Vårt tips: 3. plass

Godøy

Plassering 2006:

Nr. 6 i 4. divisjon

Heime 2006:

5-3-3 33-21

Borte 2006:

5-1-5 34-25

Toppskårar 2006:

Erlend Holmen 11 mål

Spelartilgang:

Anders Veddegjerde frå Giske. Frank Øveraas Ørjan Dyb (eigen stall) Kjetil Nyvoll (comeback) Preben Mannsverk (eigen stall) Fredrik Valkvæ (eigen stall)

Spelaravgang:

Kåre Sindre Nyvoll (lagt opp) Kay Amund Vardal (hjelpearbeid i Afrika, kjem til sommaren) Lars Kristian Austnes (student i Bergen, kjem kanskje til sommaren) Eldar Godø (lagt opp) Jøgvan Valkvæ (lagt opp, blitt trenar) Stian Alnes (lagt opp)

Beste serieprestasjon:

10. plass i 3. divisjon (2004)

Siste 5 år:

2002

4. divisjon

_6. plass

2003

4. divisjon

_2. plass

2004

3. divisjon

10. plass

2005

4. divisjon

_3. plass

2006

4. divisjon

_6. plass

Vi stilte Godøy sin spelande trenar Svein-Arve Alnes nokre spørsmål:

1. Kva er målsettinga til Godøy komande sesong?
o Utvikle dei unge spelarane.
o Sosialt, ha det gøy både på og utanfor bana.
o Spele inn et fast spelemønster slik at alle kan bli trygge der dei spelar.
o Skape et engasjement i spelargruppa/støtteapparat/Godøya(publikum).
o Godt miljø og god treningskultur i spelergruppa.

2. Fornøgd med treningsopmøtet?
Bra. Kjernen av stallen har trent veldig godt. Har forresten hatt (berre) 3 treningar i veka. Med nokre spelarar har treningsoppmøtet vore for dårlig, men vi har ein stor stall(26 stk)å ta av så vi ser ikkje mørkt på det.

3. Fornøgd med resultata i treningskampane?
På det jamne. Vi har spelt alt i frå glimrande til dårlig. Har hatt gode kampar mot Blindheim, HaNo, Lom, Vigra og Volda. Men vi har og spelt kampar langt under pari, som mot Brattvåg(2.omg), Ørskog og Åram. Er veldig nøgd med at vi har scora mange mål. Men er misnøgd med såpass mange baklengs. Dette skal vi jobbe meir med framover mot seriestart.

4. Har dere fått nye spelarar sidan i fjor?
Anders Veddegjerde frå Giske. Frank Øveraas Ørjan Dyb (eigen stall) Kjetil Nyvoll (comeback) Preben Mannsverk (eigen stall) Fredrik Valkvæ (eigen stall)
Spelarane har selvfølgeleg tilført stallen breidde. Men også spelartypane har glidd gått inn i spelestilen vår. Frank og Anders tilfører også laget rutine, noko som trengs i denne divisjonen. I fjor hadde vi eit ungt lag, men i år har vi fått meir rutine, noko som vil hjelpe både laget og dei unge spelarane.

5. Avgang:
Kåre Sindre Nyvoll (lagt opp) Kay Amund Vardal (hjelpearbeid i Afrika, kjem til sommaren) Lars Kristian Austnes (student i Bergen, kjem kanskje til sommaren) Eldar Godø (lagt opp) Jøgvan Valkvæ (lagt opp, blitt trenar) Stian Alnes (lagt opp)

6. Kven trur du kjem til å rykke opp?
Vanskeleg å seie. Har møtt Åram, HaNo, Norborg og Ørskog frå 4.divisjon i år. Trur neppe nokon av desse laga vil vere med å kjempe HEILT i toppen i år. Har ikkje sett nokre av dei andre laga, så det blir vanskeleg å vite kva dei står for. Men dersom eg må seie nokon, så må man vel alltid rekne med dei som rykka ned frå 3.divisjon pluss dei som var i nærheita av å rykke opp i fjor. Rollon, Bergsøy og Stranda. Men ser ikkje bort i frå at det vil bli eit lag som overraskar i år. Blir spanande å sjå.

7. Vi tipper Godøy på ein 3. plass. Kva er din kommentar til dette?
3.plass er no ganske høgt oppe på tabellen. I fjor vart vi nr 6. Så dersom vi gjer det så bra så skal vi være nøgd. Det er mange lag som kan bli blant de 5 beste i år. Det er ein jamn divisjon.

8. Noko du har på hjartet til norborg.com sine lesarar?
Håper mange tek turen for å støtte laget sitt. Det blir ein jamn divisjon i år, og det kjem heilt sikkert til å bli spelt mange gode, spanande og interessante oppgjer i år. Man får alltid som fortent i fotball og dei to laga som rykkjer opp fortener dette. Vi håper på ein raud sesong:) Mvh Jøgvan og Svein-Arve

Vi takkar Godøy-trenar Svein Arve Alnes for svar og ønskjer Godøy lykke til med sesongen.

Om Godøy

Godøy har oppgjennom åra sjeldan utmerka seg på fotballbana, og har stort sett vore nr. 3 klubben i Giske kommune, men det var før 2004. Då var laget for første gong i 3. divisjon og kapra mykje spalteplass i Sunnmørsposten grunna ein fenomenal vår der laget banka både Skarbøvik og Valder og stod utan tap på dei første 7 rundene. Dei fleste utpå "gøyna" gjekk rundt å gliste frå øyre til øyre i heile mai, men behaldt fortsatt beina på bakken og sa at det var ståplass som er og blir målsettinga.

Etterkvart som regnversskyene la seg over Sunnmøre begynte Godøy å få det tyngre og tyngre. Laget kom nærmare og nærmare botnlaga, men då laget slo AaFK2 og hadde 27 poeng når det gjenstod 3 runder, følte dei fleste seg trygge på at ein ville halde plassen. Men så skjedde ikkje. I siste runde passerte Ørsta, og Godøy måtte satse på at Skarbøvik greidde å tukte romsdalslaget Træff i kvalifiseringa til 2. divisjon. Men heller ikkje her gjekk det godøyingane sin veg, og for første gong rykte eit lag med heile 27 poeng ned frå 3. divisjon Sunnmøre.

I 2005 var Godøy lenge med i opprykkskampen, men med eit Hødd 2. lag som stadig satsa sterkare på opprykk måtte raudtrøyene skyte ei lang pil etter ein av dei to opprykksplassane. Sist sesong skuffa raudtrøyene og endte på 6. plass. Blir det betre i år?

Styrke:
Vinnarvilje
Jamn stor stall
Engasjement

Godøy er normalt eit hardtarbeidande lag som osar av vinnarvilje. Her spelar ein med hjarte utanpå drakta og ein gir seg ikkje opp før kampen er over og vel så det. Også på tribuna er vinnarviljen og engasjementet stort. Før om åra kanskje vel stort, noko som gjorde godøyingane berykta. No har det blitt eit sunt engasjement rundt klubben. Noko som gjer det alltid artig å møte Godøy. Raudtrøyene har ein jamn og stor stall. Dette gjer at ein ikkje er så utsett for skader som mange av dei andre laga i divisjonen.

Svakheiter:
Stabilitet
Defensivt
Keeper på hausten?

Godøy sitt problem i fjor var mangel på stabilitet. Laget vann aldri meir enn ein kamp eller to på rad før tapet kom. Dermed enda dei nede på ein skuffande 6. plass. I fjor slapp ein inn over to mål i snitt. Det same har ein gjort i treningskampane. Dette må forbetrast om Godøy skal rykke opp. Aldri før har eit lag i 4. divisjon rykt opp med snitt på 2 mål eller meir i baklengs pr. kamp. Så her må Godøy skjerpe seg. Raudtrøyene kan også få eit problem på keeperplassen. Øyvind Akerø tok over handskane ifjor, men etter det vi har høyrt vil han bort frå klubben når kontrakta går ut til sommaren. Kven skal då stå i mål? Ein kan ikkje drive å låne keeper med motstandarar i serien...

Vårt tips: 3. plass
Hard jobbing frå start til slutt har vore Godøy sitt kjennemerke dei siste åra, men i tillegg til innsats har dei nokre dyktige teknikarar. Noko som gjer dei til eit av Sunnmøres beste innelag. Godøy scora mange mål ifjor og har fortsatt med det i vinter. Laget mangla ifjor ein spelar som kunne jakte toppscorartittelen, men fjorårets midtbanespelar Svein-Arve Alnes spelar i år spiss, og kan nå eit tjuetals scoringar om han held seg skadefri. I treningskampane har det blitt 11. I tillegg har den unge spissen Trond Brynestad fått eit år til på baken. Vi trur Godøy blir betre i år enn ifjor, og kjem til å kjempe om opprykk til siste slutt. Spørsmålteikna er keeper og defensiv styrke. Må sleppe inn langt mindre enn i fjor om det skal bli opprykk, det trur ikkje vi skjer, og bitter 3. plass for raudtrøyene.

Nøkkelspelarar: Erlend Holmen, Svein Arve Alnes og Trond Valkvæ

Vårt Godøy-minne: Vi kunne lett sagt baneopninga i Uggedalen, men det er likevel ein haustkamp i 2003 vi forbinder med Godøy. Norborg hadde hatt ein svært sterk haustsesong og gått frå botn til toppen etter fem strake sigrar. 6. september var det klart for toppkamp Godøybana gras. Med siger ville Norborg ha svært gode opprykkssjansar, med tap var i realiteten alt håp ute. Norborg fekk ei dårleg oppladning til denne kampen. Ein måtte nemleg spele i Godøy sine bortetrøyer. Dette fordi Godøy sine raude og Norborg sine oransje likna for mykje på kvarandre. På kampen fekk Norborg ei katastrofal opning og låg under 3-0 før ti minutt var gått, men norborgarane ga ikkje opp og pressa heimelaget kraftig. Diverre vart for mange store sjansar brent, og ein måtte gå av bana med 3-2 tap. Det Norborg presterte denne haustsesongen vil vi påstå er det beste i klubbens historie. Berre så synd at desse ti minutta i koma skulle hindre 3. divisjonsspel sesongen 2004. (Norborg kom til slutt 7 poeng bak Godøy på tabellen, men vi rekna med at laget hadde vore ein god del meir motivert, og tatt langt meir enn eitt poeng i sine to siste kampar dersom det stod om opprykk).