Vårt tips: 10. plass

Sunnylven

Plassering 2006:

Nr. 10 i 4. divisjon

Heime 2006:

5-3-3 25-23

Borte 2006:

1-3-7 21-32

Toppskårar 2006:

Alf Ole Sundgot (16 mål)

Spelartilgang:

Terje Flåm (Horningdal), Kåre A. Bjørnes (comeback)

Spelaravgang:

Alf Ole Sundgot (militæret), Espen Solheim (Norborg)

Beste plassering:

12. plass i 3. divisjon (2000)

Siste 5 år:

2002

6. divisjon

_1. plass

2003

5. divisjon

_2. plass

2004

4. divisjon

_4. plass

2005

4. divisjon

_8. plass

2006

4. divisjon

10. plass

Vi har stilt Sunnylven sin sportslege leiar Steinar Hjelle nokre spørsmål:

1. Kva er målsettinga til Sunnylven komande sesong?
Midt i oktober skal vi kunne sjå tilbake på sesongen og seie vi har gjort det vi kunne og er nøgd med prestasjonen.

2. Fornøgd med treningsoppmøtet?
Varierande.

3. Fornøgd med treningskampane?
Ja, godt nøgd.

4. Har dere fått nye spelarar sidan i fjor? Kven, og kva har desse tilført?
Terje Flåm, god i begge endar av bana. Nokre yngre spelarar som tilfører ungt pågangsmot og entusiasme.

5. Avgang: Alf Ole Sundgot (militæret).

6. Kven trur du kjem til å rykke opp?
Dei to jamnaste laga endar øverst....

7. Vi tipper Sunnylven på ein 10. plass. Kva er din kommentar til dette?
Nokon må tippast på den plassen også.

8. Noko du har på hjartet til norborg.com sine lesarar?
Følg med på dei ulike heimesidene før og etter kamp, men husk fotball er best live.

Vi takkar Steinar Hjelle for at han tok seg tid til å svare på spørsmåla og ønsker Sunnylven lykke til med sesongen.

Om Sunnylven

Sunnylven kom inn i seriesystemet i 1980 og gjorde seg då umiddelbart bemerka ved å bli krinsmeistrar i 7. divisjon. I dei ti første åra spelte laget i dei to lågaste divisjonane på Sunnmøre, men når 90-talet kom starta klubben å røre på seg. Laget tok sin andre krinsmeistertittel i 1991 (6. divisjon) og i 1994 vart det på nytt opprykk. Sunnylven gjorde ein bra førstesesong i 4. divisjon med ein 7. plass, men året etter måtte klubben ta turen ned til 5. div. I 1998 starta så den verkelege oppturen for raudtrøyene med to opprykk på rappen. Laget var då for første gong i historia i 3. divisjon. Gleda var likevel kortvarig. Klubben kom desidert sist og måtte trekke laget frå divisjonsfotballen før sesongen 2001. I 2002 var Sunnylven igjen på plass og krona tilbakekomsten med krinsmeisterskapstittel i 6. divisjon, og opprykk til 4. divisjon påfølgjande sesong. I 2004 kjempa dei om opprykk, men enda til slutt på 4. plass, eitt poeng bak den viktige 2. plassen, som for øvreg nabo Stranda tok.

Styrke:
Fysikk
Dødballar
Rutine

Sunnylven hevdar dei trenar minst i divisjonen, men likevel er dette det sterkaste laget. Det er som regel låkt å møte bulldosarane frå Hellesylt. Med sin steinharde fysikk så vinn Sunnylven det meste av duellar. Til og med dei minste på Sunnylven hoppar høgt og er farlege i lufta. Dermed er dødballar viktig for raudtrøyene. Enten om det er frispark frå Jan Ove Aslaksen, eller om det er innkast. Det må tydeleg vere kjekt å vere på dei "få" treningane og kampane Sunnylven spelar, for medan dei andre klubbane på Sunnmøre har snittalder langt nede på 20-talet, er den ti år høgare innpå Hellesylt. Det gjer laget til det mest rutinerte i divisjonen.

Svakheiter:
Tempo defensivt
Sundgot i militæret
Tynn stall

Det robuste Sunnylvsforsvaret tek det meste i lufta, men når ballen går raskt langs bakken får det temposvake forsvaret langt større problem. Alf Ole Sundgot har gjennom fleire sesongar terrorisert forsvarar, men denne sesongen er han i militæret. Kor ofte Sunnylven får gjere nytte av han er usikkert, men eit Sunnylvs-lag utan Sundgot får problem med å score. Vi tvilar på at langt eldre Terje Flåm held same standard, sjølv om han også kan nå eit to-siffra antal mål. Sunnylven har ein tynn stall og har avlyst eit par treningskampar på grunn av dette.

Vårt tips: 10. plass
Vi trur Sunnylven er på omtrent same nivå som i fjor. Dette betyr at dei kan overraske i enkelte kampar, men at det over 22 kampar blir for ujamnt. Utan målmaskina Sundgot i fleire kampar blir det ein tøff kamp i botnen for raudtrøyene, men heilt sist endar nok ikkje ekstrem-laget frå Hellesylt. 10. plass, som ifjor.

Nøkkelspelar: Jan Ove Aslaksen (og Alf Ole Sundgot, når han er med)

Vårt Sunnylven-minne: Norborg hadde fått ein god start på sesongen 2004, og leia 4. divisjon før ein skulle inn til Hellesylt for å møte Sunnylven. Der inne fekk ein så kraftig juling at laget nesten lid av det endå. "Halve" laget måtte ut med skade og ein mann rett på sjukehus. Sjølve kampen enda med 6-1 tap.


Adrian Håbet og Martinus Grytten scora sine første mål for a-laget mot Sunnylven for to år sidan, medan den tredje 16-åringen Stein Erik Alvestad jublar i lagmed dei. Dette er einaste gongen Norborg har tatt poeng inne på Hellesylt. I mange år spente oransjetrøyene ballen på elva for å redusere tapet.