|
Om
Norborg 2. lag
Norborg stille for første gong i historia med 2. lag i seriesystemet.
Ettersom ein har problem med å stille 11 juniorar til ein kvar
tid, valde ein å droppe juniorlag og stille 2. lag i 6. divisjon
i staden. Då får også dei over junioralder, men som
slit med å få speletid på a-laget, eit tilbod. Norborg
har elles satt seg som mål at dersom det er mogeleg skal 10 spelarar
i junioralder få starte på enten 1. eller 2. laget kvar
veke.
Styrke:
Stå på vilje
Løpsstyrke
Lagspel
Norborg2 har vist seg som eit arbeidsvilleg og løpssterkt lag
som har brakt mykje problem for sine motstandarar. Mykje fin fotball
med godt pasningsspel og flotte kombinasjonar. Fleire av spelarane har
vore under trenar Kristian Søviknes sitt regime sidan dei var
14-15 år. No er dei i slutten av tenåra og klare for seniorfotball.
Svakheiter:
Ingen typisk goalgetter
Til tider tynn stall
Norborg2 har ingen typisk goalgetter, men har likevel scora bra med
mål i treningskampane. Om saknet etter ein som scorar 15-20 seriemål
vil bli tydeleg i løpet av sesongen gjenstår å sjå.
Norborg sitt 1. lag har hittil brukt 28 ulike spelarar (vi tek då
ikkje med dei som var på prøvespel). Alle desse held bra
6. divisjonsnivå. Likevel, i enkelte posisjonar er ein noko tynt
besatt, og vil i løpet av ein lang sesong få problem.
Vårt tips: 6. plass
Norborg2
vil skape problem for dei fleste laga i divisjonen med si løpsstyrke.
Spelarane trenar saman med 4. divisjonslaget og dei fleste har også
sjølv mange kampar bak seg på det nivået. Dette gjer
sitt til at Norborg2 nok greie å halde eit betre tempo enn mange
av dei andre laga. Har imponert i eit par av treningskampane, men vil
nok variere noko gjennom sesongen. I treningskampane har en også
tatt med 2-3 spelarar som har starta for 1. laget kampen før.
Dette får ein ikkje i 6. divisjon.
Vårt Norborg2-minne: Uggedal grus, 14. mars 2007. Norborg2
sette rekordsiger for seniorlag på Uggedal grus denne kvelden
då Tomrefjord vart feid av bana med 9-0. Vi fekk her sjå
herlege angrep og flotte tekniske detaljar. Spesielt 2. omgang var som
tatt ut av læreboka. Ole Johan Urke scora heile 4 mål. Amund
Terøy 2, medan André Larsen, Bee og Martin Grytten scora
kvar sitt.
|