Vårt tips: 1. plass

Rollon

Plassering 2006:

Nr. 11 i 3. divisjon

Heime 2006:

2-2-7 15-32

Borte 2006:

3-4-4 19-21

Toppskårar 2006:

Alf Petter Årdal 9 mål

Spelartilgang:

Trond Hamre (Selje), Joakim Andersen (SIF), Erik Farstad Hamnes (Herd-junior), Kenneth Ove Sunde (Langevåg), Ole Martin Refsnes og Øyvind Olsen (egen stall)

Spelaravgang:

Espen Vågnes (lagt opp), Aleksander Ervik (Blindheim??)

Beste serieprestasjon:

3. plass i Norgesserien distrik VII (øvste nivå) i 1938

Siste 5 år:

2002

6. divisjon

2. plass

2003

5. divisjon

6. plass

2004

5. divisjon

1. plass

2005

4. divisjon

2. plass

2006

3. divisjon

11. plass

Vi stilte Rollon sin sportslege leiar Christian Haugen nokre spørsmål

1. Kva er målsettinga til Rollon komande sesong?
Vår målsetting denne sesongen er å få til et stabilt treningsoppmøte, så får resultat komme deretter...

2. Korleis har treningsoppmøtet vore i vinter?
Treningsoppmøtet i vinter har bra, kanskje det beste vi har hatt på et par år.

3. Fornøgd med treningskampane?
Resultatmessig kunne vel kampene vært bedre. Men vi har valgt å la alle spille, spesielt de yngste juniorene som er tatt opp har fått spilt alle kampene.

4. Har dere fått nye spelarar sidan i fjor? Kven? Kva har desse tilført spelarstallen?
Trond Hamre/Selje - meget rask og forhåpentligvis farlig spiss :),
Joakim Andersen/SIF - tilbake etter et halvt år i SIF,
Erik Farstad Hamnes/Herd-junior som har vist lovende takter og er tatt fast opp i stallen,
Øyvind Olsen/tatt opp fra jr.avd,
Kenneth Ove Sunde/Langevåg rutinert type som helt klart blir en forsterkning!
Ole Martin Refsnes fra egen stall viser også lovende takter...

5. Avgang? Alf Petter Årdal, Eivind og Magnus Norstrand på skole, men vil være på plass i slutten av mai. Og blir hjemme ut sesongen. Espen Vågnes/lagt opp, Aleksander Ervik/Blindheim??

6. Kven trur du kjem til å rykke opp? Mange lag om beinet her tror jeg. Men tror mest på Godøy og Bergsøy. Bak her kommer nok Rollon, Stranda, Norborg og Herd

7. Vi tipper Rollon på 1. plass. Kva er din kommentar til dette? Tja, artig det. Vi får se, klarer vi å holde stabilitet i spillergruppa er vi aktuell!

8. Noko du har på hjertet til norborg.com sine lesarar?
Ønsker Norborg lykke til med sesongen, og håper vi får to morsomme kamper.

Om Rollon

Blåtrøyene frå Larsgården er blant dei mest ærverdige laga vi har her på Sunnmøre, med stolte tradisjonar innan både fotball og handball. Diverre for Rollon-gutane begynne det å bli svært mange år sidan.

Før 2. verdskrig oppnådde Rollon ein 3. plass i 1938 og ein 4. plass i 1939 i det ein kalla Norgesserien distrikt VII. Dette var spel på høgste nivå den gongen. Rollon behaldt forma gjennom krigen og i Sunnmørsposten 24. mai 1946 kan vi lese at B-laget til Rollon banka Guard 10-0 i 2. divisjon. Det er altså ikkje berre i dagens fotball 2. laga skapte bryderi... Meir om 2. divisjonskampen mellom Rollon 2 og Guard kan spesielt interesserte lese her. Rollon stilte for øvrig eit lag i 3. divisjon også denne sesongen.

Rollon haldt seg blant dei beste klubbane i fylket nær sagt heile 1950-talet, men i 1958 måtte ein ta turen ned til 3. divisjon avd. Sunnmøre. På dette nivået spelte ein fram til 1962 då det på grunn av omlegging av divisjonssystemet vart nedrykk til 4. divisjon. Ein divisjon ein fann seg i fram til 1975 då ein vart kretsmeistrar og rykte opp til 3. divisjon avd. Møre. Dei neste 10-11 åra veksla ein mellom spel i 3. og 4. divisjon, men i 1986 måtte ein ned i 5. divisjon. Nedrykket kom på dramatisk vis. Bergsøy stod med 28-36 og 19 poeng, mens Rollon måtte ta den tunge turen ned med 27-35 og 19 poeng. Dette var første gong Rollon var på eit så lavt nivå.

På 90-talet starta dei verkelege tunge åra for fotballen i Rollon. Laget gjekk strake vegen frå 4. til 6. divisjon i 91 og 92, mens ein før 1995 sesongen trakk laget og gjekk inn i eit samarbeidsprosjekt kalla Nørvøy, eit lag som berre haldt ut i ein sesong. Ikkje før i 2000 kom Rollon tilbake med a-lagsfotball. Med bl. andre Tor Ola Pracy på laget var dei favoritt i 6. divisjon, men Skarbøvik2 og Norborg øydela opprykket, og det skulle ta nokre år før Rollon igjen starta si ferd mot høgare divisjonar, men då gjekk det raskt. I 2004 og 2005 rykte ein opp med god margin og fekk spele i 3. divisjon i 2006, men måtte tåle nedrykk då SIF ikkje kvalifiserte seg for 2. divisjon.

Styrke:
Merittert trenar
Solid 1. ellevar
Stayer-evne

Det gjekk ei stund før Rollon fekk på plass ein erstattar for Stig Johansen, men når han først kom vart det ingen mindre enn Stig Monsen. Stig Monsen har trent Hødd, Langevåg, Moldekameratene, Malmefjorden, Rival, Hosle og Hasle/Løren. I tillegg har han vore assistenttrenar for Ivar Morten Normark i AaFK, og med spelarerfaring frå Molde, så er det ingen kven som helst. Så får vi sjå om meir sindige Monsen klarer å bli like stor Rollon-helt som meir ville Elling Kjærstad. Rollon har ein solid 1. ellevar med spelarar som blant anna Kenneth Ove Sunde (ny frå Langevåg), Alexander Løwensprung, Kim Haagensen, Johan Strand, Kristian Tafjord, Rikard Ytterlid og etterkvart fjorårstoppscorar Alf Petter Årdal. Held desse seg skadefrie blir det vanskeleg å ta poeng mot kvittrøyene. Sist Rollon var i 4. divisjon viste dei ein enorm stayer-evne og greidde gong på gong å dra i land eittmålssigrar. Er denne evna på plass i år også, sjølv om Kjærstad ikkje står å ropar på sidelinja?

Svakheiter:
Keeperproblem?
Kamptrening for dei nest beste

Rollon har ingen tydelege svakheiter. Sidan keeper Bjørnar Hoel har gått over i ei anna stilling i klubben enn å stå i mål, så kan det bli litt tynt med berre Kristian Muriaas som keeper. Men Hoel kan jo fort ta på seg handskane igjen om det skulle bli nødvendig. Rollon har verken 2. lag, 7'ar lag eller eit juniorlag i Nordea-serien. Det blir dermed smått med kamptrening for dei nest beste.

Plassering: 1. plass
Rollon blir vår favoritt til å vinne 4. divsjon 2007. Rollon si leiing har i det siste jobba godt på fleire område, og ser ut til å ha fått på plass både eit godt lag og støtteapparat. Laget har vunne 3 av 4 kampar mot divisjonskollegaer, og har i tillegg slått Langevåg to gongar og Spjelkavik ein gong. Har ein rutinert trenar, ein god tropp og vil bli styrka utover sesongen med Årdal og Nordstrand-karane. Det skal bli vanskeleg å stoppe Rollon sitt 4. opprykk på 6 sesongar.

Nøkkelspelarar: Kenneth Ove Sunde, Alexander Løwensprung, Kim Haagensen og Johan Strand

Vårt Rollon-minne: Det sterkeste minnet handlar om nokre hendingar på Uggedal stadion 16. juni 2005, men det huskar vel dei fleste, så vi fokuserer på noko positivt i Norborg-auge, og vender tilbake til Søvikdalen måndag 4. september 2000. Det er denne kvelden toppkamp i 6. divisjon mellom Rollon (nr. 2) og Norborg (nr. 4). Rollon vil med siger rykke frå Norborg i opprykkskampen, og oransjetrøyene har såleis kniven på strupa. Norborg kom til kampen med 4 strake sigrar og 28-4 i målforskjell. Rollon på si side hadde blitt offer for Skarbøvik2 og Spjelkavik2 sin "La Rollon bli i 6. divisjon"-kampanje, og stod med to tap. Folk møtte mannsterke opp denne fine seinsommardagen i Søvikdalen, og heimelaget svara med festfotball. Etter ei litt nervøs opning greidde Norborg å få tomålsleiing til pause. Rollon vart frustrerte, medan Norborg leika seg meir og meir. Til slutt stod det 7-1 på blokka, og Norborg var for første gong sidan 1996 på opprykksplass. Måla til Norborg vart scora av Kim Idar Krogsethagen 2, Tarjei Urkedal 2, Roger Kjørsvik, Alex Gamlem og Christian Søvik