Vårt tips: 11. plass

Rollon

Plassering 2004:

Nr. 1 i 5. divisjon

Heime 2004:

9-1-1 28-5

Borte 2004:

8-0-3 34-13

Toppskårar 2004:

?

Spelartilgang:

Stefan Rønning, Harald Haugen (Ellingsøy) , Alf Årdal (Skarbøvik), Thor Andre Thomassen, Knut Tore Moltu, Tor Erik Opsal bl.a.

Spelaravgang:

Erlend Johansen (Ellingsøy), Stokkevåg, Strand, Sætre, Orø m.fl.

Beste serieprestasjon:

3. plass i Norgesserien distrik VII (øvste nivå) i 1938

Siste 5 år:

2000

6. divisjon

3. plass

2001

6. divisjon

2. plass

2002

6. divisjon

2. plass

2003

5. divisjon

6. plass

2004

5. divisjon

1. plass

Treningskampar:

MSIL

3-2

Herd

2-4

Stordal

1-1

Skarbøvik2

1-2

Rollon held korta tett til brystet før comebacket i 4. divisjon og svarte ikkje på spørsmåla våre. Men i frå Rollon si supportarside har vi henta dette:

På en godt besøkt pressebriefing på Rollonhuset i formiddag redegjorde Rollons sportslige leder Christian Haugen for situasjonen:
- Vi e godt i gang med sesongoppkjøringa. Vi slite litt me skada, men vi tror de blir bra. Årets lag e de yngste laget vi har hatt på mange år. Vi har mista nokken av dem gamle traverane (Stokkevåg, Strand, Sætre, Orø m.fl.), men vi har fått endel nye. Nye av året er Harald Haugen, Alf Årdal, Thor Andre Thomassen, Knut Tore Moltu, Tor Erik Opsal bl.a. Ellers savne vi selvfølgelig Eivind N og han Lalle!!!"

Gange Rolv etterlyste så ambisjonene for sesongen: Christian Haugen: "Målsettinga for året e ganske grei: Å holde oss i 4. divisjon."

Om Rollon

Blåtrøyene frå Larsgården er blant dei mest ærverdige laga vi har her på Sunnmøre, med stolte tradisjonar innan både fotball og handball. Diverre for Rollon-gutane begynne det å bli svært mange år sidan.

Før 2. verdskrig oppnådde Rollon ein 3. plass i 1938 og ein 4. plass i 1939 i det ein kalla Norgesserien distrikt VII. Dette var spel på høgste nivå den gongen. Rollon behaldt forma gjennom krigen og i Sunnmørsposten 24. mai 1946 kan vi lese at B-laget til Rollon banka Guard 10-0 i 2. divisjon. Det er altså ikkje berre i dagens fotball 2. laga skapte bryderi... Meir om 2. divisjonskampen mellom Rollon 2 og Guard kan spesielt interesserte lese her. Rollon stilte for øvrig eit lag i 3. divisjon også denne sesongen.

Rollon haldt seg blant dei beste klubbane i fylket nær sagt heile 1950-talet, men i 1958 måtte ein ta turen ned til 3. divisjon avd. Sunnmøre. På dette nivået spelte ein fram til 1962 då det på grunn av omlegging av divisjonssystemet vart nedrykk til 4. divisjon. Ein divisjon ein fann seg i fram til 1975 då ein vart kretsmeistrar og rykte opp til 3. divisjon avd. Møre. Dei neste 10-11 åra veksla ein mellom spel i 3. og 4. divisjon, men i 1986 måtte ein ned i 5. divisjon. Nedrykket kom på dramatisk vis. Bergsøy stod med 28-36 og 19 poeng, mens Rollon måtte ta den tunge turen ned med 27-35 og 19 poeng. Dette var første gong Rollon var på eit så lavt nivå.

På 90-talet starta dei verkelege tunge åra for fotballen i Rollon. Laget gjekk strake vegen frå 4. til 6. divisjon i 91 og 92, mens ein før 1995 sesongen trakk laget og gjekk inn i eit samarbeidsprosjekt kalla Nørvøy, eit lag som berre haldt ut i ein sesong. Ikkje før i 2000 kom Rollon tilbake med a-lagsfotball. Med bl. andre Tor Ola Pracy på laget var dei favoritt i 6. divisjon, men Skarbøvik2 og Norborg øydela opprykket, og det skulle ta nokre år før Rollon igjen starta si ferd mot høgare divisjonar.

Defensivt:
Ingen på Sunnmøre slapp inn så få mål som Rollon i fjor. Fem baklengs på 11 heimekampar er imponerande, men det vil ikkje skje i år. Vi veit elles lite om dette Rollon-laget. Leiinga er taust, og vi har ikkje sett laget på nesten 5 år. I treningskampane så har laget sluppe inn i overkant av 2 mål i snitt.

Offensivt:
Ikkje blant dei mestscorande i 5. divisjon. Har heller ikkje scora så mange mål i vinterens treningskampar. 1-1 mot svake Stordal lovar ikkje godt. Avhengig av at Alf Årdal slår til.

Stallen:
Rollon fekk framfor fjoråret fleire Aksla-spelarar som var på jakt etter ein klubb med eit betre støtteapparat. Etter det vi veit har iallfall Johan Strand gitt seg sidan den tid. Han var kanskje Rollon sin beste spelar og spelte bl.a. på "Pressens-lag" mot AaFK sommaren 2003. Har imidlertid fått Alf Årdal. Ein spelar som kan lage trøbbel for dei fleste på dette nivået.

Plassering: 11. plass
Rollon kontrollerte inn til eit sikkert opprykk i fjor. Likevel trur vi det er dei som får det tøffast av dei to nykommarane i frå 5. divisjon. Treningskampane har ikkje vore imponerande og med ein sannsynlegvis litt svakare stall enn i fjor blir det tøft på dette nivået.