|
Om
Harøy
Harøy IL sitt fotballag vart først innlemma i Romsdalsserien,
men etter 1973 sesongen vart dei mørkeblå overført
til Sunnmøre. Gjennom 1960-talet og fram til 1974 spelte Harøy
stort sett i den gongs 4. divisjon. På starten av 70-talet opplevde
klubben sine sterkaste år med to 3. plassar. Overføringa
til Sunnmøre vart tøft for harøyingane og det enda
med nedrykk første året. I 1976 var ein igjen tilbake i
4. divisjon, men også denne gong enda det med nedrykk. Sidan har
ein aldri kome seg opp på dette nivået.
Klubben har dei siste 30 åra variert mellom 4. og 6. divisjon
etter dagens seriesystem. Sine beste sesongar desse åra hadde
ein i 1983 og 1995, då var ein nær ved å rykke opp
til 3. divisjon. I 2003 rykte ein ned til 5. divisjon og i 2005 måtte
ein ta turen ned i 6. divisjon. I fjor gjorde laget ein dårleg
vårsesong, og sjølv om ein tok 22 av 27 poeng dei siste
9 kampane var laget langt bak 2. plassen.
Styrke:
Angrep
Heimebane
Harøy har kanskje 6. divisjon sitt sterkaste angrep med Stian
Harnes og Stig Sandøy. Unge Harnes vart i fjor toppscorar med
32 mål. Sandøy har blant anna vore innom Brattvåg,
men er sjømann og vil dermed vere vekke i enkelte kampar. Harøy
har ei av fylkets beste baner og her heimelaget svært vanskelege
å slå. I fjor måtte blant anna krinsmeister Emblem
reise frå Harøya med tap.
Svakheiter:
Sjømenn
Tynn stall
Harøy vil av og til stille svekka pga yrkesval til enkelte spelarar.
Både keeper Arve Myklebust og angripar Stig Sandøy er å
finne på sjøen og går dermed glipp av enkelte kampar.
Laget er i tillegg sårbare for skader sidan ein ikkje har den
største stallen.
Vårt tips: 3. plass
Harøy blir å finne i toppen og vil tukte dei fleste når
ein har laget intakt. Var 6. divisjon sitt beste lag i fjor haust etter
at den polske stopparen Damian Styn kom til klubben og har no fått
tilbake keeper Arve Myklebust. Har ei sterk sentrallinje, men vil det
halde til opprykk? Nei, vi trur Harøy må gi tapt pga lite
stabilitet i troppen.
Vårt Harøy-minne: Uggedal grus, 23. april 1997.
Serieopning 5. divisjon mellom Norborg-Harøy. Oransjetrøyene
kom opp frå 6. divisjon, medan Harøy kom ned frå
fjerde. Norborg hadde mista nær sagt heile laget før sesongen,
og stilte med mange gutte- og juniorspelarar. Heimelaget kjempa med
nebb og klør, og like før pause presenterte ein ny spelar
seg for Norborg-publikummet, nemeg Stein Erik Mårstøl.
Han steig til vers og heada inn 1-0. Noko som skulle vise seg å
det einaste målet i denne kampen. Norborg inntok tabelltopp og
fekk behalde den i to dagar. Dette var for øvreg årets
første og siste siger....
|