Vårt tips: 12. plass

Stordal

Plassering 2006:

Nr. 2 i 5. divisjon

Heime 2006:

8-1-2 34-22

Borte 2006:

6-1-4 28-22

Toppskårar 2006:

Petter Aksel Kirkebøe 25 mål

Spelartilgang:

Ein del frå eigen stall

Spelaravgang:

-

Beste serieprestasjon:

9. plass 3. divisjon i 1962 (Nivå 3 - dagens 2. divisjon)

Siste 5 år:

2002

3. divisjon

_9. plass

2003

3. divisjon

12. plass

2004

4. divisjon

11. plass

2005

5. divisjon

_9. plass

2006

5. divisjon

_2. plass

Vi stilte Stordal sin fotballguru John Øie nokre spørsmål:

1. Kva er målsettinga til Stordal komande sesong?
Enkelt og greitt ståplass!

2. Fornøgd med treningsoppmøtet?
Vi har hatt eit variabelt treningsoppmøte. Nokre av dei eldste har fri om vinteren, og dukkar opp når det nærma seg seriestart.

3. Fornøgd med resultata i treningskampane?
Som alltid så har vi spelt få kampar. Resultata har vore opp og ned.

4. Har dere fått nye spelarar sidan i fjor?
Vi har tatt opp nokre ungdomar frå gutelaget.

5. Avgang? Nei.

6. Kven trur du kjem til å rykke opp? Eg trur Godøy tek den eine plassen. Bak dei blir det ein knallhard kamp mellom fleire lag.

7. Vi tipper Stordal på ein 12. plass. Kva er din kommentar til dette? Lite originalt, men eg trur Stordal kan overraske mange.

8. Noko du har på hjartet til norborg.com sine lesarar? Kan nemne at Stordal vil spele sine fire første heimekampar på Sjøholt. Synst Norborg har ei god side, men besøk gjerne stordal.nu også.

Vi takkar John Øie for svar og ønskjer Stordal lykke til med sesongen.

Om Stordal

Stordal kom tidleg med i Sunnmørsfotballen og kan difor skryte av å ha vore i 2. divisjon (etter dagens ordning) i seriesystemet. Dette var tilbake i 1962 då laget kom på ein 9. plass i gamle 3. divisjon Sunnmøre. På grunn av omlegging av serien det året ga 9. plassen dobbeltnedrykk, og laget fann seg sjølv i 5. divisjon. I 1964 vart det opprykk til gamle 4. divisjon og laget spelte der i to sesongar. Så var "storheitstida" over for denne gong. Laget gjekk frå strake vegen frå gamle 4. til 6. divisjon. 25 år skulle det gå før Stordal igjen var tilbake på nivå 4 i norsk fotball, og med knappe 1000 innbyggjarar i kommuna viste Stordal imponerande resultat på første halvdel av 1990-talet då laget laget fekk 5 strake sesongar i 3. divisjon. Stordal rykte ned igjen i 1995 og spelte 6 sesongar i 4. divisjon før dei på ny var tilbake i 3. divisjon i 2002.

Etter 1 siger på 42 kampar i 2003 og 2004 greidde Stordal i 2005 å stoppe den negative trenden med å stå i 5. divisjon. I fjor overraska ein dei fleste med å knipe 2. plassen og dermed henvise den soleklare opprykkskandidaten MSIL til fortsatt 5. divisjonsspel. Vil Stordal overraske igjen?

Styrke:
To gode angriparar
Ingenting å tape

Stordal har to veldig gode angriparar i Jahn Morten Overå og Petter Aksel Kirkebøe. Overå er rutinert og lur. Kirkebøe lynrask. Begge er gode til å avslutte, og med dei rette oppspela klarer desse to til saman nærmare 30 seriemål i 4. divisjon. Dei er óg saman med midtbanen flinke til å vinne ballen høgt oppe på bana. Det er nok slik Stordal sine fleste sjansar og mål vil kome. Stordal er dømt nord og ned, og har dermed ingenting å tape. Det kan då hende at fleire av motstandarane vil undervurdere laget og ikkje vere fullt ut konsentrert frå start av, slik Norborg var i ein treningskamp for ein månad sidan.

Svakheiter:
Forsvar
Tynn stall
Førebuing

Då vi såg forsvaret hadde dei både tempoproblem og tekniske problem. Her vart det mykje drusing og lite pasningar med tanke bak. Midtbane og angrep måtte stadig springe etter ball. Dette tærer på kreftene, og vi trur ikkje Stordal er blant dei best trente laga i divisjonen. Stordal trenar stort sett inne om vinteren, og med få kampar er førebuinga dårlegare enn hos dei mange andre laga i divisjonen som enten har, eller leige kunstgrasbane. Stordal er kanskje det laget i divisjonen som er mest utsett for skader. Første elleveren er ujamn nok som den er, og må unngå skader på støttespelarar om det ska vere snev av håp.

Vårt tips: 12. plass
Stordal har ikkje forsterka laget sitt sidan opprykket i fjor, og sjølv om her er 2-3 spelarar som hadde heva eitkvar lag i 4. divisjon, så tvilar vi på at det totalt blir godt nok til å ta dei nødvendige 21 poenga som skal til for å halde seg. Vil heilt sikkert ta fleire poeng enn i 2004, men må belage seg på ein rask retur til 5. divisjon.

Nøkkelspelarar: Petter Aksel Kirkebøe og Jahn Morten Overå

Vårt Stordal-minne: Norborg og Stordal har ikkje møtt kvarandre så mange gongar dei siste 20 åra. I 2004 vann Norborg begge kampane med henhaldsvis 3-0 og 6-2. Den mest spetakulere kampen mot Stordal fann stad for berre nokre veker sidan. Stordal leia 3-0 over eit sløvt Norborg-lag, men utruleg nok snudde oransjetrøyene til 5-3 siger. Det er første gong vi er vitne til at Norborg har kome tilbake etter 3 mål bak. Som regel har det brukt å vere omvendt...