Vårt tips: 8. plass

Norborg

Plassering 2004:

Nr. 5 i 4. divisjon

Heime 2004:

6-2-2 22-15

Borte 2004:

3-4-3 26-26

Toppskårar 2004:

Kim Idar Krogsethagen 14 mål

Spelartilgang:

Adrian Håbet, Martinus Grytten, Stein Erik Alvestad, Bjørnar Engeset, Eivind Fjørtoft, Kristoffer Søviknes, Kjell Terje Brusdal, Lars Petter Tennfjord (alle egen stall), Andre Larsen (Brattvåg)

Spelaravgang:

Geir Roar Gamlem (Langevåg), Kim Idar Krogsethagen (Langevåg), Øyvind Kvammen (pause), Kristian Furnes (militæret), Geir Magne Grande (trappa ned), Bjørn Urkedal (trappa ned), Kenneth Gamlem (trappa ned).

Beste serieprestasjon:

5. plass 4. divisjon (2003 og 2004)

Siste 5 år:

2000

6. divisjon Avd. 1

2. plass

2001

5. divisjon

3. plass

2002

5. divisjon

1. plass

2003

4. divisjon

5. plass

2004

4. divisjon

5. plass

Spelartropp 2005:

_1. Kurt Erik Grytten (K) f. 1982

25. Stein Erik Alvestad (F) f. 1989

26. Kristoffer Søviknes (M/a) f. 1989

24. Bjørnar Engeset (K) f. 1988

11. Edward Laverton (A) f. 1987

_2. Lars Petter Tennfjord (F) f. 1988

15. Espen Solheim (A) f. 1988

_3. Roger Grytten (F/m/a) f. 1978

_6. Stein Erik Reitan (M) f. 1977

16. Martinus Grytten (m/A) f. 1989

_4. Jan Even Drønnesund (F) f. 1981

_7. Tarjei Urkedal (f/M/a) f. 1982

18. Geir Ove Grønli (f/m/A) f. 1975

_5. Knut Ivar Bjørlykhaug (F) f. 1987

_8. Eirik York (M) f. 1982

19. Amund Terøy (m/A) f. 1986

_9. Christian Søvik (F/m/a) f. 1976

10. Kristian Søviknes (f/M) f. 1981

21. Alexander Gamlem (m/A) f. 1981

13. Steffen Grytten (F/m/a) f. 1984

12. Eivind Fjørtoft (M/a) f. 1989

23. Biarte Hånes (A) f. 1979

14. Asgeir Kalvø (F) f. 1987

17. Adrian Håbet (M/a) f. 1989

-. Andre Larsen (M/a) f. 1985

22. Stig Wold (F/a) f. 1982

20 Stein Erik Mårstøl (f/M/a) f. 1981

-. Øystein Haugan (B/k/f) f. 1967

Treningskampar:

Ørsta

1-6

Rival

1-3

Langevåg2

3-2

Hareid

0-4

Kaupanger

2-7

Sogndal2

9-1

Midsund

2-3

FK Sykkylven

2-1

Ravn

-

Blindheim/Emblem

-

Vi har stilt Norborg-trenar Helge Uggedal nokre spørsmål

1. Kva er målsettinga til Norborg komande sesong?
Dersom vi får behalde stallen uten for mange og langvarige skader, bør vi kunne plassere oss over midtstreken på tabellen. Basert på denne forutsetninga blir mitt tips derfor 5.-6. plass.

2. Fornøgd med treningsoppmøtet?
Ja, dersom vi tek hensyn til eit par spelarar som har vore langtidsskadde, ein som i vekene trener fast på Molde jr. og andre med kortare skadeavbrekk, er oppmøte så langt godt. Også dei av gute- og juniorspelarane som har "hospitert" hos oss i vinter, har hatt godt oppmøte.

3. Fornøgd med treningskampane?
Vi har i år bevisst møtt sterke lag, stort sett frå 3. divisjon, og sett ut frå motstandarane, vil eg sei meg fornøgd med at vi har sett at meir og meir av det vi som trenarar har jobba med i vinter, har fungert bedre og bedre. Vi har i stor grad prøvd å få inn stabilitet i dei einskilde lagdelane, vi har sett meir etter prestasjonane både hos enkeltspelarar og ikkje minst lagmessig enn akkurat resultata, og då vil eg sei meg fornøgd pr. idag, omlag 2 veker før seriestart.

4. Du var jo også trenar for Norborg ein del år tilbake. Kva vil du seie er den største forskjellen på spelarane/klubben frå den gong kontra i dag?
Fyrst og fremst er Norborg i dag ein klubb som arbeider godt med dei yngre spelarane, både guter og heldigvis etterkvart også jenter, noko som har gitt resultat i form av rekruttering til seniorlaga. I det heile er klubben mykje bedre organisert no enn på 70- og 80-tallet, det ser vi både på den administrative og ikkje minst den sportslege sida. Også på spelarsida er det ei mykje meir "profesjonell" haldning til fotballen no enn då eg sist var trenar for herrelaget i 1977-79. Det at Norborg dei siste åra har etablert seg som eit godt 4. divisjonslag, bør vere eit bevis på dette.

5. Trist å ikkje få spele årets heimekampar i Søvikdalen?
Både ja og nei. For ein som har spelt kampar på grusbana i Søvikdalen frå 1968, vore med på grasbaneåpninga i 1975 og ellers opplevd mange gode (og tyngre) stunder i Søvikdalen, så blir det nok litt vemodig. På den andre sida synes eg det er heilt rett å samle klubben sine anlegg på ein stad, at det vart i Uggedalen er litt spesielt for meg som opprinneleg kjem frå denne staden. Eg gler meg stort til å få sjå laget mitt spele på nybana med MANGE ivrige og trufaste supportarar som gir Norborg støtte i alle kampane utover i sesongen frå den nye, flotte tribuna!

6. Kven trur du kjem til å rykke opp?
Mitt tips vert Brattvåg og HaNo, både basert på spesielt Brattvåg sine sterke resultat i det siste og at dei har eit verkeleg spennande lag på gong, på at HaNo var nær ved i fjor og har styrka stallen i år og sjølvsagt er eg lokalpatriot!

7. Vi tipper Norborg på ein 8. plass. Kva er din kommentar til dette?
Eg synes det er litt defensiv tipping og viser til mi grunngjeving under punkt ein!

8. Noko du har på hjartet til norborg.com sine lesarar?
Eg ynskjer alle som er glad i Norborg lykke til med den komande sesongen, alle frå knøttenivå og opp til senior dame- og herrelag! Sjølv om eg er assistenttrener for herrelaget er eg minst like opptatt av dei som skal vere framtida for fotballen i Norborg, nemleg alle dei aldersbestemte laga våre! Eg håper i så måte på eit stort engasjement frå alle foreldre og føresette, møt opp på kampane på alle nivå og gi jentene og gutane våre di støtte! Norborg er ein klubb i framgang og medvind no, med mange dyktige medarbeidarar som gjer gode jobbar på alle nivå! Lat oss derfor alle som har hjartet vårt i klubben gjere alt vi kan, kvar på vår måte, for at klubben skal fortsette å gjere det godt, ta vare på alle som vil drive idrett, og vere stolt av I.L. NORBORG!!

Vi takkar Helge Uggedal for svara, og ønsker Norborg lykke til med sesongen.

Om Norborg

Norborg har dei siste åra hatt stor framgang både på og utafor bana, og hadde i fjor opprykk til 3. divisjon som det store målet. Trass ein god start skulle det ikkje gå slik og oransjetrøyene skal for 3. året på rad spele i 4. divisjon.

Norborg har sjeldan utmerka seg når det gjeld fotball. Sidan starten i 1968 har ein nesten alltid vore i dei to nederste divisjonane. Unntaka er åra 1981-83. Då spelte laget i det ein no kallar 4. divisjon. Mangel på talent har det likevel ikkje vore, men dei har endten reist på sjøen, på skule, eller gått til klubbar i høgare divisjonar.

Dei siste åra har ein derimot fått behaldt stamma i laget, og denne kontinuiteten har bore frukter. Basert på eigne talent har laget gått frå botn 6. divisjon til topp 4. divisjon på få år. Men i vinter kom sjokket. Kanskje det største talentet av dei alle valde å forlate Norborg, og mange er no spent på korleis livet utan Kim skal gå.

Defensivt:
Norborg har sjeldan vore det mest gjerrige laget og har på sine to sesongar i 4. divisjon sluppe inn litt for mange enkle mål til at ein har kunna kjempa om opprykk. Likevel må vi seie at Norborg har eit godt organisert lag som gjer at motstandaren kjem til få sjansar. Bakerst har laget ein dyktig keeper i Kurt Erik Grytten. Han har utvikla seg mykje berre i vinter. Forsvaret er elles ei fin blanding av rutine og ungdom, men er kanskje litt for avhengig av skadeforfulgte Roger Grytten.

Offensivt:
Norborg fekk seg eit skot for baugen då lagets desiderte toppscorar dei siste sesongane forlot klubben. Dette såg også ut til å bere preg på laget før påske. Men i det siste har Geir Ove Grønli og Edward Laverton fungert betre og betre saman på topp. Begge bør vere i stand til å score nærmare 15 seriemål kvar. Bak dei er det likevel tynt. Spesielt frå midtbana har det blitt for få mål. Tarjei Urkedal er den einaste som har vore nær eit to-siffra antal mål dei siste åra. Dette må forbetrast i om Norborg skal hevde seg på øvre halvdel.

Stallen:
I fjor på denne tida hadde Norborg nær sagt dobbel dekning på alle plassar. I år er det derimot litt tynnare. Fleire spelarar har forlatt laget, medan dei fleste som har kome til, spelar normalt på gute eller juniorlaget. Heldigvis for Norborg er dette nokre av dei største talenta som er i krinsen med bl.a. to på Sunnmøre G-89. Likevel, ein tåler ikkje like mange skader som ein hadde i fjor.

Vårt tips: 8. plass
Norborg har i år senka ambisjonane. Ikkje så rart sidan ein har mista fleire spelarar. Grunna ei hardtarbeidande midtbane vil nok laget spele jamt med dei fleste, men treningskampane har vist at ein treng mange opplagte sjansar for å score. Likevel bør laget unngå den verste botnstriden. Til det er 1. oppstillinga for god.