av dei totale 1980 mogelege minutta i årets 4. divisjon, og var den på Norborg/Brattvåg2 som spelte mest. Eit motvilleg byte sju minutt før slutt i heimekampen mot Bergsøy i august gjorde at midtstopparen ikkje fekk æra av å spele samtlege minutt. Gard Sæterøy Rogne spelte nest mest med sine 1841 minutt, medan Kjell Terje Brusdal spelte tredje mest med 1558 minutt. Totalt var det 37 spelarar som fekk speletid. Her er den komplette lista.

Joakim Barstad vart den mest effektive spelaren med 1 mål på 62 minutt. Magnus Austbø Seth brukte 98 minutt per mål. Seth vart også toppscorar for Norborg/Brattvåg2 med 11 mål på 12 kampar. Han fortsette å score mål også i Trøndelag med 4 mål på 7 kampar for NTNUI i 4. divisjon.

Vann over Hareid og sikra plassen

Norborg/Brattvåg2 vann 2-1 borte over Hareid i siste seriekamp og enda dermed på den sikre 8. plassen i 4. divisjon. Norborg/BIL2 leverte ein solid kamp utan å glitre i kveld. Hareid gjekk aggressivt til verks og tok også leiinga 1-0 tidleg i kampen då Kim André Alvestad var frampå etter at keeper Neydson Da Silva glapp den sleipe ballen etter eit hardt frispark inn framfor mål. Da Silva ville ha frispark i situasjonen, men snakka for døve ører. Hareid ville mest og jobba knallhardt det første kvarteret, men gradvis tok gjestane over og halvvegs ut i omgangen heada Akseli Kalermo ein corner frå Simen Hagbø kontant i nota. Etter pause hadde Norborg/BIL2 kontroll defensivt og skapte nokre sjansar ved Alexander Jonassen og Tor Abelseth før Fredrik Hurlen steig til vers å heada inn eit legg frå Emil Solnørdal ti minutt før slutt. Norborg/BIL2 hadde full kontroll i sluttminutta og var nærmare eit tredje mål enn Hareid var utlikning. Vi gratulerer laget med ein solid kamp og ståplass i divisjonen.
Les meir..

Ronald Søvik Olsen til topps i tabellkonkurransen!

Ronald Søvik Olsen frå Søvika er tippekongen av 4. divisjon Sunnmøre. Han fekk heile 22 poeng og var dermed 4 poeng framføre Are Bjørgum. Ronald får førstehjelpspakke og pledd i frå Vatne/Tennfjord Røde Kors. Vi gratulerer!

Vi fekk inn 45 tabelltips. Her er dei 26 beste:

Poengjakta avsluttast på Hareid

Fredag kl. 1830 barker Hareid og Norborg/Brattvåg2 saman i den siste seriekampen for i år. – Det mest keisame som er i fotballen er å ligge midt på tabellen utan noko å spele for, sa Tom Nordlie for nokre år sidan. På Hareid blir det alt anna enn keisamt. Begge laga treng mest truleg poeng. Hareid helst tre, Norborg/BIL2 er sikra plass i neste års 4. divisjon med uavgjort.

Norborg har hatt eit godt tak på Hareid og har ikkje tapt sidan oktober 2013. I den kampen hadde Norborg spelet og dei fleste sjansane, men Hareid scora fem mot Norborg sine null. I etterkant vart Norborg i Sunnmørsposten skulda for å ikkje ville rykke opp i 3. divisjon (noko vi til slutt gjorde). Sist veke vart ein skulda for å faktisk ville gjere ein innsats for å stå i 4. divisjon då ein auka antallet av Brattvåg sine innbytarar i 2. divisjon frå 2 mot Volda til 7 mot Hødd2. At motstandaren auka frå 2 mot Larsnes/Gursken til 6 mot Norborg/BIL2 var ikkje så nøye for Sunnmørsposten. Truleg rekna dei Brattvåg sine innbytarar som langt betre enn Hødd sine, og det er jo positivt. Vi var i alle fall vitne til ein rettvis og god 4. divisjonskamp på Høddvoll.

Sidan tapet i 2013 har ein slått Hareid seks gongar og spelt ein uavgjort. Held denne rekka fram så er plassen sikra, men Hareid er i god form og blir ingen enkel motstandar. Dei har slått Blindheim 2-1 og Larsnes/Gursken 5-2 på sine to siste kampar. Det har tatt dei forbi Emblem og Ørsta på tabellen og til å ha alt i eigne hender. Dei scorar normalt ikkje mykje mål, men er godt organisert og slepp inn få. På eige gras så er det berre dei to topplaga som har sleppt inn færre. Den tidlegare Hødd-spelaren Ruben Kenneth Brandal er hjerna i laget og også toppscorar med 9 mål.

Troppen til Norborg/Brattvåg2 er ikkje klar endå, men av dei som var med mot Hødd2 sist så er Ole Johan Urke, Niklas Rekdal og Victor Pedersen uaktuell. Thomas Aarsund, Marius Fylling Rogne og Anders Toven er igjen aktuelle for spel.

Vi håper mange tek turen til Hareid denne fredagen for å støtte samarbeidslaget. Det er viktig at Haram har eit lag i 4. divisjon også neste år.

Dommar: Daniel Refsnes (Herd)
Assistentar: Henrik Pettersen Sunde (Baune) og Viktor Lillebø Rongve (SIF/Hessa)

 

Volda sikra KM-tittelen i 4. divisjon

Volda vann i kveld 4-3 over Bergsøy og sikra dermed KM-tittelen og retten til å spele kvalifisering for spel i 3. divisjon mot Kristiansund2. Vi gratulerer!Norborg/Brattvåg2 sin plass vart ikkje sikra sidan Hareid vann 5-2 over Larsnes/Gursken. Ørsta tapte 1-5 for Valder og vart passert av Hareid på tabellen. Rollon vann 1-0 borte over Blindheim og avanserte til 3. plass. SFK har truffe særs godt med siste serierunde. Då spelast Hareid-Norborg/BIL2 og Emblem-Ørsta. Kampane spelast fredag 25. oktober kl. 1830.

Nedrykksstriden:
8. Norborg/Brattvåg2 38-44  24 poeng
9. Hareid 24-34  23 poeng
10. Ørsta 54-67  22 poeng
11. Emblem 36-57  22 poeng
12. Blindheim 19-57  9 poeng

3 lag rykker ned til 5. divisjon om Herd rykker ned frå 3. divisjon og Volda ikkje rykker opp til 3. divisjon. 2 lag rykker ned om eit av laga Herd eller Volda spelar 3. divisjon 2020. Berre Blindheim rykker ned om både Herd og Volda spelar i 3. divisjon 2020.

SIF/Hessa sikra plassen

SIF/Hessa vann i kveld 5-3 borte mot Emblem og er dermed sikra spel i neste års 4. divisjon. Emblem på si side må slå Ørsta for å vere sikra plass og unngå å bli Herd- og Volda-supportarar seinare i haust. Det starta veldig bra for Emblem som leia 2-0 når 13 minutt var spelt, men ti minutt seinare stod det 2-2. SIF/Hessa scora endå ein gong før pause og leia på det meste 2-5.

Juniorane vann siste kamp

Det var ikkje berre herrelaget som tok ein sterk siger måndag kveld. Juniorane avslutta sesongen med 5-4 over titteljagande Spjelkavik på Brattvåg stadion. Per-Kristian Helle Hildre vart den store helten med sine tre mål. Adrian Bjørlykke og Sander Tharaldsen scora dei andre måla for samarbeidslaget Brattvåg/Norborg/Harøy. Laget enda på 5. plass i 1. divisjon G19. Per-Kristian Helle Hildre vart for øvreg toppscorar i divisjonen med 16 mål. Vi gratulerer!
Tabell


november 2019
mandag tirsdag onsdag torsdag fredag lørdag søndag
28. oktober 2019 29. oktober 2019 30. oktober 2019 31. oktober 2019 1. november 2019 2. november 2019 3. november 2019
4. november 2019 5. november 2019 6. november 2019 7. november 2019 8. november 2019 9. november 2019 10. november 2019
11. november 2019 12. november 2019 13. november 2019 14. november 2019 15. november 2019 16. november 2019 17. november 2019
18. november 2019 19. november 2019 20. november 2019 21. november 2019 22. november 2019 23. november 2019 24. november 2019
25. november 2019 26. november 2019 27. november 2019 28. november 2019 29. november 2019 30. november 2019 1. desember 2019

Instagram

  • Sigeren lar vente på seg, nytt forsøk torsdag heime mot Sif/Hessa.

#lokaletalent #4div #unghyner

Følg oss!

4. divisjon

PosKlubbP
1Volda30
2Bergsøy29
3Hødd 222
4Norborg21
5Rollon20
6Valder19
7Larsnes/Gursken17
8Skarbøvik/Hessa15
9Ørsta14
10Emblem14
11Hareid11
12Blindheim3
Weather Icon

Sponsorar: